2 Korente 3:6 - Takarata pɛ Sɔ Mbombe Mbon

⁶ A haa ɔ ngatɛ mɛ dung nê hio wan-tom ka bul wen mbombe nɔa mbon ha soko Sɔ nɛ wi. Nɔa mbon ɛngɛ tɛ tɛ nɛ wal *mbonga na, ma, yo tɛa nɛ wal *Nzɔy-Sɔtɛ. Hazu mbonga ka ɛ bangɛriki, gde wi ha fio, ma, Nzɔy-Sɔtɛ ha pɛa nɛ tunɔ.

2 Korente 3:6 ပူးပေါင်းရင်းမြစ်များ

Matthieu 13:52

Nɛ a tɔa ha mbwa fin: «Mɛgi hio *wan-osi mbonga ndang ndang fɛt ka tɛ bo nê wan-yambimɔ mɔ *Kongakandɔ Ngɔn, mbwa dung tuka ma wan-twa ka gbosisi mbombe nɛ mɔa mɔ ha bhandi toy pɛ mbwa.»

Matthieu 26:28

Hazu ɛngɛ nê tɔktɛ mi, ka dung nê nɔa *mbon ha soko hio wi nɛ Sɔ. Yo besɛ hazu bisi *sɛmbɔ pɛ dɔka wi.

Marc 14:24

Nɛ Jésus tɔa ha mbwa: «Ɛngɛ nê tɔktɛ mi, ka dung nê nɔa *mbon ha soko hio wi nɛ Sɔ. Yo besɛ hazu dɔka wi.

Dede Wen hazu Jésus-Christ ka Luc ngɛraka 22:20

Hapata yɔngamɔ, Jésus baa fin kɔpɔ, nɛ tɔa: «Kɔpɔ ɛngɛ nê mbombe nɔa *mbon ha soko Sɔ nɛ wi. Yo nê mbon nɛ wal tɔktɛ mi ka sɛ ha wen zu ɛnɛ.»

Jean 5:21

Gbesi tuka Bafa mi gu hio fiowi nɛ gde mbwa nɛ tunɔ, mi Bewei pɛa, mi ha tunɔ ha hio wi tuka sila mi ngoya.

Jean 6:63

Yo nê *Nzɔy-Sɔtɛ ka ha tunɔ ha hio wi. Wi lɛm de ma mɔ nɛ pɛa tɛ na. Hio wen ndɔng ka mi tɔa ha ɛnɛ don nɛ Nzɔy-Sɔtɛ ka ha tunɔ ha hio wi.

Rome 1:5

Jésus-Christ dea *dede sila ha tɛ mi hazu a weka mi tuka wan-nɛtom pɛa nde, mi ade tom pɛa. A haa mi tom hazu nɛ nɛ bul wen pɛa ha hio kandɔ fɛt ka bo nê *zuife na, tuka nde, mbwa amɛkiri wɛnɛ, nɛ nde, mbwa aze nu wa.

Rome 3:20

Nɛ wal dea mɔ lɛm nɛ wen mbonga, ma wi ndang lɛm dung nzeng ha li Sɔ na. Mbonga ha sɔna nɛ wal ha hio wi mɛ ing nde, mbwa fɛt ha dea gdangamɔ.

Rome 4:15

Hio wi ha kimbolo mɛ pam mbonga pɛ Moïse gan, yo nê ɛngi ka mbwa lɛm nɛ ngambi pɛ Sɔ. Yo sɔna ha bhandi ka mbonga bo ang na, ka hio wi lɛm tukili yo na.

Rome 4:17

Yo gbesi tuka ɛ ngɛraka ha takarata pɛ Sɔ: «Mi gdea mɛ gdibafa hazu hio dɔka kandɔ.» Mɔ hɔa mɛgi hazu Abraham mɛkara Sɔ, Sɔ ka ha tunɔ ha hio fiowi fin nɛ mbinga, nɛ ka de tuka nde, hio mɔ ka tɛ dung ang sɔngsi na, yo adung ang sising.

Rome 7:6

Sising, ɔ bo fin nê bala ha si mbonga na, ɔ tɛ bo nê fiowi ha lia. Mbonga bo fin nɛ ziomɔ ha zu ɔ na. Mɛgi, ɔ ha dea tom ha Sɔ nɛ wal mbombe ndɔki deamɔ ka *Nzɔy-Sɔtɛ osi ha ɔ, yo bo fin nɛ wal mɔa ndɔki deamɔ pɛ mbonga pɛ Moïse na.

