2 Korente 12:1 - Takarata pɛ Sɔ Mbombe Mbon

¹ Lɛma nde, mi alukisi tɛ mi, ngase ka dea mɔ mɛgi lɛm gbakiri wi ndang na. Ma, mi betɔ wen hio gbasamɔ ka Kongawan gbasi nɛ lisɔ.

2 Korente 12:1 ပူးပေါင်းရင်းမြစ်များ

Jean 16:7

Mi tɔ kpasawen ha ɛnɛ nde, ka mi sio, yo bedung nê dedemɔ hazu ɛnɛ. Hazu, ka mi si na, ki wan-gbakiri ɛnɛ lɛm tɛ ha pɛ ɛnɛ na. Ma, ka mi sio, mi betomsi wɛnɛ ha ɛnɛ.

Jean 18:14

Yo nê Kaife ka batɔ se ha hio wan-le zuife nde, yo nɛ dedea nde, ma wi ndang afe ha bhandi pɛ kandɔ fɛt.

Deamɔ 18:9

Ma ngimɔ nɛ zɛ, Kongawan tɔa ha Paul nɛ lisɔ: «Mɛ yu ke na! Ma, mɛ bhɔn ha bulo wen, mɛ agdɔki nu mɛ na,

Deamɔ 23:11

Ha zɛ mɔ pata, *Kongawan gbasa tɛ ha Paul nɛ tɔa: «Mɛ ba da! Gbesi tuka ka mɛ kɛa nɛ wen pɔm hakɛ ha Jérusalem, dea ka de nde, mɛ akɛ fin wen pɔm ha Rome gbesi.»

1 Korente 10:23

Hio ma wi ha tɔa: «Mi lɛma mɛ de mɔ fɛt tuka mi ngoya.» Ma, yo bo nê mɔ fɛt ka de dedemɔ ha tɛ wi na. Mi lɛma mɛ de mɔ fɛt, ma, yo bo nê mɔ fɛt ka gbakiri *giliwi mɔ eglize na.

1 Korente 14:6

Mɛgi, hio ya mi, ka mi hɔ ha pɛ ɛnɛ nɛ wol mɔ nɛ hio nu pɛ Nzɔy-Sɔtɛ, mi bede dedemɔ ha tɛ ɛnɛ mɛng? Hazu de dedemɔ ha tɛ ɛnɛ lɛma nde, wen pɔm agbasi ha ɛnɛ mana ma wen pɛ Sɔ, mana ma ingɔmɔ, mana ma kuliwen, mana ma osamɔ.

1 Korente 6:12

Hio ma wi ha tɔa: «Mi lɛma mɛ de mɔ fɛt tuka mi ngoya.» Kpasawen, ma, yo bo nê mɔ fɛt ka de dedemɔ ha tɛ wi na. Mi lɛma mɛ de mɔ fɛt, ma, mi kafa yu nde, ma mɔ betɛ ba mi tuka bala.

2 Korente 12:11

Ɛnɛ ha nɔsasa mi mɛ wolmɔ tuka wan-bili, hazu ɛnɛ ka lɛma mɛ tɔ dede lingtɛ mi, ɛnɛ tɛ de yo na. Ngase ka mi bo nê ma wi na, hio gasa *wan-nɛtom pɛ ɛnɛ tɛ pen mi ha ma mɔ ndang na.

2 Korente 12:5

Mi belukisi tɛ mi hazu wi ɛngɛ. Ma, mi lɛm lukisi tɛ mi nɛ pɔm tɛ na. Mi lɛma lukisi tɛ sɔna hazu mɔ ka osi nde, mi nê mɔka wi.

2 Korente 12:7

Kongawan gdea ma mɔ tuka tɛn ha tɛ mi yu nde, mi betɛ sutɛ hazu hio zengem mɔ ka wɛnɛ gbasa ha mi. Tɛn ɛngɛ dung tuka wan-nɛkasara pɛ *Satan, ka sɔm mi tuka nde, mi asutɛ na.

2 Korente 12:9

Ma, Kongawan kiforo wen ha mi: «*Dede sila ka mi de ha tɛ mɛ, yo lɛma nɛ mɛ. Hazu, ha ngimɔ ka wi nɛ mɔkaa, ngatɛ pɔm lɛma de mɔ fɛt.» Mɛgi, mi belukisi tɛ mi sɔna hazu hio mɔ ka osi nde, mi nê mɔka wi, tuka nde, ngatɛ pɛ Christ ade le ha tɛ mi.

2 Korente 8:10

Ha bɛlɛ ka pena, ɛnɛ dungɔ nê hio bosi wi ka bheka mɛ ha mɔ, nɛ ka angara haa mɔ kari. Mɛgi, pɛ ɛnɛ, mi takiri nɛdedea nde,

Galasi 1:12

Ma wi ndang tɛ ha yo ha mi na, nɛ ma wi ndang tɛ osi yo ha mi na. Ma, yo nê Jésus-Christ nɛ tɛ wa ha gbasi yo ha mi.

Galasi 2:2

Mi nɛa haki hazu Sɔ gbasa ha mi nde, mi anɛ. Haki, ɔ wesara may gbatɛ hinɛ hio wi mɔ zu eglize. Mi osa ha mbwa goto *Dede Wen ka mi bul ha hio kandɔ ndɔng ka bo nê *zuife na. Mi dea mɛgi hazu mi tɛ ngoy nde, tom ka mi dea sɔngsi, nɛ ka mi boka ha dea, yo apen nɛgbelea na.

Efeze 3:3

Sɔ gbasa ha mi hio mɔ ka wɛnɛ babhɔngiri nɛ wuso. Mi ngɛraka hio ma bebe wen hazua sɔngsi ha zang takarata ɛngɛ kari.

1 Tesalonike 4:15

Mɔ ka ɔ beosi ha ɛnɛ sising tɛ nɛ wal nu Kongawan, yo nde, ɔ ka bebhɔn nɛ zutunɔ kanɛ Kongawan pea, ɔ lɛm dung hinɛ wɛnɛ sɔngsi nɛ hio fiowi na.

1 Jean 5:20

Ɔ ingɔ nde, Bewei pɛ Sɔ tɛa tɛ ha ɔ mbaramɔ nde, ɔ aing kpasa Sɔ. Ɔ ang ha tɛ kpasa Sɔ hazu ɔ ang ha tɛ Bewei pɛa, Jésus-Christ. Wɛnɛ nê kpasa Sɔ, nɛ wɛnɛ nê tunɔ kpoo.