2 Korente 10:18 - Takarata pɛ Sɔ Mbombe Mbon

¹⁸ Kpasa dede wan-tom, yo bo nê wi ɛngɛ ka tɔ dede lingtɛ wa nɛ pɛa tɛ na, ma, yo nê wi ɛngɛ ka Kongawan tɔ dede lingtɛ wa.

2 Korente 10:18 ပူးပေါင်းရင်းမြစ်များ

Dede Wen hazu Jésus-Christ ka Luc ngɛraka 16:15

Ma, Jésus tɔa ha mbwa: «Ɛnɛ ha osa tɛ ɛnɛ ha li wi tuka *nzeng wi. Ma, Sɔ ingɔ sila ɛnɛ. Mɔ ka dung nɛ zioa ha li wi, dung nê mɔ nyɛl ha li Sɔ.»

Jean 12:43

Hazu mbwa ngoya lukosomɔ pɛ hio wi pen lukosomɔ ka tɛ nɛ Sɔ.

Deamɔ 2:22

«Hio wi mɔ *Israel, ɛnɛ ze wen ka mi betɔ! Sɔ gbasa ziomɔ pɛ Jésus, wi mɔ Nazaret, hazu a dea nɛ wal wɛnɛ hio *mɔbhana, mɔkifi, nɛ mɔweka ha soko ɛnɛ, tuka ɛnɛ ingɔ yo nɛ pɛ ɛnɛ tɛ.

Rome 14:18

Wi ka de tom ha Christ tuka ɛngi, Sɔ bede totɛ tɛ wa, nɛ hio wi betɔ dede lingtɛ wa.

Rome 16:10

Ɛnɛ fan Apeles, ka deamɔ pɛa osa nde, wɛnɛ mɛkara Christ nɛkpasa. Ɛnɛ fan hio wi mɛ twa pɛ Aristobule.

Rome 2:29

Ma, kpasa zuife, yo nê wɛnɛ ka gɔn sɔru ha zang sila wa. Yo nê *Nzɔy-Sɔtɛ pɛ Sɔ ka gɔn sɔru ha zang sila wi, yo bo nɛ wal takarata mbonga na. Kpal zuife mɛgi, yo nê Sɔ ka lukisi wɛnɛ, bo nê hio wi na.

1 Korente 11:19

Ey, lɛma nde, kɛtana soko adung ang ha soko ɛnɛ, hazu yo begbasi hio wi ha soko ɛnɛ ka dung nɛ mboazu ha wal mɔ Sɔ.

1 Korente 4:5

Hazu ɛngi, ka ɛnɛ agɔn kita ha zu wi na. Ɛnɛ keri kanɛ ngimɔ ka Kongawan behɔ. Hazu ka wɛnɛ hɔa, hio mɔ ka wusi tɛ ha tutum sising, a begbosisi yo ha saamɔ. A begbasi fin long hio mɔ ka hio wi takiri ha zang sila mbwa. Mɛgi, Sɔ belukisi wi ndang ndang fɛt lɛm nɛ tom ka mbwa dea.

2 Korente 10:12

Hio ma wi ha tɔa dede lingtɛ mbwa nɛ pɛ mbwa tɛ. Ɔ bo nɛ da mɛ weki tɛ ɔ hinɛ mbwa na. Ɔ lɛm zɔk tɛ ɔ tuka mbwa zɔk nɛ tɛ mbwa na. Mbwa nê hio yerawi. Mbwa ku ndɔki deamɔ pɛ mbwa gde tuka mɔwekimɔ nde, hio wi aweki tɛ mbwa nɛ yo. Mbwa weki tɛ mbwa nɛ pɛ mbwa tɛ.

2 Korente 13:7

Ɔ ha gɔa Sɔ nde, ɛnɛ ade ma gdangamɔ ndang na. Ɔ gɔa Sɔ mɛgi bo hazu osi nde, ɔ nê hio kpasa wi pɛ Christ, na. Ɔ ngoya sɔna nde, ɛnɛ ade dedemɔ. Ka hio ma wi takiri ha wena nde, ɔ bo nê hio kpasa wi pɛ Christ na, yo de mɔ na.

2 Korente 3:1

Ɛnɛ takiri pɛ ɛnɛ nde, ɔ angara fin nɛ mbinga mɛ tɔ dede lingtɛ ɔ nɛ pɛ ɔ tɛ, nde? Mana, lɛma nde, ɔ aosi ha ɛnɛ hio takarata ka tɔ dede lingtɛ ɔ, nde? Mana, lɛma nde, ɛnɛ angɛriki takarata mɛgi hazu ɔ, nde? Hio ma wi de mɛgi, ma, pɛ ɔ, ɔ de mɛgi na.

2 Korente 5:12

Ɔ tɔ fin dede lingtɛ ɔ ha ɛnɛ nɛ pɛ ɔ tɛ na. Ma, ɔ ngoya sɔna mɛ ha ɛnɛ wal mɛ sutɛ hazu ɔ. Mɛgi, ɛnɛ lɛma gdɔki nu wi ndɔng ka sutɛ hazu mɔ pɛ mbwa ka gbo long, ha bhandi mɔ ka dung ha zang sila mbwa.

2 Korente 6:4

Ma, ha deamɔ pɛ ɔ fɛt, ɔ ha osa nde, ɔ nê hio wan-tom pɛ Sɔ: Ɔ ha yɔnga yini ha zang hio yeksamɔ, ha zang ngamɔ, nɛ ha zang ngɔtɛ.

2 Timothée 2:15

Mɛ gbɛngsi tɛ mɛ nde, Sɔ aba mɛ nɛ zioa tuka wan-tom ka bo nɛ foy tom pɛa na, nɛ ka bul tɛwen nzeng.

1 Pierre 1:7

Ngase ka gbɛbolo bepen bin, hio wi ha wea yo ha zang we. Mɛkaramɔ pɛ ɛnɛ nɛ lɔkaa pen gbɛbolo. Yo nê ɛngi, ka mɔ ndɔng ha wea yo hazu zɔk nde, mana ɛnɛ mɛkara Sɔ nɛkpasa. Ka Sɔ kpa nde, ɛnɛ mɛkara wɛnɛ nɛkpasa, a beha ɛnɛ lukosomɔ, *lɛkɛ-lɛkɛmɔ, nɛ kongamɔ ha swe ka Jésus-Christ begbasi tɛ wa long.