1 Timothée 5:1 - Takarata pɛ Sɔ Mbombe Mbon

¹ Ka mɛ atubhi da tubhi ha zu gbɛl wei na. Ma, mɛ mbo wɛnɛ nɛhɔn tuka bafa mɛ. Mɛ mbo hio pɔlɔmbɔ wi tuka hio ya mɛ,

1 Timothée 5:1 ပူးပေါင်းရင်းမြစ်များ

Matthieu 23:8

«Ma, pɛ ɛnɛ, ka ɛ asa ɛnɛ nde, wan-osimɔ, na. Hazu wan-osimɔ pɛ ɛnɛ ndang sɔna. Nɛ ɛnɛ fɛt nê hio gdiya.

Deamɔ 14:23

Ha eglize ndang ndang fɛt, Paul nɛ Barnabas weka hio kotowi gde ha zu mbwa. Mbwa gɔa Sɔ nɛ zimɔ yɔngamɔ, nɛ mbwa gdea kotowi ndɔng ha kɔ *Kongawan, ka mbwa mɛkara ha wɛnɛ.

Deamɔ 15:4

Ka mbwa hɔa ha Jérusalem, *giliwi mɔ eglize, nɛ hio wan-nɛtom nɛ hio kotowi baa mbwa nɛ dede kɔ. Mbwa baa kasi mɔ fɛt, ka Sɔ dea nɛ wal mbwa.

Deamɔ 15:6

Mɛgi hio wan-nɛtom nɛ hio kotowi wesara may hazu ki goto wen ɛngɛ.

Deamɔ 20:17

Ka Paul boka ha Milet, a pio kasara hazu sa nɛ hio kotowi mɔ eglize ha Efeze.

Rome 13:7

Mɔ ka ɛnɛ lɛma mɛ kpe ha wi ndang ndang, dea nde, ɛnɛ akpe yo. Ɛnɛ kpe tili garama fɛt ha hio wan-ndɛm mbɔli garama. Wi ka lɛma nɛ ke, ɛnɛ ayu ke wa. Nɛ wi ka lɛma nɛ lukosomɔ, ɛnɛ alukisi wɛnɛ.

Galasi 6:1

Hio ya mi, *Nzɔy-Sɔtɛ ang ha tɛ ɛnɛ. Mɛgi, ka ɛnɛ kpa ma wi ha dea gdangamɔ, ɛnɛ yolsi wɛnɛ nɛ gaa sila. Nɛ ɛnɛ pangay nɛ tɛ ɛnɛ fin yu nde, ɛnɛ betɛ tek ha zang gdangamɔ tuka wɛnɛ.

1 Timothée 5:17

Hio kotowi ka pam giliwi mɔ eglize nɛ wala, lɛma nɛ kɛamɔ tom pɛ mbwa zebwa. Pen fɛt, ɛ ndɔng ka gbɛngsi tɛ mbwa ha bulo wen pɛ Sɔ nɛ ha osamɔ Sɔ.

1 Timothée 5:2

nɛ hio gbɛl bhoko tuka hio nana mɛ. Mɛ mbo hio bezunga nɛ saa sila fɛt tuka hio ya mɛ mɔ bebhoko.

Tite 2:2

Mɛ tɔ ha hio koto wei nde, mbwa adung ngɛlɛlɛ, mbwa adung zio wi ha li wi fɛt, mbwa aba zu ha deamɔ pɛ mbwa, mbwa aba nɛ nɔa ha wal mɔ Sɔ, sila mbwa adon nɛ ngoy, nɛ mbwa adung nɛ yikosila.

Tite 2:6

Gbesi, mɛ osi ha hio pɔlɔmbɔ wei nde, mbwa aba zu

Jacques 3:17

Ma, wi ka dung nɛ mbaramɔ ka gutɛ ha pɛ Sɔ tɛnɛ, wia dung pɛa nɛ saa nɛ gaa, wɛnɛ de ngay, wɛnɛ nɛ mɛndi, wɛnɛ de kobhe tɛ wi, nɛ wɛnɛ de dedemɔ swe fɛt. A gba soko wi na, nɛ a bo nɛ gdanga dambari na.

Jacques 5:14

Ka ma wi nɛ zɛlɛ ha soko ɛnɛ, lɛma nde, wɛnɛ asa hio kotowi mɔ eglize. Mbwa begɔ Sɔ ha zu wa nɛ hɔnga wɛnɛ nɛ nɔ nɛ ling *Kongawan.

1 Pierre 5:1

Sising, mi wolmɔ ha ɛnɛ, hio kotowi mɔ eglize. Mi fin, mi nê kotowi. Mi zɔka ngimɔ ka Christ kpaa nɛ yeksamɔ, nɛ mi bekpa fin *lɛkɛ-lɛkɛmɔ pɛa ha ngimɔ ka wɛnɛ begbasi tɛ wa. Mɛgi, mi mbo ɛnɛ nde,

2 Jean 1:1

Mi, kotowi mɔ eglize, mi ngɛriki takarata ɛngɛ ha mɛ, Kongabhoko ka Sɔ weka, nɛ ha hio bem pɛ mɛ, ka mi ngoya nɛ tɛwen. Yo bo sɔna nê mi gbatɛ ha ngoy ɛnɛ na, ma, yo nê hio wi fɛt ka ingɔ tɛwen.

3 Jean 1:1

Mi, kotowi mɔ eglize, mi ngɛriki takarata ɛngɛ ha mɛ, Gaius, ka mi ngoya nɛ tɛwen.

Gbasamɔ 4:4

Hio ma solowan bhuze bwa gbala nar dungɔ zikiri solowan ɛngɛ. Hio kotowi bhuze bwa gbala nar dungɔnu ang. Mbwa yola bu la, nɛ ndutu wan mɔ gbɛbolo ha zu mbwa.