2 Korente 1:8 - Takarata pɛ Sɔ Mbombe Mbon

⁸ Hio ya, ɔ ngoya nde, ɛnɛ aing yeksamɔ ka kpaa ɔ ha nu Azi. Ɔ tɛ takiri nde, ɔ begbo haki nɛ zutunɔ na. Hazu yo dungɔ nê gasa yeksamɔ ka wi lɛm mɛ kpasi ang na.

2 Korente 1:8 ပူးပေါင်းရင်းမြစ်များ

Deamɔ 16:6

*Nzɔy-Sɔtɛ dolsa mbwa mɛ nɛ nɛ bul wen pɛ Sɔ ha kandɔnu Azi. Mɛgi, mbwa gɔna kandɔnu Frizi nɛ kandɔnu Galasi pen.

Deamɔ 19:41

Nɛ ka wɛnɛ tɔa mɛgi kari, a haa nu nde, wi fɛt asi.

Deamɔ 2:9

Ɔ kpa ha soko ɔ hio wi mɔ kandɔnu Parte, Medi, Elam, Mezopotami, Judée, Kapadose, Pon, Azi,

Rome 1:13

Hio ya mi, ɛnɛ ing nde, yo tɛ bo nê ze nɛdɔka ka mi bheka mɛ nɛ ha pɛ ɛnɛ. Ma, mɔ dolsa mi. Ha soko hio mbing kandɔ mi ha dea tom nde, hio wi amɛkiri Jésus-Christ. Mi ngoy de fin gbesi ha pɛ ɛnɛ.

1 Korente 15:32

Ha gasa le Efeze, mi bio bulo sungiri hio wi ka dung tuka ngɔnzu. Ka bo nde, mi ha takara mɔ tuka hio wi mɔ nzan, ki mi kpaa nɛ nge mɔ ha bulo ɛngɛ, ge nde? Ka hio fiowi lɛm gutɛ na, ki ɔ bede mɔ tuka wen ka tɔ nde: «Ɔ ayɔng mɔ nɛ nɔ mɔ, hazu bhisiri ɔ befe.»

1 Korente 16:9

Hazu hakɛ, Sɔ gbosasa dede wal ha mi tuka nde, mi ade tom pɛa nɛkpasa, ngase wi nɛdɔka ha sungoro mi.

1 Korente 4:8

Pɛ ɛnɛ, ɛnɛ ha takara nde, ɛnɛ kpaa mɔ fɛt kari. Nɛ nde, ɛnɛ tɛ bo nê hio gasa wan-kpamɔ. Nɛ fin nde, ɛnɛ tɛ bo nê hio *kongapora lak ɔ gde. Ey, mi ngoya nde, ɛnɛ atɛ hio kpasa kongapora, ka ɔ adung kongapora hinɛ ɛnɛ gbesi.

2 Korente 1:9

Ey, kpasawen, ɔ dungɔ ha takara ha sila ɔ nde, ɔ kpaa kita fio kari. Ma, mɔ hɔa mɛgi tuka nde, ɔ agde tazu ɔ ha ngatɛ pɛ ɔ na, ma, ha tɛ Sɔ ka gu hio wi ha fio yunɛ.

2 Korente 6:9

Hio wi ha zɔka ɔ tuka wi ka mbwa ing na, ma, mbwa ingɔ ɔ nɛdedea. Hio wi ha zɔka ɔ tuka wi ka dung sanga nɛ fio, ma, ɔ bhɔna nɛ zutunɔ. Hio wi ha ndulso ɔ, ma, mbwa gbɛ ɔ na.