1 Timothée 6:4 - Takarata pɛ Sɔ Mbombe Mbon

⁴ Hio wi ndɔng, mbwa nê wan-sutɛ, ka ing mɔ ndang na. Mbwa nɛ hɛl ka dung tuka zɛlɛ mɔya nɛ siokafɛ hazu hio ma zuwen. Deamɔ mɛgi ha daka tili wi tuka mbwa pi ha dea silamɔ, ha mɔya, ha yaa dala, ha sumɔ gdangamɔ ha tɛ ma mbwa,

1 Timothée 6:4 ပူးပေါင်းရင်းမြစ်များ

Deamɔ 15:2

Paul nɛ Barnabas kafa wen ɛngɛ nɛ sio kafɛ nɛngaya hinɛ wi ndɔng. Ɛ bhɔngara wen nde, Paul, Barnabas nɛ hio ma wi anɛ ha Jérusalem, nɛ gde wen mɔ ɛngɛ ha li hio *wan-nɛtom nɛ hio kotowi mɔ eglize.

Deamɔ 18:15

Ma, ka ɛnɛ zang nɛ wen hazu gele wen, mana hio ling, mana hio mbonga pɛ ɛnɛ, ɛngi zɔk nɛ ɛnɛ. Mi ngoy dung wan-gɔn kita ha zu hio wen mɛgi na.»

Deamɔ 8:9

Ma wan-nganga dea le ha gasa le ɛngi pata yɛa. Ling wa nde Simon. Wɛnɛ ha dea tom nganga nɛ hio wi mɛ Samari yaksa ha deamɔ pɛa. A baa tɛ wa tuka ma gasa konga wi.

Rome 12:16

Ɛnɛ ze may ha soko ɛnɛ. Ka ɛnɛ asutɛ mɛ kafi ma bebe tom na. Ka ɛnɛ aba tɛ ɛnɛ tuka wi ka ing fɛt na.

Rome 13:13

Ɔ ade mɔ nɛ wala, lɛm nɛ saamɔ gasa swe. Ka ɔ anɔ dɔkɔ nɛ ngurua na, ka ɔ ayɔng nɛ nɔ mɔ nɛ kang na, ka ɔ ade wanza mana ngon dua na, ka ɔ aki wen na, nɛ ka ɔ ade silamɔ na.

Rome 14:1

Wi ka dung nɛ mɔka ha wal mɔ Sɔ, ɛnɛ ba wɛnɛ nɛ dede kɔ. Ka ɛnɛ asikafɛ hinɛ wɛnɛ hazu ndɔki deamɔ ka wɛnɛ zɔka nɛ dedea mana nɛ gdanga na.

Rome 2:8

Ma, ka bo nê pɛ wi ndɔng ka zɔk sɔna nɛ tɛ mbwa, ka kafi tɛwen, nɛ ka nak pata gdangamɔ, Sɔ bede ngambi sungiri nɛ mbwa, nɛ a bendulsi mbwa.

1 Korente 11:16

Ma, ka ma wi ngoy zang wen hazua, wɛnɛ aing nde, ngase hio giliwi mɔ hio eglize pɛ Sɔ, ngase ɔ fɛt, ɔ bo nɛ ma mbing ndɔkitɛ na.

1 Korente 11:18

Sɔngsi mɔ fɛt mi zea wen nde, ha wesara may mɔ eglize pɛ ɛnɛ, kɛtana soko ang. Nɛ mi takara nde, hio ma wena nê tɛ kpasawen.

1 Korente 3:18

Ka ma wi ndang aosili tɛ wa nɛ pɛa tɛ na. Wi ka zɔk tɛ wa tuka wan-mbarimɔ ha wal mɔ nzan ɛngɛ, lɛma nde, wɛnɛ atɛ wan-bili tuka nde, Sɔ aha wɛnɛ kpasa mbaramɔ.

1 Korente 3:3

Hazu ɛnɛ bhɔna ka ha dea mɔ tuka hio wi mɔ nzan. Ɛnɛ bhɔna ka ha dea silamɔ ha tɛ may nɛ ha kio wen ha soko may. Bo nê ɛngɛ osi nde, ɛnɛ nê hio wi mɔ nzan, nɛ ɛnɛ ha dea mɔ lɛm nɛ ndɔkitɛ wi, na nde?

2 Korente 11:20

Kpasawen, ɛnɛ ha baa sila ɛnɛ ka mbwa ba ɛnɛ tuka bala, ka mbwa yɔng ɛnɛ, ka mbwa ba mɔ pɛ ɛnɛ nɛ nga mbanzi, ka mbwa bhɛsiri ɛnɛ, nɛ ka mbwa mɛl li ɛnɛ.

Galasi 5:15

Nɛ ka ɛnɛ de mɔ ha soko may tuka hio ngɔnzu ka yɔng may vak-vak, nɛ ka kɔmbiri may zɛgbɛk, ɛnɛ pangay yu nde, ɛnɛ betɛ gdari may mburr.

Galasi 5:26

Ka ɔ asutɛ na, ka ɔ aki wen ha soko may na, nɛ ka ɔ ade silamɔ tɛ may na.

Galasi 6:3

Ka ma wi zɔk tɛ wa tuka zio wi, ma, wɛnɛ nê gele wi sɔna, a osala tɛ wa nɛ pɛa tɛ.

Filipe 1:15

Kpasawen, hio ma ha soko mbwa ha bulo wen tɛ Christ hazu mbwa ha dea silamɔ nɛ siokafɛ sungiri nɛ mi. Ma, hio ma bul pɛ mbwa nɛ *dede sila.

