1 Timothée 5:5 - Takarata pɛ Sɔ Mbombe Mbon

⁵ Kpasa nagula ka bo nɛ wi mɛ gbakiri wɛnɛ na, gdea tazu wa fɛt ha tɛ Sɔ kari. Nɛ wɛnɛ bhɔna ka ha ana mɔ ha kɔ Sɔ nɛ ha gɔa wɛnɛ swe nɛ zɛ.

1 Timothée 5:5 ပူးပေါင်းရင်းမြစ်များ

Dede Wen hazu Jésus-Christ ka Luc ngɛraka 18:1

Jésus tɔa ma towen ha hio *wan-yambimɔ pɛa hazu mbo nɛ mbwa nde, mbwa agɔ Sɔ kpoo nɛ tɛ mbwa akati ha dea yo na.

Dede Wen hazu Jésus-Christ ka Luc ngɛraka 18:7

Mɛgi, bo nê Sɔ bede nzengmɔ ha tɛ hio wi ka wɛnɛ weka, nɛ ka lokitɛ ha wɛnɛ swe nɛ zɛ, na nde? A bede yo nɛhasa, na nde?

Dede Wen hazu Jésus-Christ ka Luc ngɛraka 2:37

Mɛgi Anne dungɔ nagula tee. Bɛlɛ pɛa fɛt tɛ bo nɛ bhukɔa mɔrkɔ zu bhukɔa tar gbala nar. A lak gasa twa Sɔ gde ndang na. Swe nɛ zɛ a dea tom Sɔ nɛ wal gɔa Sɔ, nɛ ma ngimɔ wɛnɛ zimɔ fin yɔngamɔ.

Deamɔ 26:7

Hio nugala bhukɔ gbala bwa mɔ kandɔ pɛ ɔ, *Israel, ha gdea tazu nde, mbwa bezɔk swe, ka Sɔ belɛmsiri nɛ gɔnanu pɛa. Yo nê ɛngi, ka mbwa ha dea tom Sɔ nɛ lululu sila swe nɛ zɛ. Kongapora Agripa, hio zuife fundo mi hazu mi ha gdea tazu mi gbesi.

Deamɔ 6:1

Ha ngimɔ ɛngi, dɔka hio *wan-yambimɔ ha yɛbha nɛnɛ. Ɛ ndɔng ka tɔ nu greke angara yimɔlɔmɔ sungiri nɛ ɛ ndɔng ka tɔ nu *hebro, hazu swe fɛt ha ngimɔ kapana yɔngamɔ, hio nagula pɛ mbwa kpa yo nɛdedea na.

Deamɔ 9:39

Pierre guotɛ nɛhasa nɛ hinɛ mbwa. Ka wɛnɛ hɔa, ɛ kuo wɛnɛ nɛnɛ ha zang pimbi, ka ɛ bɛa ha zu twa ha ngɔn. Hio nagula fɛt ka dungɔ haki zikoro Pierre nɛ hea kwa. Mbwa osa ha wɛnɛ tili la nɛtɛ-nɛtɛ, ka Dorkas fulo hazu mbwa ka wɛnɛ dungɔ nɛ zutunɔ.

Deamɔ 9:41

Pierre yafafa kɔ, baa wɛnɛ gu gde ha ngɔn. Hapata a saa hio wi pɛ Christ nɛ hio nagula ndɔng, nɛ wɛnɛ osa Tabita ha mbwa nɛ zutunɔ.

Rome 1:12

Ɛngɛ tɔ nde, mi ngoy dung hinɛ ɛnɛ tuka nde, ɔ aha ngatɛ ha may. Mi bepka ngatɛ nɛ wal mɛkaramɔ pɛ ɛnɛ, nɛ ɛnɛ bekpa ngatɛ nɛ wal mɛkaramɔ pɔm.

Rome 1:5

Jésus-Christ dea *dede sila ha tɛ mi hazu a weka mi tuka wan-nɛtom pɛa nde, mi ade tom pɛa. A haa mi tom hazu nɛ nɛ bul wen pɛa ha hio kandɔ fɛt ka bo nê *zuife na, tuka nde, mbwa amɛkiri wɛnɛ, nɛ nde, mbwa aze nu wa.

1 Korente 7:32

Mi ngoy nde, ɛnɛ adung nɛ nɔzang hazu mɔ nzan na. Wei ka tɛ si bhoko na, mɔ ka hɛl sila wa, yo sɔna nê tom ka wɛnɛ de ha Kongawan. A ki nɛ wal mɛ ha totɛ ha Kongawan.

1 Korente 7:34

Mɛgi, takaramɔ pɛa hazu mɔ bwa. Yo gbesi fin nɛ salo bhoko hinɛ bezunga, mɔ ka hɛl sila mbwa, yo nê tom ka mbwa de ha Kongawan. Mbwa ngoy mɛ dung nê pɛ Sɔ nɛ sila mbwa nɛ takaramɔ pɛ mbwa fɛt. Ma, bhoko ka sio wei, mɔ ka hɛl sila wa, yo nê hio mɔ nzan hazu a ngoy mɛ ha totɛ ha wei pɛa.

Efeze 6:18

Ɛnɛ gɔ Sɔ ngimɔ fɛt, nɛ ɛnɛ lokitɛ ha wɛnɛ nɛ wal ngatɛ pɛ Nzɔy-Sɔtɛ. Ɛnɛ ayang la, nɛ ɛnɛ bhɔn ka ha gɔa Sɔ nɛ yikosila hazu hio wi pɛa fɛt.

Filipe 4:6

Ka ɛnɛ adung nɛ nɔzang hazu ma mɔ na. Ma, ha zang mɔ fɛt, ɛnɛ gɔ Sɔ, nɛ ɛnɛ ani mɔ ka kɔpi ɛnɛ ha kɔ wa. Ɛnɛ tɔ oeba ha wɛnɛ hazu mɔ fɛt ka wɛnɛ de.

1 Timothée 2:1

Sɔngsi mɔ fɛt, mi ha mbɔla nde, ɔ a-ani mɔ ha kɔ Sɔ, ɔ agɔ wɛnɛ, ɔ agɔ fin wɛnɛ hazu hio wi fɛt, nɛ ɔ aha oeba ha wɛnɛ hazu mbwa.

1 Timothée 5:16

Ka hio nagula ha zang nam pɛ ma bhoko pɛ Christ, lɛma nde, wɛnɛ agbakiri mbwa. Ka wɛnɛ alak mbwa gde ha kɔ *giliwi mɔ eglize na. Mɛgi giliwi ndɔng bekpa wal mɛ gbakiri hio nagula ndɔng ka bo nɛ wi na.

1 Timothée 5:3

Mɛ tusisi tɛ hio nagula ndɔng ka bo nɛ wi mɛ gbakiri mbwa na.

2 Timothée 1:3

Mi ha oeba ha Sɔ ka mi de tom pɛa nɛ saa sila gbesi tuka hio ngbabafa mi bade se. Swe nɛ zɛ, tazu mi gba nɛ mɛ kpoo ha zang gɔamɔ pɔm.

1 Pierre 3:5

Hio nzɔy bhoko mɔ sɔngsi ka dungɔ ha gdea tazu ha tɛ Sɔ, mbwa badung nɛ lɔkaa nɛ wal ɛngɛ. Mbwa dungɔ ha zea nu wei pɛ mbwa.