1 Timothée 4:7 - Takarata pɛ Sɔ Mbombe Mbon

⁷ Hio ngbundu to ka lɛm nɛ mɛkaramɔ na, mɛ mul yo pi. Ma, mɛ de nɛ ngatom hazu dung nɛ mboazu ha wal mɔ Sɔ.

1 Timothée 4:7 ပူးပေါင်းရင်းမြစ်များ

Deamɔ 24:16

Yo nê ɛngi, ka mi gbɛngsi tɛ mi hazu pam sila mi swe fɛt nɛ saa ha li Sɔ nɛ ha li hio wi.

1 Timothée 1:4

Mɛ tɔ ha mbwa nde, mbwa akafi mɛ ze hio to ndɔng nɛ hio wen bɔya pɛl nam pɛ hio gasa ngbabafa. Hio mɔ ndɔng dak nɛ siokafɛ pi ha nu nɛgbelea. Ma, dede wal ka Sɔ bhɔngara mɛ kpasisi nɛ wi, mbwa being yo sɔna nɛ wal mɛkaramɔ.

1 Timothée 1:9

Ɔ aing nde, Sɔ tɛ bhɔngiri mbonga hazu *nzeng wi na. Ma, a bhɔngara yo hazu hio wan-de kpandele, wan-ngazu, *wan-kafi Sɔ, *wan-de gdangamɔ, wan-sɛn Sɔ nɛ nzɔy mɔ, nagbɛ gdibafa nɛ gdinana, nagbɛwi,

1 Timothée 2:10

Ma, mbwa ade hio dede tom, ka lɛma nɛ hio bhoko ka tɔ nde, mbwa ha yuo ke Sɔ.

1 Timothée 3:16

Wen mɛkaramɔ ka Sɔ gbasa, yo nê gasa mɔ pentɛ, siokafɛ bona. Wen ɛngɛ nde: Christ yola tɛ wi, nɛ *Nzɔy-Sɔtɛ gbasa nde, wɛnɛ nê *nzeng wi. Hio *telenge zɔka wɛnɛ, nɛ ɛ bulo wen tɛ wa ha hio kandɔ. Hio wi mɔ nzan mɛkara wɛnɛ, nɛ Sɔ guo wɛnɛ ha ngɔn gde ha lɛkɛ-lɛkɛ bhandi.

1 Timothée 4:8

Dea ngatom hazu ngasisi tɛ mɛ begbakiri mɛ tikiring. Ma, dungɔa nɛ mboazu ha wal mɔ Sɔ begbakiri mɛ ha mɔ fɛt, hazu Sɔ gɔna nu nde, wi ka de mɛgi, bedung nɛ zutunɔ ha ngimɔ ɛngɛ sising nɛ ha ngimɔ ka betɛ bin.

1 Timothée 6:11

Ma, mɛ ka dung nê wi pɛ Sɔ, mɛ sɔsi mɔ ndɔng ki fɛt. Mɛ ki wal mɛ dung nzeng nɛ mboazu ha li Sɔ. Mɛ bhɔn ka ha mɛkara Christ, mɛ ngoy ma mɛ, mɛ dung nɛ yikosila, nɛ fin nɛ gaa sila.

1 Timothée 6:20

Timothée, mɛ pam mɔ ka Sɔ gdea ha kɔ mɛ, nɛdedea. Mɛ kafi hio ngbundu wolamɔ ka sungiri Sɔ, nɛ hio zanga wen ka ɛ sa nɛ tum nde, ingɔmɔ.

1 Timothée 6:3

Hio ma wi ang ka osi ma mɔ nɛtɛ, ka lɛm may ngase nɛ hio kpasa wen pɛ *Kongawan pɛ ɔ, Jésus-Christ, ngase nɛ osamɔ hazu dea tom Sɔ na.

1 Timothée 6:5

ha zanga wen ndɛng-ndɛng hinɛ hio wi ka takiri mɔ nɛ gdanga, nɛ ka ing fin tɛwen na. Mbwa takiri pɛ mbwa nde, dea tom Sɔ, yo nê wal mɛ tɛ wan-kpamɔ.

2 Timothée 2:16

Ka mɛ api nu mɛ ha zanga hio tum wen ka sungiri Sɔ, na. Hazu hio wi ndɔng ka zang wen mɛgi, mbwa bekafi Sɔ nɛnɛ sɔngsi.

2 Timothée 2:23

Ka mɛ api nu mɛ ha zanga hio yera tum wen na, hazu mɛ ingɔ nde, zanga wen mɛgi bedak wi pi ha mɔya.

2 Timothée 3:12

Ey, hio wi benamili ɛ ndɔng fɛt ka ngoy dung nɛ mboazu ha li Sɔ nɛ wal dea sɔy hinɛ Jésus-Christ.

2 Timothée 3:5

Mbwa beosi tɛ tuka wan-lukisi Sɔ, ma, mbwa bemul pi ngatɛ ka tɛ nɛ wal mɛkara Sɔ. Mɛ ato gdong ha hio tili wi tuka ɛngi.

2 Timothée 4:4

Mbwa begdɔki zala ha tɛwen, nɛ mbwa bezifili tɛ hazu lɛngi zala ha hio yera towen.

Tite 1:14

Lɛma nde, ka mbwa alɛngi fin zala mbwa ha hio to pɛ hio zuife na, nɛ nde, mbwa akarsi mɛ ndari hio *mbonga pɛ wi ndɔng ka gdea gdong ha tɛwen.

Tite 2:12

Nɛ wal dede sila pɛa, Sɔ osi mɔ ha ɔ nde, ɔ alak gdanga deamɔ nɛ hio wɔ mɔ nzan gde. Ha nzan ɛngɛ sising, lɛma nde, ɔ aba zu ha deamɔ pɛ ɔ, nɛ ɔ ade mɔ nzeng nɛ mboazu ha li Sɔ.

Tite 3:9

Ka hio wi ha zanga yera wen hazu pɛl nam pɛ hio gasa ngbabafa ɔ, mana mbwa ha mɔya hazu wen *mbonga pɛ Moïse, ka mɛ api nu mɛ ang na. Ɛ ndɔng ki nê hio gombo wen ka lɛm gbakiri wi na.

Hebro 5:14

Ma, nga yɔngamɔ lɛma nɛ zɔma wi ka yamba wal mɛ de mɔ ka lɛma, nɛ ka li wa bhaa hazu ing wal mɛ gba soko dedemɔ nɛ gdangamɔ.