2 Korente 3:8 - Takarata pɛ Sɔ Mbombe Mbon

⁸ Mɛgi lɛkɛ-lɛkɛmɔ pɛ tom ka Nzɔy-Sɔtɛ ha dea, yoloa beba pen fɛt, na nde?

2 Korente 3:8 ပူးပေါင်းရင်းမြစ်များ

Jean 1:17

Sɔ baha *mbonga ha ɔ nɛ wal Moïse. Ma, nɛ wal Jésus-Christ wɛnɛ dea dede sila ha tɛ ɔ, nɛ a osa tɛwen ha ɔ.

Jean 7:39

Jésus tɔa wen ɛngi hazu *Nzɔy-Sɔtɛ ka hio wan-mɛkiri wɛnɛ bekpa. Ha ngimɔ ɛngi, Nzɔy-Sɔtɛ tɛ zil ka tɛ ha nzan na, hazu Sɔ tɛ ba ka Jésus ha zang *lɛkɛ-lɛkɛmɔ na.

1 Korente 3:16

Bo nê ɛnɛ ingɔ nde, ɛnɛ nê twa pɛ Sɔ, nɛ Sɔtɛ pɛ Sɔ ha dea le ha sila ɛnɛ, na nde?

2 Korente 11:4

Hazu, ɛnɛ ha baa sila ɛnɛ nɛ hio wi ka tɛ tɛ bul wen pɛ ma Jésus nɛtɛ, ka ɔ tɛ bul wen pɛa na. Ɛnɛ mɛkara mɛ kpa ma sɔtɛ ka dung nɛtɛ nɛ *Nzɔy-Sɔtɛ ka ɛnɛ kpaa kari. Ɛnɛ mɛkara mɛ ze ma dede wen nɛtɛ, ka ɛnɛ tɛ ze ha nu ɔ na.

2 Korente 3:17

Nɛ ka bo nê pɛ Kongawan, wɛnɛ nê Sɔtɛ. Nɛ ha bhandi fɛt ka Sɔtɛ pɛ Kongawan dung ang, wɛnɛ ha gdea hio wi sɛɛ.

2 Korente 3:6

A haa ɔ ngatɛ mɛ dung nê hio wan-tom ka bul wen mbombe nɔa mbon ha soko Sɔ nɛ wi. Nɔa mbon ɛngɛ tɛ tɛ nɛ wal *mbonga na, ma, yo tɛa nɛ wal *Nzɔy-Sɔtɛ. Hazu mbonga ka ɛ bangɛriki, gde wi ha fio, ma, Nzɔy-Sɔtɛ ha pɛa nɛ tunɔ.

2 Korente 3:7

Ɛ bangɛriki wen mbonga ha zu hio papota. Nɛ Moïse bade se tom ha si mbonga ɛngɛ, ka gde wi ha fio. Nɛ wal tom pɛa, wɛnɛ kpaa lɛkɛ-lɛkɛmɔ pentɛ, nɛ yoloa baa ha zang li wa. Yoloa dolsa hio wi mɔ kandɔ *Israel mɛ zɔk zang li wa, ngase ka lɛkɛ-lɛkɛmɔ ɛngi tɛ bhɔn ngimɔ nɛzikoa na.

2 Korente 3:9

Tom pɛ mbonga dungɔ nɛ lɛkɛ-lɛkɛmɔ, ngase ka yo gde wi ha kita fio. Mɛgi, tom gdea wi nzeng ha li Sɔ bedung nɛ lɛkɛ-lɛkɛmɔ pentɛ pet.

Galasi 3:14

Mɔ hɔa mɛgi tuka nde, nɛ wal Jésus-Christ, Sɔ awol dede wen ha zu hio kandɔ fɛt tuka wɛnɛ bagɔn se nua ha Abraham. Mɛgi, nɛ wal mɛkara Sɔ, ɔ lɛma kpa Nzɔy-Sɔtɛ ka Sɔ bagɔn nua.

Galasi 5:5

Pɛ ɔ, ɔ gde tazu ɔ nɛ wal *Nzɔy-Sɔtɛ ha tɛ Sɔ nde, wɛnɛ begde ɔ nzeng ha li wa hazu ɔ mɛkara Christ. Nɛ ɔ ha kera mɔ ɛngɛ nɛ sila ɔ fɛt.

Efeze 2:18

Yo nê hazu Christ ka ɔ fɛt, hio zuife nɛ hio olo kandɔ, lɛma mɛ tiki nɛ hapɛtɛ Sɔ, Bafa ɔ, nɛ wal ndanga *Nzɔy-Sɔtɛ.

2 Tesalonike 2:13

Pɛ ɔ, lɛma nde, ɔ aha oeba ha Sɔ swe fɛt hazu ɛnɛ, hio ya ɔ, ka *Kongawan ngoya pentɛ. Hazu, sɔngsi bhee gde ka Sɔ tɛ de ka nzan na, a weka ɛnɛ hazu kpasisi ɛnɛ. A kpasasa ɛnɛ nɛ wal *Nzɔy-Sɔtɛ ka gde ɛnɛ nɛ nzɔya ha li wa, nɛ fin nɛ wal mɛkaramɔ ka ɛnɛ mɛkiri nɛ tɛwen.

1 Pierre 1:2

Sɔ, Bafa ɔ, baweki ɛnɛ lɛm nɛ mɔ ka wɛnɛ babhɔngiri sɔngsi bhee. *Nzɔy-Sɔtɛ pɛa gdea ɛnɛ nɛtɛ tuka nde, ɛnɛ aze nu Jésus-Christ, nɛ nde, tɔktɛ wa asasisi ɛnɛ. Sɔ ade *dede sila ha tɛ ɛnɛ, nɛ wɛnɛ aha gaamɔ ha ɛnɛ nɛdɔka pentɛ pet.