1 Timothée 4:6 - Takarata pɛ Sɔ Mbombe Mbon

⁶ Ka mɛ osi mɔ ndɔng ki ha hio ya ha Jésus-Christ, mɛ bedung nê dede wan-tom pɛa. Deamɔ mɛgi beosi nde, mɛ ha daya tɛ mɛ nɛ wen mɛkaramɔ, nɛ fin nɛ dede osamɔ ka mɛ ndari.

1 Timothée 4:6 ပူးပေါင်းရင်းမြစ်များ

Matthieu 13:52

Nɛ a tɔa ha mbwa fin: «Mɛgi hio *wan-osi mbonga ndang ndang fɛt ka tɛ bo nê wan-yambimɔ mɔ *Kongakandɔ Ngɔn, mbwa dung tuka ma wan-twa ka gbosisi mbombe nɛ mɔa mɔ ha bhandi toy pɛ mbwa.»

Dede Wen hazu Jésus-Christ ka Luc ngɛraka 1:3

Mi kio ngbak mɔ ndɔng, angiri ha kudoma kanɛ sising. Mɛgi mi kpaa nɛdedea nde, mi fin angɛriki yo nɛ wala nɛnɛ ha mɛ, konga Théophile,

Deamɔ 1:15

Ha ma yala ndɔng ndang, hio ya ha Christ wesara may lɛm nɛ wi gɔmmay zu bhuze bwa. Pierre guo tɛ tɔ ha mbwa:

Deamɔ 20:31

Tuka ɛngi, ɛnɛ adung nɛ zɔma! Tazu ɛnɛ agba nde, ha zang kili bɛlɛ ndɔng tar, swe nɛ zɛ, mi dungɔ ha mboa ɛnɛ ndang ndang fɛt nɛ milikwa ha li mi.

Deamɔ 20:35

Nɛ wal mɔ ndɔng fɛt, mi osa ha ɛnɛ nde, ɔ ade tom mɛgi hazu gbakiri hio wan-kɔsa. Tazu ɔ agba nɛ wen ɛngɛ ka Kongawan Jésus batɔ: ‹Haa mɔ ha ma wi nɛ dedea pen kpaa mɔ ha kɔ ma wi.›»

Rome 15:15

Ma, mi baa da mɛ ngɛriki nɛ hio ma wen ha zang takarata ɛngɛ hazu gba nɛ tazu ɛnɛ nɛ mɔ ka ɛnɛ yamba kari. Mi dea mɛgi hazu Sɔ dea *dede sila ha tɛ mi

1 Korente 4:17

Yo nê ɛngi ka mi tomsa Timothée ha pɛ ɛnɛ. Wɛnɛ nê bem pɔm ha wal mɔ Christ. Mi ngoya wɛnɛ pentɛ, nɛ wɛnɛ nɛ mboazu fɛt. A begba tazu ɛnɛ nɛ wal ka mi ndari nɛ Jésus-Christ. Yo nê ndangtɛ wal ka mi osi ha hio wi mɔ hio eglize ha bhandi fɛt.

2 Korente 11:23

Mbwa nê wan-tom pɛ Christ nde? Mi nê yo pen mbwa! Mi wol mɔ tuka wan-bili na nde? Mi dea tom pen mbwa, mi dungɔ ha twa zɔbhɔ pen mbwa, ɛ mɛla mi pen mbwa, nɛ mi kpɔya ha fio ze nɛdɔka pen mbwa.

2 Korente 3:6

A haa ɔ ngatɛ mɛ dung nê hio wan-tom ka bul wen mbombe nɔa mbon ha soko Sɔ nɛ wi. Nɔa mbon ɛngɛ tɛ tɛ nɛ wal *mbonga na, ma, yo tɛa nɛ wal *Nzɔy-Sɔtɛ. Hazu mbonga ka ɛ bangɛriki, gde wi ha fio, ma, Nzɔy-Sɔtɛ ha pɛa nɛ tunɔ.

2 Korente 6:4

Ma, ha deamɔ pɛ ɔ fɛt, ɔ ha osa nde, ɔ nê hio wan-tom pɛ Sɔ: Ɔ ha yɔnga yini ha zang hio yeksamɔ, ha zang ngamɔ, nɛ ha zang ngɔtɛ.

Efeze 6:21

Tishike, ya ɔ ka ɔ ngoya pentɛ, wɛnɛ nê kpasa sɔy-tom pɛ ɔ ha wal tom pɛ *Kongawan. Yo nê wɛnɛ nɛ pɛa tɛ ka betɔ ha ɛnɛ kasi tɛ mi tuka nde, ɛnɛ aing mɔ ka mi de.

Filipe 2:20

Yo nê Timothée ndang sɔna, ka takiri mɔ hazu ɛnɛ nɛkpasa. Mi bo nɛ mbing wi tuka wɛnɛ na.

Filipe 2:22

Ɛnɛ ingɔ nɛdedea nde, Timothée ha dea mɔ nɛ mboazu. A gbakara mi ha tom yɛbhasa *Dede Wen gbesi tuka ka bem gbakiri nɛ bafa wa.

