1 Timothée 5:22 - Takarata pɛ Sɔ Mbombe Mbon

²² Ka mɛ agde kɔ ha zu ma wi nɛhasa hazu gde wɛnɛ ha ma tom ha soko giliwi mɔ eglize na. Ka mɛ ade sɔy hinɛ ma wi ha gdangamɔ pɛa na. Mɛ pam tɛ mɛ nɛ saa.

1 Timothée 5:22 ပူးပေါင်းရင်းမြစ်များ

Deamɔ 13:3

Mɛgi mbwa zimɔ yɔngamɔ nɛ gɔa Sɔ fin. Hapata mbwa gdea kɔ ha zu Barnabas nɛ Saul nde, Sɔ awol dede wen ha zu mbwa. Nɛ mbwa gdea mbwa pen.

Deamɔ 18:6

Ma, ka hio zuife guotɛ sungiri nɛ wɛnɛ, nɛ ka mbwa fɛngsa wɛnɛ, a ngbɔa ngbabhuki la pɛa nɛ tɔa: «Ka ɛnɛ yɔa wal pɛ Sɔ, yo atek ha zu ɛnɛ nɛ pɛ ɛnɛ tɛ. Mi bo ha zanga na. Sising, mi benɛ ha pɛ hio mbing kandɔ.»

Deamɔ 20:26

Yo nê ɛngi, ka mi tɔ ha ɛnɛ long nde, ka ma wi ndang ha soko ɛnɛ fea ha zang *sɛmbɔ pɛa, tɔktɛ wa bo ha zu mi na.

Deamɔ 6:6

Mbwa gdea wi ndɔng ha li hio wan-nɛtom, nɛ hio wan-nɛtom gdea kɔ ha zu mbwa nɛ gɔa Sɔ.

Efeze 5:11

Ka ɛnɛ ade pɛ ɛnɛ hio tum mɔ pɛ hio wi ka dung ha zang tutum, na. Ma, ɛnɛ agbasi long nde, mɔ ndɔng nê gdanga deamɔ.

1 Timothée 3:10

Hio wi ndɔng ka weki wi tuka diakre, lɛma nde, mbwa awe wia sɔngsi ing. Nɛ ka ma wen bo ha zu wa na, wia lɛma de tom tuka diakre.

1 Timothée 3:2

Mɛgi yo lɛm nde, wi mɔ zu eglize adung nɛ ma wen ha zu wa na. Wɛnɛ adung nê wan-bhoko ndang sɔna. Wɛnɛ agan zu tɛ wa, wɛnɛ aba zu ha deamɔ pɛa, wɛnɛ aba tɛ wa nɛ zioa, wɛnɛ apam hio gɛnɛ nɛdedea, nɛ wɛnɛ aing osa mɔ ha hio wi nɛdedea.

1 Timothée 3:6

Ka wi mɔ zu eglize adung nê mbombe wi pɛ Christ na, yu nde, a betɛ sutɛ wa, nɛ Sɔ betɛ gɔn kita ba nɛ wia, gbesi tuka ka wɛnɛ gɔna nɛ kita ba nɛ *Satan.

1 Timothée 4:12

Ka ma wi abhɛsiri mɛ hazu mɛ bhɔna ka nê pɔlɔmbɔ wi na. Ma, dea nde, wolamɔ pɛ mɛ, deamɔ pɛ mɛ, ngoy pɛ mɛ, mɛkaramɔ pɛ mɛ, nɛ saa sila pɛ mɛ, adung nê wekamɔ hazu hio wi fɛt ka mɛkiri Christ.

1 Timothée 4:14

Ka mɛ alak dea tom nɛ ngatɛ ka *Nzɔy-Sɔtɛ haa ha mɛ gde na. A haa ngatɛ ɛngɛ ha mɛ nɛ wal kuliwen ha ngimɔ ka gili kotowi gdea kɔ ha zu mɛ.

2 Timothée 1:6

Yo nê hazu ɛngi, mi gba tazu mɛ nde, ngatɛ ka Sɔ haa ha mɛ nɛ wal gdea kɔ mi ha zu mɛ, mɛ tunsi yo nɛ mbinga fin.

2 Timothée 2:2

Mɔ ka mɛ zea ha nu mi ha li hio dɔka wi, lɛma nde, mɛ aosi yo ha hio mboazu wi ka lɛma osi yo fin ha hio mbinga.

Hebro 6:2

Yo osi fin mɔ hazu wen tili gdumso wi ha li, hazu wen gdea kɔ ha zu wi, hazu wen guotɛ ha soko hio fiowi, nɛ hazu wen kita pɛ Sɔ.

2 Jean 1:11

Hazu, wi ka fan wɛnɛ, ha dea sɔy hinɛ wɛnɛ ha zang gdanga deamɔ pɛa.

Gbasamɔ 18:4

Hapata, mi zea ma gɛl ha ngɔn ka tɔa: «Mɛ, kandɔ pɔm, mɛ gbo ha Babilone pen, yu nde, mɛ betɛ de sɔy hinɛ wɛnɛ ha dea gdangamɔ, nɛ hio kemɔ betɛ mɛl mɛ tuka wɛnɛ.