Rome 8:2

Hazu *mbonga ɛngɛ ka tɛ nɛ wal Nzɔy-Sɔtɛ, yo ha tunɔ ha wi ka de sɔy hinɛ Jésus-Christ. Mbonga ɛngɛ gbosasa mi ha si mbonga pɛ gdangamɔ, ka gde wi ha fio.

1 Korente 11:25

Gbesi tuka ɛngi fin, a baa kɔpɔ hapata yɔngamɔ, nɛ a tɔa: «Kɔpɔ ɛngɛ nê mbombe nɔa *mbon ha soko Sɔ hinɛ wi nɛ wal tɔktɛ mi. Ngimɔ fɛt ka ɛnɛ benɔ mɔ mɛgi, ɛnɛ de yo mɛ gba tazu ɛnɛ nɛ mi.»

1 Korente 12:28

Mɛgi, ha soko hio giliwi mɔ eglize, Sɔ gdea hio wi pɛa nɛtɛ-nɛtɛ. Bosia nê hio *wan-nɛtom, zebwaa nê hio *wan-tɔkuliwen, zetara nê hio wan-osimɔ Sɔ. Hapata, a gdea hio wi ndɔng ka de nɛ *mɔkifi, hio wi ka kpaa ngatɛ mɛ karsi nɛ zɛlɛ, hio wi ka gbakiri nɛ hio mbinga, hio wi ka ngbɔsi hio oloa, nɛ hio wi ka wol mɔ nɛ hio nu pɛ Nzɔy-Sɔtɛ.

1 Korente 15:45

Yo nê ɛngi ka ɛ ngɛraka ha takarata pɛ Sɔ: «Bosi wi, Adam, tɛ bo nê tunɔ wi.» Ma, kpogio Adam, Christ, tɛ bo nê Sɔtɛ ka ha tunɔ ha wi.

1 Korente 3:10

Pɔm, mi dung tuka zɔma wan-bɛ twa. Mi bɛa nanga twa nɛdedea lɛm nɛ ngatɛ ka Sɔ haa ha mi. Nɛ sising, ma mbing wi tɛa tɛ bɛ twa ha zu nanga twaa. Lɛma nde, wi ndang ndang fɛt ka tongiri tom bɛa twaa, mbwa aba zu mbwa.

1 Korente 3:5

Apolos nê o? Nɛ Paul nê o? Ɔ sɔna nê hio wan-tom pɛ Sɔ, ka dea tom tuka nde, ɛnɛ amɛkiri Christ. Ɔ de sɔna nɛ tom ka *Kongawan haa ha ɔ mɛ de.

2 Korente 11:23

Mbwa nê wan-tom pɛ Christ nde? Mi nê yo pen mbwa! Mi wol mɔ tuka wan-bili na nde? Mi dea tom pen mbwa, mi dungɔ ha twa zɔbhɔ pen mbwa, ɛ mɛla mi pen mbwa, nɛ mi kpɔya ha fio ze nɛdɔka pen mbwa.

2 Korente 3:14

Ma, takaramɔ pɛ mbwa tɛ bo nɛ ngaya. Hɔ ha swe mɛsɛ, la ɛngɛ ha goka takaramɔ pɛ mbwa ka mbwa tɔl takarata mɔ mɔa nɔa mbon. Yo sɔna nɛ wal dea sɔy hinɛ Christ, ka wi lɛma gu la ɛngɛ yunɛ.

2 Korente 3:3

Ey, yo gboa long ha li wi fɛt nde, ɛnɛ dung tuka takarata ka Christ ngɛraka nde, ɔ anɛ nɛ yo ha bhandi fɛt. A tɛ ngɛriki yo nɛ li takarata na, ma, nɛ Sɔtɛ pɛ tunɔ Sɔ. Nɛ a tɛ ngɛriki yo ha li papota na, ma, ha zang sila hio wi.

2 Korente 3:7

Ɛ bangɛriki wen mbonga ha zu hio papota. Nɛ Moïse bade se tom ha si mbonga ɛngɛ, ka gde wi ha fio. Nɛ wal tom pɛa, wɛnɛ kpaa lɛkɛ-lɛkɛmɔ pentɛ, nɛ yoloa baa ha zang li wa. Yoloa dolsa hio wi mɔ kandɔ *Israel mɛ zɔk zang li wa, ngase ka lɛkɛ-lɛkɛmɔ ɛngi tɛ bhɔn ngimɔ nɛzikoa na.

