2 Korente 10:4 - Takarata pɛ Sɔ Mbombe Mbon

⁴ Nɛ mɔ-bibulo pɛ ɔ tɛ nɛ wal wi na, ma, yo tɛ nɛ wal Sɔ. Mɔ-bibulo pɛ ɔ nɛ ngatɛ mɛ yangili hio gasa ngatɛ fɛt ka sungiri Sɔ. Ɔ ha yangala hio takaramɔ hazu Sɔ ka bo nɛ wala na.

2 Korente 10:4 ပူးပေါင်းရင်းမြစ်များ

Deamɔ 7:22

Mɛgi, ɛ osa ha Moïse tili mbaramɔ pɛ hio wi mɛ Ezipte fɛt, nɛ a tɛ bo nɛ ngaya ha tɔa wen nɛ ha dea mɔ.

Rome 13:12

Tutum pena kari, nɛ mɔ betɛ sa sising. Ka ɔ ade fin mɔ ka lɛm nɛ tutum na. Dea nde, ɔ akay hio mɔ-bibulo ka lɛma nɛ saamɔ.

Rome 6:13

Ka ɛnɛ agde hio gbakɔtɛ ɛnɛ ha gdangamɔ tuka mɔ-de kpandele na. Ma, ɛnɛ aha tɛ ɛnɛ ha Sɔ tuka tunɔ wi ka guotɛ ha soko hio fiowi kari. Ɛnɛ agde hio gbakɔtɛ ɛnɛ ha Sɔ tuka mɔ-de nzengmɔ.

1 Korente 2:5

Mɛgi, ɛnɛ mɛkara Christ, bo hazu ɛnɛ zɔka mbaramɔ pɛ wi na, ma, hazu ɛnɛ zɔka ngatɛ pɛ Sɔ.

1 Korente 9:7

Wi ka nɛ ha bio bulo, a beyɔng mɔ nɛ mbɔli ngobho pɛa, mɛng? Wi ka gɔm fɔ, a beyɔng wayaa, na nde? Nɛ wi ka day namdalɛ, a benɔ li belea, na nde?

2 Korente 10:8

Christ gdea ɔ ha zu ɛnɛ bo hazu gdangsi mɛkaramɔ pɛ ɛnɛ na, ma, hazu ngasisi yo. Hio ma wi lɛma takiri mɔ nde, mi ha suotɛ hazua gdang, ma, mi bo nɛ foy hazua na.

2 Korente 13:10

Sising, mi bo ha soko ɛnɛ na. Mɛgi, mi ngɛriki takarata ɛngɛ tomsi ha ɛnɛ yu nde, ha ngimɔ ka mi hinɛ ɛnɛ, mi betɛ sɛn wen nɛngaya ha ɛnɛ. Hazu, ziomɔ ka Sɔ haa ha mi, bo hazu bhondisi ɛnɛ na, ma, hazu gbakiri ɛnɛ.

2 Korente 3:5

Ɔ tɛ takiri nde, ɔ nɛ pɛ ɔ tɛ lɛma de tom ɛngɛ, ndang na. Yo nê Sɔ ka ha ɔ ngatɛ mɛ de nɛ yo.

2 Korente 4:7

Ɔ gbesi tuka kpana ge, ka Sɔ kuo dedemɔ pɛa gde ha zanga. A dea mɛgi hazu gbasi long nde, gasa ngatɛ ka ɔ de nɛ tom, yo tɛ nɛ wal ɔ nɛ pɛ ɔ tɛ na, ma, nɛ wal wɛnɛ.

2 Korente 6:7

nɛ ɔ ha bulo tɛwen nɛ wal ngatɛ pɛ Sɔ. Dea mɔ nzeng dung tuka mɔ-bibulo ha kɔ ɔ hazu sungiri nɛ hio kɔmbɛ, nɛ hazu pam nɛ tɛ ɔ fin.

1 Tesalonike 5:8

Ma, ka bo nê pɛ ɔ hinɛ ɛnɛ, ɔ nê hio wi mɔ gasa swe. Mɛgi, lɛma nde, ɔ adung ngɛlɛlɛ. Ɔ ayol mɛkaramɔ nɛ ngoy tuka koko mɔ bibulo ha mbanzi ɔ. Nɛ tuka ndutu bolo, ɔ ayol *mɔgdetazu ɔ nde, Sɔ bekpasisi ɔ.

1 Timothée 1:18

Timothée, bem pɔm, mi gde osamɔ ɛngɛ ha kɔ mɛ lɛm nɛ hio kuliwen ka ɛ batɔ sɔngsi hazu mɛ. Tazu mɛ agba nɛ wen ndɔng tuka nde, mɛ aku yo bi nɛ dede bulo.

2 Timothée 2:3

Mɛ ayɔng yini ha zang yeksamɔ tuka dede wan-bibulo pɛ Jésus-Christ.

Hebro 11:30

Nɛ wal mɛkara Sɔ, hio wi mɔ Israel nɛa nɔ zikiri nɛ le Jéricho ha zang yala mɔrkɔ zanga bwa, nɛ ngeng kin lea gbinɔ fɛt mburr a ha nu.