1 Timothée 4:8 - Takarata pɛ Sɔ Mbombe Mbon

⁸ Dea ngatom hazu ngasisi tɛ mɛ begbakiri mɛ tikiring. Ma, dungɔa nɛ mboazu ha wal mɔ Sɔ begbakiri mɛ ha mɔ fɛt, hazu Sɔ gɔna nu nde, wi ka de mɛgi, bedung nɛ zutunɔ ha ngimɔ ɛngɛ sising nɛ ha ngimɔ ka betɛ bin.

1 Timothée 4:8 ပူးပေါင်းရင်းမြစ်များ

Matthieu 12:32

Nɛ ka ma wi tɔ gdanga wen sungiri mi, *Bewei pɛ Wi, Sɔ lɛma ha *tiso ha wɛnɛ. Ma, ka ma wi tɔ gdanga wen sungiri Nzɔy-Sɔtɛ, Sɔ lɛm ha tiso ha wɛnɛ na. Ngase ha nzan ɛngɛ, ngase ha mbombe nzan ka betɛ.»

Matthieu 19:29

Nɛ wi ndang ndang fɛt ka belak twa pɛa, hio ya wa, bafa wa, nana wa, hio bem, mana fɔ pɛa gde hazu mi, wɛnɛ bekpa mɔ ze gɔmmay ndang pen mɔ sɔngsi. Nɛ wɛnɛ bekpa tunɔ kpoo.

Matthieu 6:33

Mɛgi, pen mɔ fɛt, ɛnɛ ki mɛ dung hio wi mɔ *Kongakandɔ pɛ Sɔ, nɛ ɛnɛ de mɔ ka dung nzeng ha li wa, nɛ Sɔ beha ɛnɛ olo mɔ fɛt.

Marc 10:30

wi kɛ bekpa mɔ ze gɔmmay ndang pen mɔ sɔngsi. Wɛnɛ bekpa ha nzan ɛngɛ hio twa, hio ya mɔ bewei nɛ mɔ bebhoko, hio nana, hio bafa, hio bem, hio fɔ. Nɛ ha ndangtɛ ngimɔ, wɛnɛ bekpa fin namalamɔ. Ma, ha nzan ka betɛ, a bekpa tunɔ kpoo.

Dede Wen hazu Jésus-Christ ka Luc ngɛraka 5:38

Ma, dea nde, ɛ a-a mbombe dɔkɔ ha zang mbombe lɔngɔ.

Rome 8:28

Hio wi ndɔng ka ngoy Sɔ, nɛ ka Sɔ saa mbwa tuka sila wa bheka, ɔ ingɔ nde, Sɔ ha bhɔngara mɔ fɛt ka kpa may hinɛ mbwa, tuka nde, mɔ ndɔng adung nê dedemɔ hazu mbwa.

1 Korente 3:22

ngase Paul, ngase Apolos, ngase Pierre, ngase nzan, ngase tunɔ, ngase fio, ngase mɔ ngimɔ ɛngɛ, ngase mɔ ngimɔ ka betɛ bin, mɔ ndɔng fɛt nê pɛ ɛnɛ.

1 Korente 8:8

Yo bo nê yɔngamɔ ha de nde, ɔ atiki sanga nɛ Sɔ na. Ngase ka ɔ yɔng yo na, ɔ yɔsisi ma mɔ ndang ang na. Ngase ka ɔ yɔnga yo, ɔ kpa ma mɔ ndang ang na.

1 Timothée 4:7

Hio ngbundu to ka lɛm nɛ mɛkaramɔ na, mɛ mul yo pi. Ma, mɛ de nɛ ngatom hazu dung nɛ mboazu ha wal mɔ Sɔ.

1 Timothée 6:3

Hio ma wi ang ka osi ma mɔ nɛtɛ, ka lɛm may ngase nɛ hio kpasa wen pɛ *Kongawan pɛ ɔ, Jésus-Christ, ngase nɛ osamɔ hazu dea tom Sɔ na.

1 Timothée 6:5

ha zanga wen ndɛng-ndɛng hinɛ hio wi ka takiri mɔ nɛ gdanga, nɛ ka ing fin tɛwen na. Mbwa takiri pɛ mbwa nde, dea tom Sɔ, yo nê wal mɛ tɛ wan-kpamɔ.

1 Timothée 6:6

Kpasawen, dea tom Sɔ, yo nê gasa kpaamɔ hazu wi ka bo nɛ hɛl kpaamɔ na.

2 Timothée 3:5

Mbwa beosi tɛ tuka wan-lukisi Sɔ, ma, mbwa bemul pi ngatɛ ka tɛ nɛ wal mɛkara Sɔ. Mɛ ato gdong ha hio tili wi tuka ɛngi.

Tite 3:8

Wen ndɔng ka mi tɔa, yo nê tɛwen. Mi ngoya nde, mɛ aputiri yo swe fɛt ha wi ndɔng ka mɛkara Sɔ, tuka nde, mbwa agbɛngsi tɛ nɛkpasa ha dea dedemɔ. Ɛngi nɛ dedea, nɛ yo ha gbakara hio wi.

Hebro 13:9

Hio ma wi tɛ bo ha osa hio gɔn-gɛnɛ osamɔ nɛtɛ-nɛtɛ. Ka mbwa ayɔsisi ɛnɛ na. Nɛ dedea nde, sila ɛnɛ akpa ngatɛ nɛ wal *dede sila pɛ Sɔ, bo nɛ wal hio haanu hazu yɔngamɔ na. Hio wi ka de mɔ lɛm nɛ hio haanu ndɔng, tɛ kpa ma dedemɔ ndang ang na.

1 Jean 2:25

Nɛ wal dea sɔy ɛngɛ ɔ kpaa *tunɔ kpoo, ka Bewei pɛ Sɔ gɔna nua mɛ ha yo ha ɔ.

Gbasamɔ 3:12

«Wi fɛt ka began zu mɔ, mi begde mbwa tuka mbing twa ha gasa twa pɛ Sɔ pɔm. Mbwa lɛm gbo haki fin na. Mi begɔn ling Sɔ pɔm, ling gasa le pɛ Sɔ pɔm, nɛ mbombe ling mi ha tɛ mbwa. Gasa le ɛngi nê mbombe Jérusalem ka begutɛ ha ngɔn hapɛtɛ Sɔ pɔm tɛnɛ.

Gbasamɔ 3:21

«Wi fɛt ka began zu mɔ, mi beha mbwa wal nde, mbwa atɛ tɛ dungnu hinɛ mi ha solowan pɔm. Tuka mi fin, mi gana zu mɔ, nɛ mi ha dungɔnu hinɛ Bafa mi ha solowan pɛa.