2 Korente 2:3 - Takarata pɛ Sɔ Mbombe Mbon

³ Yo nê ɛngi ka mi ngɛraka ma takarata tomsi ha ɛnɛ. Mi tɛ ngoy mɛ nɛ ha pɛ ɛnɛ na, yu nde, hio wi ka lɛma mɛ ha totɛ ha mi, betɛ ha ngɔtɛ ha mi. Pɛ ɛnɛ, mi ingɔ nɛdedea nde, ka mi nɛ totɛ, ɛnɛ fɛt bedung nɛ totɛ fin.

2 Korente 2:3 ပူးပေါင်းရင်းမြစ်များ

1 Korente 4:21

Ɛnɛ ngoya nɛ ge? Ɛnɛ ngoya nde, mi aba nɛ zambala ha kɔ nɛnɛ ha pɛ ɛnɛ nde? Mana ɛnɛ ngoya nde, mi anɛ ha pɛ ɛnɛ nɛ ngoy nɛ gaa sila nde?

2 Korente 1:15

Mi bagde tazu mi nde, ɛnɛ belukisi tɛ hazu mi. Mɛgi, mi bangoy mɛ hɔ ha pɛ ɛnɛ sɔngsi tuka nde, mi ade dede sila ha tɛ ɛnɛ ze bwa.

2 Korente 1:23

Mi lɛm hɔ fin ha Korente na, hazu mi ngoy mɛ ha ngɔtɛ ha ɛnɛ na. Mi ani ha Sɔ mɛ kɛ wen pɔm. Ka yo bo nê tɛwen na, ki wɛnɛ agbɛ mi.

2 Korente 12:11

Ɛnɛ ha nɔsasa mi mɛ wolmɔ tuka wan-bili, hazu ɛnɛ ka lɛma mɛ tɔ dede lingtɛ mi, ɛnɛ tɛ de yo na. Ngase ka mi bo nê ma wi na, hio gasa *wan-nɛtom pɛ ɛnɛ tɛ pen mi ha ma mɔ ndang na.

2 Korente 12:21

Mi yu fin nde, ha ngimɔ ka mi behɔ ha pɛ ɛnɛ, Sɔ pɔm betɛ pi foy ha li mi hazu ɛnɛ. Yo nde, mi yu mɛ kpa ngɔtɛ hazu hio dɔka wi ka bade gdangamɔ sɔngsi, nɛ ka tɛ kifiri sila mbwa lak dea mɔ nzing, dea wanza, nɛ dea mɔ tum gde na.

2 Korente 13:10

Sising, mi bo ha soko ɛnɛ na. Mɛgi, mi ngɛriki takarata ɛngɛ tomsi ha ɛnɛ yu nde, ha ngimɔ ka mi hinɛ ɛnɛ, mi betɛ sɛn wen nɛngaya ha ɛnɛ. Hazu, ziomɔ ka Sɔ haa ha mi, bo hazu bhondisi ɛnɛ na, ma, hazu gbakiri ɛnɛ.

2 Korente 2:9

Mi ngɛraka takarata ɛngi ha ɛnɛ hazu ing, mana ɛnɛ nɛ mboazu mɛ ze nu mi ha mɔ fɛt.

2 Korente 7:12

Mɛgi, gasa zuwen pɛ takarata ka mi batomsi ha ɛnɛ, bo hazu wi ka dea gdangamɔ na, nɛ yo bo fin hazu wi ka wɛnɛ dea gdangamɔ ha tɛ wa na. Ma, yo nê hazu ha ɛnɛ wal mɛ gbasi ha li Sɔ nde, ɛnɛ ha zɔka mɔ hazu ɔ nɛhasa.

2 Korente 7:16

Ey, mi nɛ totɛ hazu mi lɛma gde tazu mi ha tɛ ɛnɛ ha mɔ fɛt.

2 Korente 7:6

Sɔ ka yɔkili hio wan-ngɔtɛ, yɔkala ɔ nɛ wal hɔa pɛ Tite.

2 Korente 7:8

Kpasawen, takarata ka mi batomsi ha ɛnɛ, haa ngɔtɛ ha ɛnɛ. Ma, mi takiri fin hazua na. Sɔngsi mi takara mɔ hazu mi zɔka nde, takarata ɛngɛ haa ngɔtɛ ha ɛnɛ ngimɔ tikiring.

2 Korente 8:22

Ɔ tomsa fin ma ya ɔ ndang hinɛ hio wi ndɔng bwa. Ɔ wea sila wa ngimɔ nɛdɔka, nɛ ɔ kpaa nde, wɛnɛ nɛ hɛl dea tom pɛ Sɔ swe fɛt. Sising wɛnɛ nɛ hɛla pen mɔ sɔngsi, hazu a gdea tazu wa fɛt ha tɛ ɛnɛ.

Galasi 5:10

Ɔ hinɛ ɛnɛ fɛt ha dea sɔy hinɛ *Kongawan. Mɛgi mi ha gdea tazu mi fɛt ha tɛ ɛnɛ nde, ɛnɛ bedung nɛ ndangtɛ takaramɔ gbesi tuka mi. Ma, wi ɛngɛ ka tukili mɔ ha soko ɛnɛ, ngase wia adung dung mɛng, Sɔ begɔn kita ba wɛnɛ.

2 Tesalonike 3:4

Nɛ wal Kongawan, ɔ gdea tazu ɔ ha tɛ ɛnɛ nde, ɛnɛ ade mɔ ka ɔ haa nu ha ɛnɛ mɛ de, sising nɛ ha ngimɔ ka betɛ.

Philémon 1:21

Mi gde tazu mi ha mɛ nde, mɛ aze nu mi. Hazu ɛngi, mi ngɛriki takarata ɛngɛ ha mɛ. Nɛ mi ingɔ fin nde, mɛ bede mɔ pen mɔ ka mi ana.