1 Timothée 4:4 - Takarata pɛ Sɔ Mbombe Mbon

⁴ Hio mɔ fɛt ka Sɔ dea, yo nɛ dedea. Ka ɔ abhɛsiri ma mɔ na. Lɛma sɔna nde, ɔ aba yo nɛ tɔa oeba ha Sɔ.

1 Timothée 4:4 ပူးပေါင်းရင်းမြစ်များ

Deamɔ 10:15

Gɛl ɛngɛ wolamɔ mɔ zebwa ha wɛnɛ nɛ tɔa: «Mɔ ka Sɔ sasasa kari, ka mɛ azɔk yo tuka mɔ nzing fin na!»

Deamɔ 15:29

Ɛnɛ azim sari, ka ɛ haa nɛ sadaka ha hio gbele sɔ. Ka ɛnɛ ayɔng tɔk sari na. Ɛnɛ azim fin sari ka tɔktɛ wa tɛ sɛ fɛt na. Ka ɛnɛ ade wanza na. Ka ɛnɛ pama mɔ ndɔng, ɛnɛ bede mɔ nɛdedea. Ɔ fana ɛnɛ fɛt.»

Deamɔ 21:25

Pɛ hio wi ndɔng, ka mɛkara Jésus, nɛ ka bo nê zuife na, ɔ kpoa zuwen kari. Ɔ ngɛraka takarata ha mbwa nde, mbwa azim sari, ka ɛ haa nɛ sadaka ha hio gbele sɔ. Nde, ka mbwa ayɔng tɔk sari na. Nde, mbwa azim sari ka tɔktɛ wa tɛ sɛ fɛt na. Nɛ nde, ka mbwa ade wanza na.»

Rome 14:14

Nɛ wal sɔy ka mi de hinɛ *Kongawan Jésus, mi ingɔ nɛdedea fɛt nde, yɔngamɔ ndang bo nɛ nzing ha li Sɔ na. Ma, ka ma wi takiri pɛa nde, ma tili yɔngamɔ nɛ nzing ha li Sɔ, yɔngamɔ ɛngɛ tɛ bo nɛ nzing ha li wia.

Rome 14:20

Ka mɛ agdangsi tom pɛ Sɔ ha wen yɔngamɔ na. Kpasawen, ma yɔngamɔ ka de nde, wi adung nɛ nzing ha li Sɔ ndang bona. Ma, yo nɛ gdangaa mɛ yɔng ma mɔ, ka teksi ma wi ha wal mɔ Sɔ.

Rome 14:6

Wi ka takiri nde, ma swe nɛ zioa pen mbinga, a de mɛgi hazu lukisi Kongawan. Wi ka yɔng tili yɔngamɔ fɛt, a tɔ oeba ha Sɔ hazua, nɛ wɛnɛ ha yɔnga yo hazu lukisi Kongawan. Wi ka zim hio ma tili yɔngamɔ, a de ka fin mɛgi gbesi hazu lukisi Kongawan, nɛ wɛnɛ fin ha tɔa oeba ha Sɔ.

1 Korente 10:23

Hio ma wi ha tɔa: «Mi lɛma mɛ de mɔ fɛt tuka mi ngoya.» Ma, yo bo nê mɔ fɛt ka de dedemɔ ha tɛ wi na. Mi lɛma mɛ de mɔ fɛt, ma, yo bo nê mɔ fɛt ka gbakiri *giliwi mɔ eglize na.

1 Korente 10:25

Ɛnɛ lɛma mɛ yɔng hio sari fɛt ka hio wi gdongi ha zando. Ka ɛnɛ a-ani nde, mana ɛ haa yo nɛ sadaka ha gbele sɔ, na. Mɛgi ingɔmɔ sila pɛ ɛnɛ bedung nɛ gaa.

1 Korente 10:26

Hazu, takarata pɛ Sɔ tɔa: «Nu nɛ mɔ fɛt ka dung ha zua, yo nê pɛ *Kongawan.»

1 Korente 10:30

Mi tɔ oeba ha Sɔ hazu yɔngamɔ ka mi yɔng. Mɛgi, ma wi lɛma mɛ tɔ gdanga lingtɛ mi hazu mɔ ka mi tɔa oeba hazua, mɛng?

1 Timothée 4:3

Mbwa beha nu ha hio wi nde, mbwa asi may na, nɛ nde, mbwa azim hio ma yɔngamɔ. Ma, hio wi ka mɛkiri Christ, nɛ ka ingɔ tɛwen, mbwa lɛma yɔng yɔngamɔ ndɔng, hazu Sɔ dea yo nde, mbwa ayɔng yo nɛ tɔa oeba ha wɛnɛ.