2 Korente 3:7 - Takarata pɛ Sɔ Mbombe Mbon

⁷ Ɛ bangɛriki wen mbonga ha zu hio papota. Nɛ Moïse bade se tom ha si mbonga ɛngɛ, ka gde wi ha fio. Nɛ wal tom pɛa, wɛnɛ kpaa lɛkɛ-lɛkɛmɔ pentɛ, nɛ yoloa baa ha zang li wa. Yoloa dolsa hio wi mɔ kandɔ *Israel mɛ zɔk zang li wa, ngase ka lɛkɛ-lɛkɛmɔ ɛngi tɛ bhɔn ngimɔ nɛzikoa na.

2 Korente 3:7 ပူးပေါင်းရင်းမြစ်များ

Deamɔ 6:15

Nɛ hio wi fɛt ka dungɔ ha bhandi kpo zuwen mbara Etienne, nɛ mbwa kpaa nde, zang li wa ha duo we tuka pɛ ma *telenge.

Rome 10:4

Yo nê Christ ka lɛmsara goto mbonga pɛ Moïse. Hio wi fɛt ka mɛkiri Christ tɛ bo nê *nzeng wi ha li Sɔ.

Rome 4:15

Hio wi ha kimbolo mɛ pam mbonga pɛ Moïse gan, yo nê ɛngi ka mbwa lɛm nɛ ngambi pɛ Sɔ. Yo sɔna ha bhandi ka mbonga bo ang na, ka hio wi lɛm tukili yo na.

Rome 5:20

Sɔ baha mbonga ha Moïse tuka nde, dea gdangamɔ pɛ hio wi ayɛbhi. Ma, ha bhandi ka gdangamɔ yɛbha ang, Sɔ dea dede sila ha tɛ hio wi haki pen mɔ sɔngsi fin.

Rome 7:10

nɛ mi tɛ bo tuka fiowi. Sɔ dea hio wen mbonga nde, ka yo aha tunɔ ha hio wi. Ma, pɔm, yo kpala tɛ dung nê mɔ gbɛ mi.

Rome 7:22

Ɛngi tɔ nde, ha zang sila mi, mi nɛ totɛ hazu mbonga pɛ Sɔ.

Rome 7:5

Sɔngsi, ha ngimɔ ka ɔ bade mɔ tuka sila ɔ ngoya, ɔ badung nɛ hɛl mɛ de hio ngbak gdangamɔ ndɔng ka mbonga kafi mɛ de yo. Hɛl dea mɛgi dea tom ha gbakɔtɛ ɔ fɛt, nɛ yo daka ɔ nɛnɛ ha fio.

1 Korente 13:10

Ma, ha ngimɔ ka mɔ ka dam wɛɛ behɔ, mɔ ka tɛ dam na, beyɛmili.

2 Korente 3:3

Ey, yo gboa long ha li wi fɛt nde, ɛnɛ dung tuka takarata ka Christ ngɛraka nde, ɔ anɛ nɛ yo ha bhandi fɛt. A tɛ ngɛriki yo nɛ li takarata na, ma, nɛ Sɔtɛ pɛ tunɔ Sɔ. Nɛ a tɛ ngɛriki yo ha li papota na, ma, ha zang sila hio wi.

2 Korente 3:6

A haa ɔ ngatɛ mɛ dung nê hio wan-tom ka bul wen mbombe nɔa mbon ha soko Sɔ nɛ wi. Nɔa mbon ɛngɛ tɛ tɛ nɛ wal *mbonga na, ma, yo tɛa nɛ wal *Nzɔy-Sɔtɛ. Hazu mbonga ka ɛ bangɛriki, gde wi ha fio, ma, Nzɔy-Sɔtɛ ha pɛa nɛ tunɔ.

2 Korente 3:8

Mɛgi lɛkɛ-lɛkɛmɔ pɛ tom ka Nzɔy-Sɔtɛ ha dea, yoloa beba pen fɛt, na nde?

Galasi 3:10

Ma, ka bo nê pɛ wi ndɔng ka gde tazu mbwa ha dea mɔ lɛm nɛ mbonga, fomi pɛ Sɔ baa mbwa kari. Hazu takarata pɛ Sɔ tɔa: «Fomi aba wi ɛngɛ ka bo ha dea mɔ lɛm nɛ hio wen ha zang takarata mbonga pɛ Moïse wɛɛ na.»

Galasi 3:21

Ɛngi ngoy tɔ nde, mbonga sungiri nɛ hio gɔnanu pɛ Sɔ nde? Way, yo bo mɛgi na! Ka bo se nde, mbonga ka Sɔ haa ha Moïse, nɛ ngatɛ mɛ ha tunɔ ha hio wi, ki mbwa lɛma dung nzeng ha li Sɔ nɛ wal dea mɔ lɛm nɛ yo.

Hebro 12:18

Ha ngimɔ ka ɛnɛ tiko hapɛtɛ Sɔ, ɛnɛ tɛ de mɔ tuka kandɔ *Israel na. Mbwa tiko nɛ hapɛtɛ ngari Sinai, ka mbwa lɛma ndɔ nɛ kɔ. Mbwa zɔka gasa we, ngɛ-ngɛ-ngɛ tutum, nɛ gbabok.

Hebro 3:3

Lɛma nde, Jésus akpa lukosomɔ pen Moïse, gbesi tuka ka ɛ lukisi nɛ wan-bɛ twa pen twa ka wɛnɛ bɛa.

Hebro 9:4

Haki, mɔ ka ɛ dɔ kulo pɛlmɔ ha zua, nɛ kubha mbon dungɔ ang. Ɛ sɔa tɛ hio mɔ ndɔng bwa fɛt nɛ gbɛbolo. Ha zang kubha mbon hio mɔ ndɔng tar ang: Kpana mɔ gbɛbolo ka mane dung ang, tongolo pɛ Aaron ka hio dote bagbo ang, nɛ hio papota bwa ka ɛ gɔna mbonga ha lia.