2 Korente 10:7 - Takarata pɛ Sɔ Mbombe Mbon

⁷ Pɛ ɛnɛ, ɛnɛ ingɔ kanɛ gbaa soko mɔ ka dung ha li wi long. Ka ma wi ha soko ɛnɛ zɔk tɛ wa tuka wi pɛ Christ nɛkpasa, lɛma nde, tazu wa agba nde, ɔ nê hio wi pɛ Christ fin tuka wɛnɛ.

2 Korente 10:7 ပူးပေါင်းရင်းမြစ်များ

Matthieu 23:5

Nɛ mbwa de mɔ fɛt nɛ peali tuka nde, hio wi fɛt azɔk nɛ mbwa. Ha ngimɔ gɔa Sɔ mbwa hɛl bebe gogong, ka ɛ gdea ma ngɛraka wen pɛ Sɔ ha zanga, ha bhaka nɛ ha zuli mbwa, gbesi tuka olo wi fɛt. Ma, gogong pɛ mbwa nɛ gasa pen pɛ hio oloa. Nɛ gbesi, hio ngbunzɛ-ngbunzɛ mɔ nu la pɛ mbwa nɛ bɔyaa pen pɛ hio oloa.

Dede Wen hazu Jésus-Christ ka Luc ngɛraka 16:15

Ma, Jésus tɔa ha mbwa: «Ɛnɛ ha osa tɛ ɛnɛ ha li wi tuka *nzeng wi. Ma, Sɔ ingɔ sila ɛnɛ. Mɔ ka dung nɛ zioa ha li wi, dung nê mɔ nyɛl ha li Sɔ.»

Jean 7:24

Ka ɛnɛ agɔn kita nɛ peali na. Ma, ɛnɛ gɔn kita nzeng.»

1 Korente 1:12

Mi kpaa nde, wi ndang ndang fɛt ha soko ɛnɛ ha tɔa ma wen nɛtɛ. Hio ma tɔ nde, mbwa nê ngali pɛ Paul. Nɛ hio ma nde, mbwa nê ngali pɛ Apolos. Nɛ hio ma fin nde, mbwa nê ngali pɛ Pierre, nɛ hio ma mbinga nde, mbwa nê ngali pɛ Christ.

1 Korente 14:37

Ka ma wi takiri nde, wɛnɛ nê *wan-tɔkuliwen pɛ Sɔ, mana wɛnɛ dona nɛ Nzɔy-Sɔtɛ, wɛnɛ aing nde, mɔ ka mi ngɛriki ha ɛnɛ, yo nê mbonga pɛ *Kongawan.

1 Korente 15:23

Ma, wi ndang ndang begutɛ ha ngimɔ pɛ mbwa: Christ guotɛ nɛ bosia, nɛ hio wi pɛa begutɛ ha ngimɔ ka wɛnɛ bekifiri.

1 Korente 3:23

Ma, pɛ ɛnɛ, ɛnɛ nê pɛ Christ, nɛ Christ nê pɛ Sɔ.

1 Korente 9:1

Bo nê mi dung sɛɛ hazu de mɔ ka sila mi ngoya, na nde? Bo nê mi nê *wan-nɛtom, na nde? Bo nê mi zɔka Jésus, *Kongawan pɛ ɔ, na nde? Bo nê mɛkaramɔ pɛ ɛnɛ nê waya tom ka mi de ha Kongawan, na nde?

2 Korente 10:1

Mi, Paul, mi mbo ɛnɛ nɛ wal gaa sila nɛ *dede sila pɛ Christ. Hio ma wi ha tɔa wen ha tɛ mi nde, ha ngimɔ ka mi dung hinɛ ɛnɛ haki, mi nɛ mɛndi, nɛ ka mi bo hinɛ ɛnɛ na, mi ha fuo da ha ɛnɛ.

2 Korente 11:18

Dɔka wi ha lukoso tɛ hazu tom ka mbwa lɛmsara nɛ pɛ mbwa tɛ. Mɛgi, mi fin, mi belukisi tɛ.

2 Korente 11:23

Mbwa nê wan-tom pɛ Christ nde? Mi nê yo pen mbwa! Mi wol mɔ tuka wan-bili na nde? Mi dea tom pen mbwa, mi dungɔ ha twa zɔbhɔ pen mbwa, ɛ mɛla mi pen mbwa, nɛ mi kpɔya ha fio ze nɛdɔka pen mbwa.

2 Korente 11:4

Hazu, ɛnɛ ha baa sila ɛnɛ nɛ hio wi ka tɛ tɛ bul wen pɛ ma Jésus nɛtɛ, ka ɔ tɛ bul wen pɛa na. Ɛnɛ mɛkara mɛ kpa ma sɔtɛ ka dung nɛtɛ nɛ *Nzɔy-Sɔtɛ ka ɛnɛ kpaa kari. Ɛnɛ mɛkara mɛ ze ma dede wen nɛtɛ, ka ɛnɛ tɛ ze ha nu ɔ na.

2 Korente 12:11

Ɛnɛ ha nɔsasa mi mɛ wolmɔ tuka wan-bili, hazu ɛnɛ ka lɛma mɛ tɔ dede lingtɛ mi, ɛnɛ tɛ de yo na. Ngase ka mi bo nê ma wi na, hio gasa *wan-nɛtom pɛ ɛnɛ tɛ pen mi ha ma mɔ ndang na.

2 Korente 13:3

Ɛnɛ ngoya ing nde, mana Christ ha wolamɔ nɛ wal nu mi. Ɛnɛ bezɔk yo ha hɔa pɔm! Christ bo nê mɔka wi hazu de mɔ ha soko ɛnɛ na, ma, a de tom ha soko ɛnɛ nɛ ngatɛ.

2 Korente 5:12

Ɔ tɔ fin dede lingtɛ ɔ ha ɛnɛ nɛ pɛ ɔ tɛ na. Ma, ɔ ngoya sɔna mɛ ha ɛnɛ wal mɛ sutɛ hazu ɔ. Mɛgi, ɛnɛ lɛma gdɔki nu wi ndɔng ka sutɛ hazu mɔ pɛ mbwa ka gbo long, ha bhandi mɔ ka dung ha zang sila mbwa.

Galasi 3:29

Ka ɛnɛ nê hio wi pɛ Christ, ɛnɛ tɛ bo nê hio bezang pɛ Abraham. Mɛgi, Sɔ beha ha ɛnɛ hio dedemɔ fɛt ka wɛnɛ bagɔn nua ha Abraham.

1 Jean 4:6

Ma, ɔ nê pɛ Sɔ. Wi ka ingɔ Sɔ, a beze wen pɛ ɔ. Ma, wi ka bo nê pɛ Sɔ na, a lɛm ze wen pɛ ɔ na. Yo nê mɛgi, ka ɔ lɛma gba soko wi ka sɔtɛ tɛwen ha tɛ wa nɛ wi ka sɔtɛ dalo ha tɛ wa.