2 Korente 10:10 - Takarata pɛ Sɔ Mbombe Mbon

¹⁰ Hio ma wi ha tɔa nde, ha zang hio takarata pɛa, Paul ha tɔa wen nɛ ngaya nɛ zioa, ma, ka wɛnɛ dung ha soko ɔ, wɛnɛ nê mɔka wi, nɛ hio wen nu wa dung tuka gbelemɔ.

2 Korente 10:10 ပူးပေါင်းရင်းမြစ်များ

1 Korente 1:17

Christ tɛ tomsi mi hazu nɛ nɛ gdumsi wi ha li na. Ma, a tomsa mi hazu bul *Dede Wen. Mi ha bulo yo bo nɛ dede gɛl mana mbaramɔ na, yu nde, wen fio pɛ Christ ha getakate betɛ tɛ gbelemɔ.

1 Korente 1:21

Ey, hio wi mɔ nzan nɛ wal mbaramɔ pɛ mbwa tɛ ing Sɔ na. Hazu, Sɔ nɛ mbaramɔ pɛa, zɔka nɛ dedea nde, wɛnɛ akpasisi hio wi ka mɛkara wɛnɛ nɛ wal bulowen pɛ ɔ, ka dung nê wen bili ha li hio olo wi.

2 Korente 10:1

Mi, Paul, mi mbo ɛnɛ nɛ wal gaa sila nɛ *dede sila pɛ Christ. Hio ma wi ha tɔa wen ha tɛ mi nde, ha ngimɔ ka mi dung hinɛ ɛnɛ haki, mi nɛ mɛndi, nɛ ka mi bo hinɛ ɛnɛ na, mi ha fuo da ha ɛnɛ.

2 Korente 10:11

Kpal wi mɛgi aing nde, mɔ ka ɔ ngɛriki ha zang takarata ha ngimɔ ka ɔ bo hinɛ ɛnɛ na, nɛ mɔ ka ɔ de ha ngimɔ ka ɔ dung hinɛ ɛnɛ, yo nê ndangtɛ mɔ ndang.

2 Korente 10:9

Mi ngoy nde, ɛnɛ azɔk mi tuka wi ka gde ke ha sila ɛnɛ nɛ wal hio takarata pɛa na.

2 Korente 11:21

Mi nɛ foy mɛ tɔ yo nde, ɔ tɛ de mɔ nɛ ngasila tuka mbwa na, ma, ɔ dea mɔ nɛ mɔka sila. Mi bewol fin mɔ tuka wan-bili ndɔng. Mbwa nɛ da mɛ lukisi tɛ, ma, mi fin, mi nɛ da mɛ lukisi tɛ gbesi.

2 Korente 11:6

Ngase ka mi nê gele wi ha wal tɔa wen, nɛ wal mbaramɔ mi bo nê gele wi ndang na. Ɔ gbasa yo ha ɛnɛ long ngimɔ fɛt nɛ tili wal nɛtɛ-nɛtɛ.

2 Korente 13:3

Ɛnɛ ngoya ing nde, mana Christ ha wolamɔ nɛ wal nu mi. Ɛnɛ bezɔk yo ha hɔa pɔm! Christ bo nê mɔka wi hazu de mɔ ha soko ɛnɛ na, ma, a de tom ha soko ɛnɛ nɛ ngatɛ.