Filipe 2:14

Ɛnɛ de hio tom pɛ ɛnɛ fɛt bo nɛ tɔatɛ mana nɛ siokafɛ na,

Filipe 2:3

Ka ɛnɛ ade mɔ nɛ wal ngɔrɔ mana suotɛ nɛ peali na. Ma, ɛnɛ hil nɛ mɛndi, nɛ ɛnɛ zɔk hio oloa ha soko ɛnɛ tuka wi ka dung nɛ gasaa pen ɛnɛ.

Kolose 2:18

Hio ma wi ha dea tom Sɔ nɛ wal zimɔ hio ma mɔ. Mbwa lukisi hio *telenge, nɛ mbwa ba hio lisɔ pɛ mbwa nɛ zioa. Ka ɛnɛ agde mbwa agɔn kita ha zu ɛnɛ na, hazu takaramɔ pɛ mbwa tɛ nɛ ndɔkitɛ mbwa, nɛ mbwa ha suotɛ nɛgbelea.

2 Tesalonike 2:4

Wan-kafi mbonga ɛngɛ begutɛ hazu sungiri hio mɔ Sɔ nɛ hio mɔ fɛt ka lɛm nɛ lukosomɔ. Nɛ wɛnɛ bele ha *gasa twa Sɔ, a bedungnu ang, nɛ a betɔ nde, wɛnɛ nê sɔ.

1 Timothée 1:4

Mɛ tɔ ha mbwa nde, mbwa akafi mɛ ze hio to ndɔng nɛ hio wen bɔya pɛl nam pɛ hio gasa ngbabafa. Hio mɔ ndɔng dak nɛ siokafɛ pi ha nu nɛgbelea. Ma, dede wal ka Sɔ bhɔngara mɛ kpasisi nɛ wi, mbwa being yo sɔna nɛ wal mɛkaramɔ.

1 Timothée 1:7

Mbwa nɛ hɛl mɛ dung *wan-osi mbonga pɛ Moïse, ma, mbwa nɛ tɛ mbwa tɛ ing ngase goto wolamɔ pɛ mbwa, ngase goto hio wen ka mbwa mɛkiri ha yo nɛ da, na.

1 Timothée 3:6

Ka wi mɔ zu eglize adung nê mbombe wi pɛ Christ na, yu nde, a betɛ sutɛ wa, nɛ Sɔ betɛ gɔn kita ba nɛ wia, gbesi tuka ka wɛnɛ gɔna nɛ kita ba nɛ *Satan.

2 Timothée 2:14

Mɛ gba tazu hio wi fɛt nɛ wen ndɔng ki. Mɛ ha nu ha mbwa ha li Sɔ nde, ka mbwa amɔy hazu hio tum wen na. Mɔya mɛgi lɛm gbakiri wi na, ma, yo bebhondisi nɛ wi ndɔng ka ze yo.

2 Timothée 2:23

Ka mɛ api nu mɛ ha zanga hio yera tum wen na, hazu mɛ ingɔ nde, zanga wen mɛgi bedak wi pi ha mɔya.

2 Timothée 3:4

wan-ha kasatɛ, wan-de ngambi, nɛ fin wan-ngbangsi tɛ. Ha bhandi ngoya Sɔ, mbwa bengoy nɛ mɔ ka ha totɛ ha mbwa.

Tite 3:9

Ka hio wi ha zanga yera wen hazu pɛl nam pɛ hio gasa ngbabafa ɔ, mana mbwa ha mɔya hazu wen *mbonga pɛ Moïse, ka mɛ api nu mɛ ang na. Ɛ ndɔng ki nê hio gombo wen ka lɛm gbakiri wi na.

Jacques 1:19

Hio ya mi ka mi ngoya gdang, tazu ɛnɛ agba nde, lɛma nde, ɛnɛ adung gdungɛ-gdungɛ mɛ lɛngi zala. Ka ɛnɛ awolmɔ nɛhasa na, nɛ ka ɛnɛ ade yimsila mbalang na.

2 Pierre 2:12

Ma, hio wi ndɔng de mɔ nɛ wal multɛ tuka hio sari bɛlɛ, ka ɛ bhɛ mbwa nde, hio wi aba mbwa gbɛ. Mbwa ha fɛngsa hio mɔ ka mbwa ing na. Sɔ bebhondisi mbwa tuka hio sari bɛlɛ.

2 Pierre 2:18

Mbwa ha suotɛ tɔ nɛ hio tum wen. Nɛ wal hɛl mɔ multɛ, mbwa ha kio wal mɛ osili hio wi ndɔng ka gboa pɛ mbwa ngimɔ tikiring sɔna pen ha soko ɛ ndɔng ka ing tɛwen na.

Jude 1:10

Hio wi ndɔng ha fɛngsa mɔ ka mbwa ing gotoa na. Ma, hio mɔ ndɔng, ka mbwa ingɔ dea yo nɛ wal multɛ tuka hio sari bɛlɛ, yo nê mɔ ndɔng fɛt ka bebhondisi mbwa.

Jude 1:16

Wi ndɔng nê nakɛkiri wen ka tɔ tɛ swe fɛt. Mbwa de mɔ fɛt tuka sila mbwa ngoya. Mbwa ha tɔa wen sutɛ nɛ ha ndɔmbala hio wi nɛ zɛng gɛl hazu ku nɛ mɔ ha kɔ mbwa.»

Gbasamɔ 3:17

Ɛnɛ ha tɔa nde, ɛnɛ nê hio wan-kpamɔ, ɛnɛ kpaa yɛbhɛ-yɛbhɛ mɔ, ma mɔ ndang kɔpi ɛnɛ na. Ma, kpasawen, ɛnɛ nê hio wan-ngɔtɛ, wan-kɔsa, wan-keri mɔ, wan-gdɔka li, wan-sɔngere, nɛ ɛnɛ tɛ ing yo na.