2 Korente 2:9 - Takarata pɛ Sɔ Mbombe Mbon

⁹ Mi ngɛraka takarata ɛngi ha ɛnɛ hazu ing, mana ɛnɛ nɛ mboazu mɛ ze nu mi ha mɔ fɛt.

2 Korente 2:9 ပူးပေါင်းရင်းမြစ်များ

2 Korente 10:6

Ha ngimɔ ka ɔ zɔka nde, ɛnɛ ha zea nu Christ nɛ wala, ɔ bedung gdungɛ-gdungɛ mɛ ndulsi ɛ ndɔng ka bhɔna ha kafa zea nu wa.

2 Korente 2:3

Yo nê ɛngi ka mi ngɛraka ma takarata tomsi ha ɛnɛ. Mi tɛ ngoy mɛ nɛ ha pɛ ɛnɛ na, yu nde, hio wi ka lɛma mɛ ha totɛ ha mi, betɛ ha ngɔtɛ ha mi. Pɛ ɛnɛ, mi ingɔ nɛdedea nde, ka mi nɛ totɛ, ɛnɛ fɛt bedung nɛ totɛ fin.

2 Korente 2:4

Kpasawen, mi ngɛraka takarata ɛngi nɛ gasa ngɔtɛ nɛ ke ha sila mi, nɛ li mi dona nɛ milikwa. Mi ngɛraka yo bo hazu ha ngɔtɛ ha ɛnɛ na, ma, hazu osi ha ɛnɛ nde, mi ngoya ɛnɛ gdang.

2 Korente 2:8

Mɛgi, mi mbo ɛnɛ hazu gbasi ha wɛnɛ long nde, ɛnɛ bhɔna ha ngoya wɛnɛ.

2 Korente 8:2

Dɔka yeksamɔ ka kpaa mbwa, wea sila mbwa nɛkpasa. Ma, mbwa dungɔ swe fɛt nɛ totɛ. Ngase mbwa nê hio fabha wi nɛkpasa, mbwa haa mɔ nɛdɔka pen fɛt.

2 Korente 8:24

Ɛnɛ aosi ha hio ya ndɔng nde, ɛnɛ ngoya mbwa nɛkpasa. Mɛgi, giliwi mɔ hio eglize being nde, ɔ lukisi tɛ hazu ɛnɛ ha li mbwa nɛ wala.

Filipe 2:12

Hio ndɔngsila mi, ha ngimɔ ka mi dungɔ ha soko ɛnɛ haki, ɛnɛ dungɔ ha zea nu mi swe fɛt. Nɛ sising ka mi tɛ bo nɛ yɛa nɛ ɛnɛ, lɛma fin pentɛ pet nde, ɛnɛ aze nu mi. Ɛnɛ de mɔ fɛt ka lɛma nde, Sɔ abhɔn ha kpasasa ɛnɛ. Ɛnɛ de yo nɛ yuo ke wa nɛ tututu sila.

Filipe 2:22

Ɛnɛ ingɔ nɛdedea nde, Timothée ha dea mɔ nɛ mboazu. A gbakara mi ha tom yɛbhasa *Dede Wen gbesi tuka ka bem gbakiri nɛ bafa wa.

2 Tesalonike 3:14

Ka ma wi kafi mɛ ze wen nu ɔ ha zang takarata ɛngɛ, tazu ɛnɛ agba nɛ wɛnɛ, nɛ ɛnɛ ade fin sɔy hinɛ wɛnɛ na. Mɛgi foy bede wɛnɛ.

Philémon 1:21

Mi gde tazu mi ha mɛ nde, mɛ aze nu mi. Hazu ɛngi, mi ngɛriki takarata ɛngɛ ha mɛ. Nɛ mi ingɔ fin nde, mɛ bede mɔ pen mɔ ka mi ana.