Filipe 3:16

Ngase mɔ fɛt, ɔ bhɔn ha dede liwal ka ɔ ndara gbo sising.

Kolose 2:19

Mbwa dol fin tɛ ha Christ na, ngase wɛnɛ nê zu *giliwi mɔ eglize. Wɛnɛ wesiri hio gbakɔtɛ wa gde ha may nɛ wal hio dokaratɛ wa, nɛ wɛnɛ day kilitɛ wa fɛt tuka nde, yo akpɔtɛ nɛ wala tuka Sɔ ngoya.

Kolose 3:16

Wen pɛ Christ ade le ha soko ɛnɛ hebhe. Ɛnɛ aosi mɔ ha may, nɛ ɛnɛ ambo may nɛ mbaramɔ fɛt. Ɛnɛ abe hio *gima pɛ David, hio gima lukisi Sɔ, hio gima ka tɛ nɛ wal *Nzɔy-Sɔtɛ nɛ sila ɛnɛ fɛt hazu ha oeba ha Sɔ.

Kolose 4:7

Tishike, ya ɔ ka ɔ ngoya pentɛ, betɔ kasi tɛ mi ha ɛnɛ fɛt. Wɛnɛ nê mboazu sɔy-tom pɔm ha tom pɛ *Kongawan.

1 Tesalonike 3:2

nɛ mɛ tomsi ya ɔ, Timothée, nɛ ha pɛ ɛnɛ. Wɛnɛ ha dea tom ha Sɔ hinɛ ɔ ha bulo *Dede Wen pɛ Christ. Ɔ tomsa wɛnɛ nde, wɛnɛ aha ngatɛ ha ɛnɛ nɛ mbo ɛnɛ ha wal mɛkara Christ.

1 Timothée 1:10

wan-de wanza, wei ka ɔnu hinɛ ma wa wei, wan-gdongi bala, wan-tɔ dalo, wan-kan wen dalo, nɛ wi ndɔng ka sungiri kpasa osamɔ.

1 Timothée 4:16

Mɛ pangay nɛ dungɔ pɛ mɛ, nɛ fin nɛ osamɔ pɛ mɛ. Mɛ azati ha yo nɛ nɔa nging. Hazu ka mɛ de mɛgi, mɛ bekpasisi tɛ mɛ, nɛ mɛ bekpasisi fin hio wi ndɔng ka ze mɛ.

1 Timothée 6:3

Hio ma wi ang ka osi ma mɔ nɛtɛ, ka lɛm may ngase nɛ hio kpasa wen pɛ *Kongawan pɛ ɔ, Jésus-Christ, ngase nɛ osamɔ hazu dea tom Sɔ na.

2 Timothée 1:6

Yo nê hazu ɛngi, mi gba tazu mɛ nde, ngatɛ ka Sɔ haa ha mɛ nɛ wal gdea kɔ mi ha zu mɛ, mɛ tunsi yo nɛ mbinga fin.

2 Timothée 3:10

Ma, pɛ mɛ, mɛ naka pata osamɔ pɔm, deamɔ pɔm, bhekamɔ pɔm, mɛkaramɔ pɔm, baa sila pɔm, ngoy pɔm, nɛ yikosila pɔm.

2 Timothée 4:3

Hazu ma ngimɔ behɔ ka hio wi ngoy ze fin kpasa osamɔ na. Mbwa bede sɔna nɛ mɔ ka sila mbwa ngoya, nɛ mbwa bewesiri hio dɔka wan-osimɔ, ka beosi mɔ ka dung nɛ yefaa ha zala mbwa.

Tite 2:1

Ma, pɛ mɛ, mɛ osi mɔ ka lɛm nɛ kpasa osamɔ ha wal mɔ Sɔ.

1 Pierre 2:2

Tuka hio nzɔri bem ka dung nɛ wɔ li bele swe fɛt, ɛnɛ adung nɛ wɔ wen pɛ Sɔ. Ɛnɛ ade mɛgi tuka nde, mɛkaramɔ pɛ ɛnɛ akpɔtɛ, nɛ Sɔ akpasisi ɛnɛ.

2 Jean 1:9

Wi fɛt ka pam osamɔ pɛ Christ na, mana ka gde ma mɔ nɛtɛ ha zua, tili wi mɛgi bo ha dea sɔy hinɛ Sɔ na. Ma, wi ka pam osamɔ pɛ Christ, tili wi mɛgi ha dea sɔy hinɛ Sɔ, Bafa, nɛ hinɛ Bewei pɛa.

Jude 1:5

Mi ingɔ nde, ɛnɛ ingɔ mɔ ndɔng fɛt. Ma, mi ngoya gba tazu ɛnɛ nde, ngase ka Sɔ kpasasa kandɔ *Israel gbo ha kandɔnu Ezipte, nɛ pata, wɛnɛ gbɛa wi ndɔng ka kafa mɛkara wɛnɛ.