2 Korente 2:17 - Takarata pɛ Sɔ Mbombe Mbon

¹⁷ Dɔka wi ku Wen pɛ Sɔ de nɛ gɛnɛ, ma, pɛ ɔ, ɔ de mɛgi na. Yo nê Sɔ ha tomsi ɔ, nɛ ɔ ha dea sɔy hinɛ Christ. Mɛgi ɔ bul wen nɛ saa sila ha li Sɔ.

2 Korente 2:17 ပူးပေါင်းရင်းမြစ်များ

Matthieu 24:24

Hazu hio wan-dalo ka tɔ nde, mbwa nê Mesi, nɛ hio wan-tɔkuliwen dalo behɔ. Nɛ mbwa bede gasa *mɔweka nɛ *mɔkifi, nɛ ka mbwa kpa wal, mbwa beosili nɛ hio wi ndɔng ka Sɔ weka.

Deamɔ 20:20

Ɛnɛ ingɔ nde, mi tɛ wusi ma mɔ ha li ɛnɛ ndang na. Mɔ ka lɛma nɛ ɛnɛ, mi bhaa wena nɛ osa yo ha ɛnɛ ha li wi fɛt nɛ ha zang hio twa pɛ ɛnɛ.

Deamɔ 20:27

Hazu mi osa ha ɛnɛ hio bhekamɔ pɛ Sɔ fɛt. Mi tɛ wusi ma mɔ ha li ɛnɛ ndang na.

1 Korente 5:8

Mɛgi, ɔ ade yenga ɛngɛ nɛ mampa ka mɔa yina ɛngɛ bo ang na. Yina ɛngɛ, yo nê dea gdangamɔ nɛ tum mɔ. Ɔ ade yenga nɛ mampa ka yina ɛngɛ bo ang na, ka dung nɛ saa, nɛ ka don nɛ tɛwen.

2 Korente 1:12

Mɔ ka ɔ lɛma mɛ sutɛ hazua, yo nê ɛngɛ: Ɔ ingɔ ha zang sila ɔ nde, ha bhandi fɛt ka ɔ yala ang ha nzan, nɛ pen mɔ fɛt ha soko ɛnɛ, ɔ dungɔ nɛ mɛndi nɛ saa sila ka tɛ nɛ wal Sɔ. Ɔ tɛ dung mɛgi nɛ wal mbaramɔ pɛ wi na, ma, nɛ wal *dede sila pɛ Sɔ.

2 Korente 1:18

Sɔ nɛ mboazu, nɛ wɛnɛ ingɔ nde, wen ka mi tɔ ha ɛnɛ bo nê «ey» nɛ «way» ha ndangtɛ ngimɔ na.

2 Korente 11:11

Hazu ge, mi tɔ mɛgi ge nde? Mana hazu mi ngoy ɛnɛ na? Way! Sɔ ingɔ nde, mi ngoya ɛnɛ gdang.

2 Korente 12:19

Mana ngimɔ nɛzikoa, ɛnɛ ha takara nde, ɔ ha nganga tɛ ɔ ha li ɛnɛ nde? Way! Ɔ ha dea sɔy hinɛ Christ, nɛ ɔ ha wolamɔ ha li Sɔ. Ɔ ha tɔa mɔ ndɔng fɛt ha ɛnɛ, hio ndɔngsila ɔ, hazu gbakiri ɛnɛ ha wal mɔ Sɔ.

2 Korente 4:2

Ɔ kafa dea mɔ foy nɛ mɔ wuso. Ɔ osili wi na, nɛ ɔ bul wen pɛ Sɔ nɛ dalo ha zanga na. Ma, ɔ gbasi nɛ tɛwen long ha hio wi. Mɛgi ingɔmɔ sila pɛ mbwa being nde, ɔ nê hio mboazu wi ha li Sɔ.

2 Korente 6:7

nɛ ɔ ha bulo tɛwen nɛ wal ngatɛ pɛ Sɔ. Dea mɔ nzeng dung tuka mɔ-bibulo ha kɔ ɔ hazu sungiri nɛ hio kɔmbɛ, nɛ hazu pam nɛ tɛ ɔ fin.

Galasi 1:6

Sɔ saa ɛnɛ nɛ wal *dede sila pɛ Jésus-Christ. Mɛgi mi yaksa pentɛ ka mi zea nde, ɛnɛ gdea gdong ha wɛnɛ nɛhasa, hazu lɛngi zala ha ma mbing Dede Wen.

