2 Korente 11:6 - Takarata pɛ Sɔ Mbombe Mbon

⁶ Ngase ka mi nê gele wi ha wal tɔa wen, nɛ wal mbaramɔ mi bo nê gele wi ndang na. Ɔ gbasa yo ha ɛnɛ long ngimɔ fɛt nɛ tili wal nɛtɛ-nɛtɛ.

2 Korente 11:6 ပူးပေါင်းရင်းမြစ်များ

1 Korente 1:17

Christ tɛ tomsi mi hazu nɛ nɛ gdumsi wi ha li na. Ma, a tomsa mi hazu bul *Dede Wen. Mi ha bulo yo bo nɛ dede gɛl mana mbaramɔ na, yu nde, wen fio pɛ Christ ha getakate betɛ tɛ gbelemɔ.

1 Korente 1:21

Ey, hio wi mɔ nzan nɛ wal mbaramɔ pɛ mbwa tɛ ing Sɔ na. Hazu, Sɔ nɛ mbaramɔ pɛa, zɔka nɛ dedea nde, wɛnɛ akpasisi hio wi ka mɛkara wɛnɛ nɛ wal bulowen pɛ ɔ, ka dung nê wen bili ha li hio olo wi.

1 Korente 12:8

Nzɔy-Sɔtɛ ha ngatɛ ha ma wi mɛ wol mɔ nɛ mbaramɔ. Ndangtɛ Sɔtɛ ha ngatɛ ha ma mbing wi mɛ wol mɔ nɛ ingɔmɔ.

1 Korente 2:13

Mɛgi, ɔ ha bulo wen mɔ ndɔng bo nɛ wal mbaramɔ ka hio wi osi na. Ma, ɔ ha bulo yo nɛ wal mbaramɔ ka Sɔtɛ pɛ Sɔ osa ha ɔ. Mɛgi, ɔ ha bulo tɛwen pɛ Nzɔy-Sɔtɛ ha wi ndɔng ka Sɔtɛ ɛngɛ de le ha sila mbwa.

2 Korente 10:10

Hio ma wi ha tɔa nde, ha zang hio takarata pɛa, Paul ha tɔa wen nɛ ngaya nɛ zioa, ma, ka wɛnɛ dung ha soko ɔ, wɛnɛ nê mɔka wi, nɛ hio wen nu wa dung tuka gbelemɔ.

2 Korente 12:12

Ha ngimɔ ka mi dungɔ ha soko ɛnɛ, mi dea tom nɛ yikosila fɛt, nɛ Sɔ dea hio *mɔweka, *mɔkifi nɛ *mɔbhana nɛ wal mi. Mɔ ndɔng osa long nde, mi nê wan-nɛtom.

2 Korente 4:2

Ɔ kafa dea mɔ foy nɛ mɔ wuso. Ɔ osili wi na, nɛ ɔ bul wen pɛ Sɔ nɛ dalo ha zanga na. Ma, ɔ gbasi nɛ tɛwen long ha hio wi. Mɛgi ingɔmɔ sila pɛ mbwa being nde, ɔ nê hio mboazu wi ha li Sɔ.

2 Korente 5:11

Ɔ ingɔ wal mɛ yu ke *Kongawan. Yo nê ɛngi ka ɔ ki wal mɛ de mɔ fɛt tuka nde, hio wi amɛkiri wɛnɛ. Sɔ ingɔ ɔ nɛdedea, nɛ ɔ gdea tazu ɔ ha tɛ ɛnɛ nde, ha zang sila ɛnɛ, ɛnɛ ingɔ ɔ nɛdedea fin.

2 Korente 6:6

Ma, sila ɔ nɛ saa, ɔ ingɔ tɛwen pɛ Sɔ, ɔ ha baa sila nɛ kɔ, ɔ ha dea ngay, sila ɔ dona nɛ *Nzɔy-Sɔtɛ, ɔ ha ngoya hio wi nɛ sila ndang,

2 Korente 7:2

Ɛnɛ aha sila ɛnɛ ha ɔ. Ɔ tɛ de gdangamɔ sungiri nɛ ma wi ndang na, ɔ tɛ bhondisi ma wi na, nɛ ɔ tɛ yɔng ma wi nɛgbelea na.

Efeze 3:4

Ha tɔla wen ndɔng ki, tazu ɛnɛ begba nɛhasa nde, mi ingɔ goto mɔ ka Sɔ babhɔngiri nɛ wuso hazu Christ.