2 Korente 3:9 - Takarata pɛ Sɔ Mbombe Mbon

⁹ Tom pɛ mbonga dungɔ nɛ lɛkɛ-lɛkɛmɔ, ngase ka yo gde wi ha kita fio. Mɛgi, tom gdea wi nzeng ha li Sɔ bedung nɛ lɛkɛ-lɛkɛmɔ pentɛ pet.

2 Korente 3:9 ပူးပေါင်းရင်းမြစ်များ

Rome 4:11

Abraham mɛkara Sɔ, nɛ Sɔ zɔka wɛnɛ tuka nzeng wi, gde a tɛ gɔn ka sɔru wa na. Sɔ haa nu ha wɛnɛ mɛ gɔn sɔru wa, hazu gde ma sali ha tɛ wa ka osi nde, a mɛkara Sɔ kari. Mɛgi Abraham tɛ bo nê bafa mɛ hio wan-sɔru fɛt ka mɛkara Sɔ, nɛ ka Sɔ gdea mbwa nzeng ha li wa.

1 Korente 1:30

Ma, yo nê Sɔ ha de nde, ɛnɛ ade sɔy hinɛ Jésus-Christ, ka tɛ bo nê mbaramɔ pɛ Sɔ hazu ɔ. Yo nê wɛnɛ ka gdea ɔ nzeng ha li Sɔ, ka gdea ɔ nɛtɛ hazu dung nê nzɔy kandɔ pɛ Sɔ, nɛ ka yanga ɔ ha si gdangamɔ.

1 Korente 15:41

Yolo swe nɛtɛ, pɛ ze nɛtɛ, nɛ pɛ hio sɔla fin nɛtɛ. Ey, yolo tɛ hio sɔla ndang ndang fɛt nɛtɛ-nɛtɛ.

2 Korente 3:8

Mɛgi lɛkɛ-lɛkɛmɔ pɛ tom ka Nzɔy-Sɔtɛ ha dea, yoloa beba pen fɛt, na nde?

2 Korente 5:21

Christ tɛ de ma gdangamɔ ndang na. Ma, ngase ɛngi, Sɔ kuo gdangamɔ pɛ ɔ gde ha zu Christ tuka nde, ɔ adung nzeng ha li wa nɛ wal wɛnɛ.

Galasi 3:10

Ma, ka bo nê pɛ wi ndɔng ka gde tazu mbwa ha dea mɔ lɛm nɛ mbonga, fomi pɛ Sɔ baa mbwa kari. Hazu takarata pɛ Sɔ tɔa: «Fomi aba wi ɛngɛ ka bo ha dea mɔ lɛm nɛ hio wen ha zang takarata mbonga pɛ Moïse wɛɛ na.»

Filipe 3:9

nɛ dung tɛ ndang hinɛ wɛnɛ. Mi bo nzeng ha li Sɔ hazu mi ha pama mbonga na, ma, mi tɛ bo nzeng hazu mi mɛkara Christ. Yo nɛ wal mɛkara Christ, ka Sɔ gde wi nzeng ha li wa.

2 Pierre 1:1

Yo nê mi, Simon-Pierre, ha ngɛriki takarata ɛngɛ ha ɛnɛ. Mi nê wan-tom pɛ Jésus-Christ, nɛ fin *wan-nɛtom pɛa. Sɔ pɛ ɔ, nɛ *Wan-kpasisi ɔ, Jésus-Christ nɛ nzeng. Yo nê hazu ɛngi, ka ɔ hinɛ ɛnɛ fɛt gbesi, kpaa dede wal mɛ mɛkiri wɛnɛ.