1 Timothée 5:10 - Takarata pɛ Sɔ Mbombe Mbon

¹⁰ Nɛ lɛma fin nde, hio wi akɛ wen dede tom pɛa mɛgɛ: A dungɔ ha pama hio bem pɛa nɛdedea, ha baa hio gɛnɛ nɛ dede kɔ, ha fala nanga hio wi pɛ Sɔ, ha gbakara hio wan-ngɔtɛ, nɛ ha gdea tɛ wa fɛt ha dea dedemɔ.

1 Timothée 5:10 ပူးပေါင်းရင်းမြစ်များ

Matthieu 25:17

Wi ka kpaa lafu mbɔli bwa dea gbesi, nɛ wɛnɛ kpaa lafu mbɔli bwa gde ha zua.

Matthieu 5:16

Mɛgi, dea nde, saamɔ pɛ ɛnɛ aba ha li hio wi fɛt tuka nde, mbwa azɔk dede deamɔ pɛ ɛnɛ, nɛ mbwa alukisi Bafa ɛnɛ ka dung ha kuso ngɔn.»

Dede Wen hazu Jésus-Christ ka Luc ngɛraka 7:38

Nɛ a tiko tɛ ha gdong Jésus hapɛtɛ nanga wa. Wɛnɛ hea kwa nɛ milikwa huyo ha nanga Jésus. Nɛ a dio yo nɛ bumɔzu wa. A duyo nanga Jésus nɛ hɔnga yo nɛ liyama.

Dede Wen hazu Jésus-Christ ka Luc ngɛraka 7:44

Nɛ Jésus kiforo tɛ zɔk bhoko ɛngɛ nɛ wɛnɛ tɔa ha Simon: «Zɔk bhoko ɛngɛ nɛdedea! A dea mɔ ka mɛ tɛ de na. Hazu, ka mi lea twa pɛ mɛ, mɛ tɛ ha mi li mɛ fal nɛ nanga mi na. Ma, a taya nanga mi nɛ milikwa pɛa, nɛ a dio yo nɛ bumɔzu wa.

Deamɔ 10:22

Mbwa kiforo wen: «Yo nê Korneille, kagama-bulo, ha tomsi ɔ. Wɛnɛ nɛ nzeng nɛ mboazu ha li Sɔ. Hio wi mɔ kandɔ zuife fɛt tɔa dede lingtɛ wa. Ma telenge pɛ Sɔ tɔa ha wɛnɛ mɛ sa mɛ ha twa pɛa hazu ze wen nu mɛ.»

Deamɔ 22:12

«Ma wi dungɔ haki ling wa nde, Ananias. Wɛnɛ nɛ mboazu ha li Sɔ, nɛ wɛnɛ ha pama *mbonga pɛ Moïse. Hio *zuife mɔ Damas fɛt ha tɔa dede lingtɛ wa.

Deamɔ 6:3

Hazu ɛngi, hio ya ɔ, ɛnɛ weki hio wi mɔrkɔ zanga bwa ha soko ɛnɛ, ka ɔ agde tom kapana yɔngamɔ ha kɔ mbwa. Lɛma nde, mbwa adung nɛ dede ling, nɛ mbaramɔ, nɛ sila ka don nɛ *Nzɔy-Sɔtɛ.

Deamɔ 9:36

Ma *wan-yambimɔ bhoko dungɔ ang ha Zope, ling wa nde, Tabita. Ling ɛngɛ tɔ nɛ nu greke nde, Dorkas, gotoa nde, dɛngbɛ. Wɛnɛ dea dedemɔ swe fɛt nɛ a gbakara hio fabha wi.

Deamɔ 9:39

Pierre guotɛ nɛhasa nɛ hinɛ mbwa. Ka wɛnɛ hɔa, ɛ kuo wɛnɛ nɛnɛ ha zang pimbi, ka ɛ bɛa ha zu twa ha ngɔn. Hio nagula fɛt ka dungɔ haki zikoro Pierre nɛ hea kwa. Mbwa osa ha wɛnɛ tili la nɛtɛ-nɛtɛ, ka Dorkas fulo hazu mbwa ka wɛnɛ dungɔ nɛ zutunɔ.

