2 Korente 13:9 - Takarata pɛ Sɔ Mbombe Mbon

⁹ Ɔ nɛ totɛ ka ɔ dung nɛ mɔkaa, nɛ ka ɛnɛ dung nɛ ngaya. Mɛgi, ɔ gɔ Sɔ tuka nde, ɛnɛ alɛm fin wɛɛ nɛ mbinga.

2 Korente 13:9 ပူးပေါင်းရင်းမြစ်များ

Rome 15:2

Ɔ aki wal mɛ de mɔ ka ha totɛ ha hio ma ɔ, nɛ ɔ agbakiri mbwa tuka nde, mbwa angay ha wal mɔ Sɔ.

1 Korente 1:10

Hio ya mi, mi mbo ɛnɛ nɛ ling *Kongawan pɛ ɔ, Jésus-Christ nde, ɛnɛ aze may. Ka ɛnɛ akɛtini soko dung nɛtɛ-nɛtɛ na. Ma, ɛnɛ adung nɛ sila ndang nɛ takaramɔ ndang nɛkpasa.

1 Korente 2:3

Yo nê ɛngi, ka mi badung nɛ mɔkaa ha soko ɛnɛ, nɛ tɛ mi yaka nɛ ke tututu.

1 Korente 4:10

Hio wi mɔ nzan zɔk ɔ tuka hio wan-bili hazu Christ. Ma, ɛnɛ takiri pɛ ɛnɛ nde, ɛnɛ nê hio wan-mbarimɔ hazu ɛnɛ ha dea sɔy hinɛ Christ. Ɔ nê hio mɔka wi, ma, ɛnɛ takiri nde, ɛnɛ nê hio ngawi. Hio wi ha bhɛsara ɔ, ma, mbwa ha lukoso ɛnɛ.

2 Korente 11:30

Ka mi lɛma mɛ lukisi tɛ mi, mi belukisi tɛ hazu mɔ fɛt ka osi nde, mi nê mɔka wi.

2 Korente 13:11

Hazu karsi nɛ wen pɔm, hio ya mi, ɛnɛ adung nɛ totɛ! Ɛnɛ akpɔtɛ ha wal mɔ Sɔ, ɛnɛ ambo may, ɛnɛ adung nɛ ndanga takaramɔ ha soko may, nɛ ɛnɛ adung nɛ gaamɔ. Mɛgi, Sɔ ka gde ngoy nɛ gaamɔ ha sila ɔ, bedung hinɛ ɛnɛ.

2 Korente 13:4

Kpasawen, ha ngimɔ ka wɛnɛ fea ha getakate, a badung nê mɔka wi. Ma, sising, wɛnɛ nɛ zutunɔ nɛ wal ngatɛ pɛ Sɔ. Ɔ fin ka de sɔy hinɛ Christ, ɔ nê mɔka wi. Ma, ɔ bedung nɛ zutunɔ hinɛ wɛnɛ nɛ wal ngatɛ pɛ Sɔ hazu de tom ha soko ɛnɛ.

2 Korente 4:12

Mɛgi, fio ha dea tom ha tɛ ɔ, tuka nde, tunɔ ade tom ha tɛ ɛnɛ.

2 Korente 7:1

Hio ndɔngsila mi, hio gɔnanu ndɔng pɛ Sɔ, yo nê hazu ɔ. Mɛgi ɔ asasisi tɛ ɔ nɛ sila ɔ ha nzing mɔ fɛt. Ɔ ayu Sɔ nɛ gbɛngsi tɛ ɔ mɛ dung nê hio nzɔy wi pɛa ka lɛma wɛɛ.

Kolose 1:28

Mɛgi, ɔ ha bulo wen tɛ Christ ha hio wi ndang ndang fɛt. Ɔ ha gbaa tazu mbwa, nɛ ɔ ha osa mɔ ha mbwa nɛ wal mbaramɔ fɛt tuka nde, mbwa alɛm wɛɛ ha li Sɔ nɛ wal sɔy ka mbwa de hinɛ Christ.

Kolose 4:12

Epafras, wi pɛ ɛnɛ, fana ɛnɛ. Wɛnɛ nê wan-tom pɛ Jésus-Christ ka gbɛngsi tɛ swe fɛt ha gɔa Sɔ hazu ɛnɛ nde, sila ɛnɛ adon lɛtɛtɛ nɛ mɛkaramɔ ka lɛma wɛɛ, nɛ nde, ɛnɛ ade mɔ ka Sɔ ngoya ha mɔ fɛt.

1 Tesalonike 3:10

Ɔ ha gɔa Sɔ swe nɛ zɛ pentɛ pet nde, wɛnɛ aha ɔ wal mɛ nɛ nɛ zɔk ɛnɛ fin nɛ mbinga, nɛ mɛ lɛmsiri mɔ ka kɔpi ɛnɛ ha wal mɛkara Christ.

2 Timothée 3:17

Mɛgi takarata pɛ Sɔ de nde, wi pɛ Sɔ alɛm wɛɛ, nɛ akpa ngatɛ hazu de nɛ hio tili dede tom fɛt.

Hebro 12:23

Ɛnɛ tiko nɛ hapɛtɛ wesara may yenga pɛ hio kay bem pɛ Sɔ, ka ling mbwa ha zang takarata ha ngɔn. Ɛnɛ tiko nɛ hapɛtɛ Sɔ ka gɔn kita ha zu hio wi fɛt, nɛ fin hapɛtɛ sɔtɛ hio *nzeng wi ka Sɔ lɛmsara mbwa wɛɛ kari.

Hebro 13:21

Sɔ alɛmsiri ɛnɛ mɛ de hio dedemɔ fɛt, ka sila wa ngoya nde, ɛnɛ ade. Nɛ wal Jésus-Christ, wɛnɛ aha ɛnɛ ngatɛ mɛ de mɔ ka ha totɛ ha wɛnɛ. *Lɛkɛ-lɛkɛmɔ ha kɔ Jésus-Christ kpoo nɛ kpoo. Amen.

Hebro 6:1

Mɛgi, lɛma nde, ɔ ayambi hio osamɔ hazu Christ pen mɔ bosia, ɔ ayambi hio osamɔ ka lɛma nɛ zɔma wi. Bosi osamɔ hazu Christ dung tuka nanga mɛkaramɔ, nɛ ɔ ngoy fin bhɔn ka ha bɛa nanga ɛngɛ na. Hio zuwen mɔ bosi osamɔ ɛngɛ tɔ nde, lɛma nde, ɔ alak dea tum mɔ gde, nɛ ɔ amɛkiri Sɔ.

1 Pierre 5:10

Nɛ wal dede sila pɛa, Sɔ saa ɛnɛ mɛ dung ha zang lɛkɛ-lɛkɛmɔ hinɛ Christ kpoo nɛ kpoo. Ɛnɛ ha kpaa yeksamɔ ha ma bebe ngimɔ sising. Ma, hapata Sɔ nɛ pɛa tɛ belɛmsiri ɛnɛ wɛɛ, nɛ a bengasisi ɛnɛ nɛ ngatɛ mɛ zati.