2 Korente 3:14 - Takarata pɛ Sɔ Mbombe Mbon

¹⁴ Ma, takaramɔ pɛ mbwa tɛ bo nɛ ngaya. Hɔ ha swe mɛsɛ, la ɛngɛ ha goka takaramɔ pɛ mbwa ka mbwa tɔl takarata mɔ mɔa nɔa mbon. Yo sɔna nɛ wal dea sɔy hinɛ Christ, ka wi lɛma gu la ɛngɛ yunɛ.

2 Korente 3:14 ပူးပေါင်းရင်းမြစ်များ

Matthieu 13:11

Nɛ wɛnɛ kiforo wen ha mbwa: «Pɛ ɛnɛ, mɔ ka badung nɛ wuso hazu *Kongakandɔ Ngɔn, Sɔ gbasa yo ha ɛnɛ. Ma, pɛ hio oloa, Sɔ gbasi yo ha mbwa na.

Matthieu 16:17

Mɛgi Jésus tɔa ha wɛnɛ: «Totɛ ha mɛ Simon bewei pɛ Jean, hazu yo bo nê wi ka gbasi yo ha mɛ na. Ma, yo nê Bafa mi ha zang ngɔn.

Matthieu 6:23

Ma, ka gbali mɛ gdanga, tɛ mɛ fɛt dung ha zang ngɛ-ngɛ-ngɛ tutum. Mɛgi ka mɛ kpaa tutum ha bhandi saamɔ, bo nɛ tutum ɛngɛ bepentɛ na nde?»

Jean 12:40

«Sɔ gdɔka li mbwa tuka nde, mbwa azɔk mɔ na. A ngasasa sila mbwa tuka nde, mbwa aing mɔ na. Yu nde, mbwa betɛ tɛ ha pɛa, nɛ a betɛ kpasisi mbwa.»

Jean 12:46

Pɔm, mi tɛa ha nzan tuka saamɔ nde, wi ndang ndang fɛt ka mɛkiri mi, adung ha zang tutum fin na.

Jean 8:12

Hapata, Jésus osamɔ ha hio giliwi nɛ mbinga. A tɔa: «Mi nê saamɔ ka ba ha nzan. Wi ka ndari mi, a lɛm nɛ nɔ ha zang tutum fin na, hazu wɛnɛ kpaa saamɔ ka ha tunɔ.»

Deamɔ 13:15

Ka ɛ tɔla mɔ ha zang *mbonga pɛ Moïse nɛ hio *wan-tɔkuliwen kari, hio wan-zu twa gɔ Sɔ tomsa mɛ tɔ ha mbwa: «Hio ya ɔ, ka ɛnɛ nɛ mbɔla mɛ mbo nɛ hio wi, ɛnɛ awol sising.»

Deamɔ 15:21

Hazu angiri nɛ ngimɔ pɛ hio ngbabafa ɔ, ɛ bulo mbonga ndɔng pɛ Moïse ha zang hio le fɛt, nɛ ha *swe ɔmtɛ fɛt, ɛ tɔla yo nɛnɛ ha zang hio *twa gɔ Sɔ.»

Deamɔ 16:14

Ha soko mbwa ma bhoko mɔ gasa le Tiatire ang ka lukisi Sɔ, ling wa nde Lidi. Wɛnɛ nê wan-gdongi tili gbɛ la, ka gɛnɛa nɛ ngaya pentɛ. A zea wen pɛ Paul, nɛ Sɔ gbosasa sila wa nde, wɛnɛ amɛkiri yo.

Deamɔ 26:18

Mi betomsi mɛ hazu gbosisi gbali mbwa nde, mbwa agbo ha tutum tɛ ha saamɔ, gbo ha si ziomɔ pɛ *Satan tɛ ha pɛ Sɔ. Ka mbwa mɛkara mi, mi bebisi *sɛmbɔ pɛ mbwa, nɛ mi begde mbwa ha soko hio nzɔy wi pɛ Sɔ.›»

Rome 11:25

Hio ya mi, mi ngoya nde, ɛnɛ aing goto wen wuso ɛngɛ ka Sɔ gbasa sising, yu nde ɛnɛ betɛ sutɛ ɛnɛ tuka hio wan-mbarimɔ. Wena nde, sila hio ma bhalkɔ kandɔ *Israel nɛ ngaya, nɛ yo bebhɔn mɛgi hɔ ha ngimɔ ka li hio dɔka wi mɔ hio olo kandɔ ka Sɔ kpasasa dama may.

2 Korente 3:15

Kanɛ swe mɛsɛ, ngimɔ fɛt ka mbwa tɔl hio takarata pɛ Moïse, la ɛngɛ ha gdɔka takaramɔ pɛ mbwa.

2 Korente 3:6

A haa ɔ ngatɛ mɛ dung nê hio wan-tom ka bul wen mbombe nɔa mbon ha soko Sɔ nɛ wi. Nɔa mbon ɛngɛ tɛ tɛ nɛ wal *mbonga na, ma, yo tɛa nɛ wal *Nzɔy-Sɔtɛ. Hazu mbonga ka ɛ bangɛriki, gde wi ha fio, ma, Nzɔy-Sɔtɛ ha pɛa nɛ tunɔ.

2 Korente 4:6

Sɔ batɔ se: «Saamɔ aba ha zang tutum.» Nɛ yo nê wɛnɛ fin, ka dea nde, saamɔ aba ha zang sila ɔ. Mɛgi, a gbosasa li ɔ tuka nde, ɔ aing lɛkɛ-lɛkɛmɔ pɛa, ka ba ha zang li Christ.

Efeze 4:18

Zang takaramɔ pɛ mbwa dung tuka tutum. Mbwa dung nɛ yɛa ha mbombe tunɔ ka Sɔ ha ha hio wi, hazu mbwa gdɔka sila mbwa. Mɛgi, mbwa ing hio mɔ pɛ Sɔ na.