Rome 12:13

Ɛnɛ gbakiri hio wi pɛ Sɔ ka mɔ kɔpa mbwa. Nɛ ɛnɛ ba hio gɛnɛ wi nɛ dede kɔ.

Efeze 2:10

Hazu ɔ fɛt, ɔ nê mɔ ka Sɔ dea. A dea ɔ nɛ wal Jésus-Christ tuka nde, ɔ ade hio dedemɔ, ka wɛnɛ babhɔngiri sɔngsi gde nde, ɔ ade yo.

Kolose 1:10

Mɛgi, ɛnɛ lɛma mɛ de mɔ ka Kongawan ngoya, nɛ ka ha totɛ fɛt ha wɛnɛ. Ɛnɛ bede nɛ hio tili dedemɔ fɛt, nɛ ɛnɛ being Sɔ nɛnɛ sɔngsi.

1 Timothée 2:10

Ma, mbwa ade hio dede tom, ka lɛma nɛ hio bhoko ka tɔ nde, mbwa ha yuo ke Sɔ.

1 Timothée 3:2

Mɛgi yo lɛm nde, wi mɔ zu eglize adung nɛ ma wen ha zu wa na. Wɛnɛ adung nê wan-bhoko ndang sɔna. Wɛnɛ agan zu tɛ wa, wɛnɛ aba zu ha deamɔ pɛa, wɛnɛ aba tɛ wa nɛ zioa, wɛnɛ apam hio gɛnɛ nɛdedea, nɛ wɛnɛ aing osa mɔ ha hio wi nɛdedea.

1 Timothée 3:7

Lɛma fin nde, lingtɛ wi mɔ zu eglize adung nɛ dedea ha zala hio wi mɔ nzan yu nde, mbwa betɛ bhɛsiri wɛnɛ, nɛ Satan betɛ ba wɛnɛ ha pɔndɔ pɛa.

1 Timothée 5:16

Ka hio nagula ha zang nam pɛ ma bhoko pɛ Christ, lɛma nde, wɛnɛ agbakiri mbwa. Ka wɛnɛ alak mbwa gde ha kɔ *giliwi mɔ eglize na. Mɛgi giliwi ndɔng bekpa wal mɛ gbakiri hio nagula ndɔng ka bo nɛ wi na.

1 Timothée 5:25

Yo fin gbesi nɛ hio dede tom. Pɛ hio ma wi, dede tom pɛ mbwa gboa long. Nɛ pɛ hio ma, dede tom pɛ mbwa tɛ gbo ka na. Ma, yo lɛm bhɔn nɛ wuso kpoo na.

1 Timothée 6:18

Mɛ ha nu ha mbwa nde, mbwa ade dedemɔ, mbwa ade hio dɔka dede tom, mbwa ade ngay nɛ *dede sila, nɛ mbwa akapini kpaamɔ pɛ mbwa.

2 Timothée 1:5

Tazu mi ha gbaa nɛ kpasa mɛkaramɔ ka mɛ mɛkara nɛ Christ. Yo nê ndangtɛ mɛkaramɔ ɛngɛ, ka ngbanana mɛ, Lois, nɛ nana mɛ, Enis, mɛkara nɛ Christ sɔngsi. Ey, mi ingɔ nɛdedea nde, mɛ fin nɛ ndangtɛ mɛkaramɔ.

2 Timothée 2:21

Wi ka lak gdanga osamɔ ndɔng ki fɛt gde, bedung tuka kpana mɔ swe yenga. A bedung nɛ nzɔya, nɛ a begbakiri wan pɛa ha dea hio dede tom fɛt.

2 Timothée 3:15

Mɛ ingɔ takarata pɛ Sɔ nisi ha ngimɔ bhobem. Takarata ɛngɛ lɛma ha mɛ mbaramɔ hazu kpasi nɛ wal mɛkara Jésus-Christ.