1 Tesalonike 2:4

Hazu Sɔ wea ɔ nɛ a kpaa nde, ɔ lɛma ha li wa ka wɛnɛ agde tom bulo Dede Wen ha kɔ ɔ. Mɛgi ɔ ha wolamɔ bo hazu ha totɛ ha wi na, ma, hazu ha totɛ ha Sɔ ka we takaramɔ sila pɛ ɔ.

Tite 1:11

Lɛma nde, ɛ agdɔki nu mbwa, hazu mbwa ha dea nde, hio ma nam zɛm agde gdong ha dede osamɔ. Mbwa ha osa mɔ ka lɛm na, hazu kpa nɛ mbɔli nɛ gdanga wal.

Hebro 11:27

Nɛ wal mɛkara Sɔ, Moïse guotɛ ha kandɔnu Ezipte pen, a tɛ yu ke ngambi pɛ kongapora na. A baa da hazu yo dungɔ tuka nde, wɛnɛ ha zɔka Sɔ ka ɛ lɛm zɔk na.

1 Pierre 4:11

Wi ka kpaa ngatɛ mɛ de nɛ tom bulo wen, dea nde, wɛnɛ abul nɛ wen ka tɛ nɛ wal pɛ Sɔ. Nɛ wi ka kpaa ngatɛ mɛ gbakiri nɛ hio wi, dea nde, wɛnɛ agbakiri mbwa nɛ wal ngatɛ pɛ Sɔ. Mɛgi ɛnɛ de mɔ ndɔng fɛt tuka nde, hio wi alukisi Sɔ nɛ wal Jésus-Christ, ka dung nɛ *lɛkɛ-lɛkɛmɔ, nɛ ziomɔ kpoo nɛ kpoo. Amen.

1 Jean 4:1

Hio ndɔngsila mi, hio wi ndɔng ka tɔ nde, *Nzɔy-Sɔtɛ ha tɛ mbwa, ka ɛnɛ amɛkiri mbwa fɛt na. Ma, ɛnɛ awe sɔtɛ ka dung ha tɛ mbwa hazu ing mana yo tɛ nɛ pɛ Sɔ. Hazu hio *wan-tɔkuliwen dalo dona nzan kari.

Jude 1:4

Mi tɔ mɛgi hazu hio ma wi ka tɛ mɛkiri Sɔ na, lea ha soko ɛnɛ nɛ wuso. Mbwa ha kio wal mɛ tukili wen *dede sila ka Sɔ ha dea ha tɛ ɔ. Mbwa tɔ nde, ka ɔ de mɔ nɛ tum, yo de ma mɔ ndang na, hazu Sɔ ha dea dede sila ha tɛ ɔ swe fɛt. Nɛ wal deamɔ mɛgi, mbwa kafa Jésus-Christ ka dung nê ndanga wan-osimɔ nɛ ndanga *Kongawan pɛ ɔ. Sɔ weka wal ka wɛnɛ begɔn kita ba nɛ hio wi ndɔng sɔngsi bhee kari.

Gbasamɔ 12:9

Ɛ pio wɛnɛ ha nu hinɛ hio telenge pɛa fɛt. Gasa ndibha ɛngɛ, wɛnɛ nê gɔk mɔ koto ngimɔ, ka ɛ sa nde, Gdanga Sɔ mana *Satan, wan-osili hio wi mɔ zu nu fɛt.

Gbasamɔ 19:20

Ma, ɛ baa ngɔnzu hinɛ *wan-tɔkuliwen dalo, ka bade hio *mɔweka ha li ngɔnzu. Nɛ wal hio mɔweka ndɔng, wɛnɛ dungɔ ha osala hio wi ndɔng ka dung nɛ dafu ling ngɔnzu ha tɛ mbwa, nɛ ka lukisi zizi tɛ wa. Nɛ ɛ pio ngɔnzu hinɛ wan-tɔkuliwen dalo nɛ zutunɔ ha zang tɔ we, ka ba we nɛ piti.

Gbasamɔ 2:20

Ma, mi nɛ mɔ sungiri ɛnɛ nde, ɛnɛ gdea wal ha Yezabel, bhoko ɛngɛ ka ba tɛ wa tuka *wan-tɔkuliwen. Nɛ wal osamɔ pɛa, a osala hio wan-tom pɔm nde, mbwa ade wanza, nɛ mbwa ayɔng sari sadaka pɛ hio gbele sɔ.