2 Korente 3:5 - Takarata pɛ Sɔ Mbombe Mbon

⁵ Ɔ tɛ takiri nde, ɔ nɛ pɛ ɔ tɛ lɛma de tom ɛngɛ, ndang na. Yo nê Sɔ ka ha ɔ ngatɛ mɛ de nɛ yo.

2 Korente 3:5 ပူးပေါင်းရင်းမြစ်များ

Dede Wen hazu Jésus-Christ ka Luc ngɛraka 21:15

Hazu mi nɛ pɔm tɛ beha ɛnɛ mbaramɔ mɛ tɔ wen, ka ngana pɛ ɛnɛ fɛt lɛm gan zua na, nɛ ka mbwa lɛm kifiri wen ha yo na.

Dede Wen hazu Jésus-Christ ka Luc ngɛraka 24:49

Mi betomsi ha ɛnɛ *Nzɔy-Sɔtɛ ka Bafa mi bagɔn nua. Ma, ɛnɛ dung ha Jérusalem kanɛ wɛnɛ hɔa nɛ donsi ɛnɛ nɛ ngatɛ mɔ ngɔn.»

Jean 15:5

«Mi nê gunte, nɛ ɛnɛ nê hio gbakɔa. Wi ka bhɔn ha tɛ mi, nɛ ka mi bhɔn ha tɛ wa, wia beway nɛdɔka. Hazu ka mi bo ha tɛ ɛnɛ na, ki ɛnɛ lɛm de ma mɔ na.

Rome 15:18

Hazu, nɛ wal mi Christ dea nde, hio kandɔ ka bo nê zuife na, aze nu Sɔ. Yo sɔna nê ɛngi, ka mi lɛma gu nu mɛ tɔ wena. A dea mɛgi nɛ wal hio wen nɛ deamɔ pɔm,

1 Korente 15:10

Ma, nɛ wal *dede sila pɛ Sɔ, mi tɛ bo nê wi ka ɛnɛ zɔk wɛnɛ sising. Nɛ dede sila ka wɛnɛ dea ha tɛ mi, yo bo nɛ gbelea na, hazu mi dea tom nɛ ngaya pen hio olo wan-nɛtom fɛt. Ma, yo bo nê mi nɛ tɛ mi ha de tom na, yo nê Sɔ nɛ wal dede sila pɛa ha tɛ mi.

1 Korente 3:10

Pɔm, mi dung tuka zɔma wan-bɛ twa. Mi bɛa nanga twa nɛdedea lɛm nɛ ngatɛ ka Sɔ haa ha mi. Nɛ sising, ma mbing wi tɛa tɛ bɛ twa ha zu nanga twaa. Lɛma nde, wi ndang ndang fɛt ka tongiri tom bɛa twaa, mbwa aba zu mbwa.

1 Korente 3:6

Ɔ dung tuka hio wan-tom ha fɔ. Pɔm, mi gunɔ nɛ kpalmɔ. Apolos aa pɛa nɛ li ha zua. Ma, yo nê Sɔ ha de nde, kpalmɔa asuti gbo.

2 Korente 12:9

Ma, Kongawan kiforo wen ha mi: «*Dede sila ka mi de ha tɛ mɛ, yo lɛma nɛ mɛ. Hazu, ha ngimɔ ka wi nɛ mɔkaa, ngatɛ pɔm lɛma de mɔ fɛt.» Mɛgi, mi belukisi tɛ mi sɔna hazu hio mɔ ka osi nde, mi nê mɔka wi, tuka nde, ngatɛ pɛ Christ ade le ha tɛ mi.

2 Korente 2:16

Pɛlmɔ ɛngɛ beha fio ha wi ndɔng ka dung ha wal fio. Ma, yo beha tunɔ ha wi ndɔng ka Sɔ ngoy ha tunɔ. Mɛgi, yo nê nge wi ka lɛma mɛ de tom bulo wen tɛ Christ, o nde?

2 Korente 4:7

Ɔ gbesi tuka kpana ge, ka Sɔ kuo dedemɔ pɛa gde ha zanga. A dea mɛgi hazu gbasi long nde, gasa ngatɛ ka ɔ de nɛ tom, yo tɛ nɛ wal ɔ nɛ pɛ ɔ tɛ na, ma, nɛ wal wɛnɛ.

Filipe 2:13

Hazu yo nê Sɔ ka lɛmsiri mɔ ha tɛ ɛnɛ nde, ɛnɛ adung nɛ hɛl, nɛ ngatɛ mɛ lɛmsiri hio tom ka wɛnɛ weka hazu ɛnɛ.

Filipe 4:13

Mi gan zu mɔ fɛt nɛ wal Christ ka ngasisi mi.

2 Timothée 2:2

Mɔ ka mɛ zea ha nu mi ha li hio dɔka wi, lɛma nde, mɛ aosi yo ha hio mboazu wi ka lɛma osi yo fin ha hio mbinga.

Jacques 1:17

Dedemɔ nɛ mɔ fɛt, ka lɛma wɛɛ, gutɛ ha ngɔn. Yo nê Sɔ ha tomsi yo tɛnɛ. Wɛnɛ dea swe nɛ ze nɛ hio sɔla fɛt, ka yoloa bekpali nɛ tu. Ma, pɛa yo bo mɛgi ndang na.