2 Korente 3:9

Tom pɛ mbonga dungɔ nɛ lɛkɛ-lɛkɛmɔ, ngase ka yo gde wi ha kita fio. Mɛgi, tom gdea wi nzeng ha li Sɔ bedung nɛ lɛkɛ-lɛkɛmɔ pentɛ pet.

Galasi 3:21

Ɛngi ngoy tɔ nde, mbonga sungiri nɛ hio gɔnanu pɛ Sɔ nde? Way, yo bo mɛgi na! Ka bo se nde, mbonga ka Sɔ haa ha Moïse, nɛ ngatɛ mɛ ha tunɔ ha hio wi, ki mbwa lɛma dung nzeng ha li Sɔ nɛ wal dea mɔ lɛm nɛ yo.

Efeze 2:1

Sɔngsi, ɛnɛ badung tuka hio fiowi ha li Sɔ, hazu ɛnɛ dungɔ ha dea kpandele nɛ gdangamɔ.

Efeze 2:5

Yo nê ɛngi, ka wɛnɛ tunso ɔ nɛ mbinga hinɛ Christ gbesi, ɔ ka badung tuka hio fiowi hazu gdangamɔ ka ɔ dea. Sɔ kpasasa ɛnɛ nɛ gangtɛ nɛ wal *dede sila pɛa.

Efeze 3:7

Sɔ dea dede sila ha tɛ mi, nɛ a baa mi nɛ wal ziomɔ pɛa tuka wan-tom pɛa nde, mi abul Dede Wen ha hio wi.

1 Timothée 4:6

Ka mɛ osi mɔ ndɔng ki ha hio ya ha Jésus-Christ, mɛ bedung nê dede wan-tom pɛa. Deamɔ mɛgi beosi nde, mɛ ha daya tɛ mɛ nɛ wen mɛkaramɔ, nɛ fin nɛ dede osamɔ ka mɛ ndari.

2 Timothée 1:11

Sɔ gdea mi tuka *wan-nɛtom nɛ wan-osimɔ ha tom bulo Dede Wen ɛngɛ.

Hebro 12:24

Ɛnɛ tiko nɛ hapɛtɛ Jésus, wan-bhɔngiri mbombe *mbon ha soko Sɔ hinɛ hio wi. Ɛnɛ tiko nɛ hapɛtɛ tɔktɛ Jésus ka sɛa hazu sasisi wi. Mɛgi tɔktɛ Jésus kuo ma dede kasi tɛnɛ, bo tuka pɛ Abel na.

Hebro 13:20

Sɔ, wan-ha gaamɔ, guo *Kongawan pɛ ɔ, Jésus, ha soko hio fio wi yunɛ. Wɛnɛ nê gasa zaoro sami, ka tɔktɛ wa bhɔngara *mbon ɛngɛ ka bebhɔn kpoo.

Hebro 7:22

Mɛgi Jésus tɛ bo fin nê wi ɛngɛ ka lɛmsara mɔ tuka nde, Sɔ anɔ ma mbing *mbon ha soko wa hinɛ hio wi. Nɛ mbon ɛngɛ nɛ dedea pen mɔa mbon.

Hebro 8:13

Ka Sɔ tɔa wen mbombe mbon, yo osi nde, bosia tɛ bo nê mɔa mɔ. Mɛgi, mɔ ka tɛ bo nê mɔa nɛ ka gbɛla kari, yo tɛ bo sanga-sanga mɛ yɛmili.

1 Pierre 3:18

Hazu Christ fea ze ndang hireng gɔn zu *sɛmbɔ pɛ hio wi. Wɛnɛ ka dung nê nzeng wi, fea gɔn zu ɔ, hio *kalbho-kalbho wi hazu ku ɔ nɛnɛ ha pɛ Sɔ. Hio wi gbɛa tɛ wa, ma, Sɔ tunso wɛnɛ nɛ mbinga nɛ wal *Nzɔy-Sɔtɛ.

1 Jean 1:1

Ɔ ngɛriki takarata ɛngɛ ha ɛnɛ hazu wi ɛngɛ ka ɛ sa nde, Wen ka ha tunɔ. Wɛnɛ ang nisi ha ngimɔ ka Sɔ dea nzan. Ɔ zea wen nu wa nɛ zala ɔ. Ɔ zɔka wɛnɛ nɛ li ɔ. Ɔ mbara wɛnɛ. Nɛ ɔ ndɔa tɛ wa nɛ kɔ ɔ.