1 Timothée 5:18 - Takarata pɛ Sɔ Mbombe Mbon

¹⁸ Hazu wen pɛ Sɔ tɔa: «Nday ka um zik kpalmɔ hazu gbosisi gbalaa, ka mɛ ahɛl nu wa na.» Nɛ yo tɔa fin: «Wan-de tom lɛma nɛ mbɔli tom pɛa.»

1 Timothée 5:18 ပူးပေါင်းရင်းမြစ်များ

Matthieu 10:10

ngase ngobho yali, ngase gasa latɛ bwa, ngase nakala, ngase tongolo na. Hazu lɛma nde, wan-tom akpa mɔ-kɛ wɛnɛ ha bhandi tom pɛa.

Dede Wen hazu Jésus-Christ ka Luc ngɛraka 10:7

Ɛnɛ abhɔn ka ha twa ɛngi, yɔng nɛ nɔ mɔ ka ɛ beha ha ɛnɛ. Hazu lɛma nde, wan-tom akpa mɔ-kɛ wɛnɛ. Ɛnɛ akpali twa ɛngɛ mɛ nɛ ha ma mbinga na.

Rome 10:11

Yo gbesi tuka ɛ ngɛraka ha takarata pɛ Sɔ nde: «Wi ndang ndang fɛt ka mɛkiri wɛnɛ, foy lɛm de mbwa na.»

Rome 11:2

Kandɔ pɛa ka wɛnɛ baweki sɔngsi bhee, Sɔ tɛ mul mbwa pi na. Takarata pɛ Sɔ tɔa wen hazu *wan-tɔkuliwen *Elie, ka taatɛ ha Sɔ hazu gdanga deamɔ pɛ kandɔ Israel. Bo nê ɛnɛ ingɔ wen ɛngɛ na nde? A tɔa:

Rome 4:3

Yo gbesi tuka ɛ ngɛraka ha takarata pɛ Sɔ: «Abraham mɛkara Sɔ, mɛgi Sɔ zɔka wɛnɛ tuka *nzeng wi.»

Rome 9:17

Ha takarata pɛa, Sɔ batɔ ha *kongapora mɔ kandɔnu Ezipte: «Mi gdea mɛ kongapora hazu osi gasa ngatɛ pɔm nɛ wal mɛ tuka nde, kasi tɛ mi ayambili dam nzan fɛt.»

1 Korente 9:14

Yo fin gbesi nê hio wan-bul Dede Wen. Kongawan haa nu nde, hio wi ka ze Dede Wen, mbwa aha yɔngamɔ ha hio wan-bul yo.

Galasi 3:8

Takarata pɛ Sɔ tɔa bingiri nde, hio kandɔ ka bo nê *zuife na, bemɛkiri bin Sɔ, nɛ Sɔ bezɔk mbwa tuka nzeng wi ha wena. Yo nê ɛngi, ka yo tɔa fin ha Abraham dede kasi ɛngɛ: «Nɛ wal mɛ, Sɔ bewol dede wen ha zu hio kandɔ fɛt.»

Jacques 4:5

Ha zang takarata pɛ Sɔ ɛ ngɛraka: «Sɔ ha dea gula hazu sɔtɛ ka wɛnɛ gdea ha tɛ ɔ.» Ɛnɛ baa yo tuka gbele wen nde?