2 Timothée 3:17

Mɛgi takarata pɛ Sɔ de nde, wi pɛ Sɔ alɛm wɛɛ, nɛ akpa ngatɛ hazu de nɛ hio tili dede tom fɛt.

Tite 2:14

Jésus-Christ fea gɔn zu ɔ hazu yangi ɔ ha dea tili kpandele fɛt, nɛ hazu sasisi ɔ tuka nde, ɔ adung nê kandɔ pɛa, ka gbɛngsi tɛ swe fɛt ha dea dedemɔ.

Tite 2:7

ha deamɔ pɛ mbwa fɛt. Pɛ mɛ, lɛma nde, ha zang mɔ fɛt, hio olo wi azɔk hio dede deamɔ pɛ mɛ hazu de nɛ pɛ mbwa. Wal ka mɛ osi nɛ mɔ adung nɛ zioa nɛ kpasa ha li wi.

Tite 3:1

Mɛ gba tazu hio wi pɛ Christ nde, mbwa agde tɛ mbwa ha si hio wan-le nɛ hio nasara. Lɛma nde, mbwa aze nu mbwa, nɛ mbwa adung sanga ha dea dedemɔ kpoo.

Tite 3:14

Lɛma nde, hio wi pɛ ɔ fin ayambi mɛ gbɛngsi tɛ ha dea dedemɔ hazu gbakiri wi ndɔng ka mɔ kɔpi mbwa nɛkpasa. Mɛgi, hio wi pɛ ɔ beway nɛ dede waya.

Tite 3:8

Wen ndɔng ka mi tɔa, yo nê tɛwen. Mi ngoya nde, mɛ aputiri yo swe fɛt ha wi ndɔng ka mɛkara Sɔ, tuka nde, mbwa agbɛngsi tɛ nɛkpasa ha dea dedemɔ. Ɛngi nɛ dedea, nɛ yo ha gbakara hio wi.

Hebro 10:24

Ɔ azɔk wal pɛ may, nɛ ɔ aha da ha may mɛ ngoy may nɛ mɛ de dedemɔ.

Hebro 13:2

Ka tazu ɛnɛ abisi nɛ baa hio gɛnɛ nɛ dede kɔ ha soko ɛnɛ na. Hazu nɛ wal baa hio gɛnɛ mɛgi, hio ma wi baba hio *telenge, ngase ka mbwa ing yo na.

Hebro 13:21

Sɔ alɛmsiri ɛnɛ mɛ de hio dedemɔ fɛt, ka sila wa ngoya nde, ɛnɛ ade. Nɛ wal Jésus-Christ, wɛnɛ aha ɛnɛ ngatɛ mɛ de mɔ ka ha totɛ ha wɛnɛ. *Lɛkɛ-lɛkɛmɔ ha kɔ Jésus-Christ kpoo nɛ kpoo. Amen.

1 Pierre 2:12

Dea nde, ɛnɛ ade mɔ nɛdedea ha soko hio *bhilo. Hio ma wi ang ka betɔ gdanga lingtɛ ɛnɛ nde, ɛnɛ nê hio *wan-de gdangamɔ. Lɛma nde, mbwa azɔk nɛ dedemɔ ka ɛnɛ de. Ɛngɛ benɔsisi mbwa mɛ lukisi Sɔ ha swe kita pɛa.

1 Pierre 4:9

Ɛnɛ aba may ha soko ɛnɛ nɛ dede kɔ, bo nɛ yimɔlɔmɔ na.

3 Jean 1:12

Ka bo nê pɛ Demetrius, wi fɛt ha tɔa dede lingtɛ wa. Hio deamɔ pɛa ka lɛm nɛ tɛwen, ha tɔa ndangtɛ wen. Nɛ ɔ fin ha tɔa yo gbesi. Mɛ ingɔ nde, wen ka ɔ tɔ, yo nê tɛwen.