1 Timothée 4:3 - Takarata pɛ Sɔ Mbombe Mbon

³ Mbwa beha nu ha hio wi nde, mbwa asi may na, nɛ nde, mbwa azim hio ma yɔngamɔ. Ma, hio wi ka mɛkiri Christ, nɛ ka ingɔ tɛwen, mbwa lɛma yɔng yɔngamɔ ndɔng, hazu Sɔ dea yo nde, mbwa ayɔng yo nɛ tɔa oeba ha wɛnɛ.

1 Timothée 4:3 ပူးပေါင်းရင်းမြစ်များ

Matthieu 14:19

Hapata a haa nu nde, hio wi fɛt adungnu ha zu ndungulu. A kuo mampa ndɔng mɔrkɔ nɛ kɔyɔ bwa. A guoli ha ngɔn nɛ wola dede wen ha zua. A gbinɔ yo ha hio wan-yambimɔ nɛ mbwa kapana yo ha giliwi.

Matthieu 15:11

Mɔ ka le nu wi, de nzing ha tɛ wa na. Ma, yo nê mɔ ka gbo ha nu wi, ka de nzing ha tɛ wa.»

Matthieu 15:36

Hapata a baa hio mampa mɔrkɔ zanga bwa nɛ hio kɔyɔ ndɔng. A lukoso Sɔ hazua, nɛ a gbinɔ yo ha hio wan-yambimɔ, nɛ mbwa kapana yo ha hio giliwi.

Dede Wen hazu Jésus-Christ ka Luc ngɛraka 24:30

Hapata Jésus dungɔ ha tabolo hinɛ mbwa. A baa mampa, a wola dede wen ha zua nɛ gbinɔ yo ha mbwa.

Jean 6:23

Hio ma sɔngu guotɛ ha le Tiberiade nɛ hɔa sanga-sanga nɛ bhandi ka *Kongawan Jésus lukoso Sɔ ha zu mampa ka giliwi yɔnga.

Deamɔ 27:35

Hapata wen ndɔng, Paul baa mampa, nɛ lukoso Sɔ hazua ha li wi fɛt. A gbinɔ yo nɛ yɔnga.

Rome 14:17

Hazu, *Kongakandɔ pɛ Sɔ, yo zɔk wen yɔngamɔ nɛ nɔa mɔ na. Ma, yo zɔk wen dea nzengmɔ, gaamɔ, nɛ totɛ ka tɛ nɛ wal *Nzɔy-Sɔtɛ.

Rome 14:3

Wi ka yɔng tili yɔngamɔ fɛt, lɛma nde, ka wɛnɛ abhɛsiri wi ka zim hio ma tili yɔngamɔ na. Nɛ wi ka zim hio ma yɔngamɔ, ka wɛnɛ agɔn kita ha zu wi, ka yɔng tili mɔ fɛt na. Hazu Sɔ baa wia nɛ dede kɔ kari.

Rome 14:6

Wi ka takiri nde, ma swe nɛ zioa pen mbinga, a de mɛgi hazu lukisi Kongawan. Wi ka yɔng tili yɔngamɔ fɛt, a tɔ oeba ha Sɔ hazua, nɛ wɛnɛ ha yɔnga yo hazu lukisi Kongawan. Wi ka zim hio ma tili yɔngamɔ, a de ka fin mɛgi gbesi hazu lukisi Kongawan, nɛ wɛnɛ fin ha tɔa oeba ha Sɔ.

1 Korente 6:13

Nɛ hio ma wi ha tɔa fin: «Yɔngamɔ hazu zang, nɛ zang hazu yɔngamɔ.» Kpasawen, ma, Sɔ beyangili bin zang hinɛ yɔngamɔ fɛt. Nɛ tɛ wi, yo bo hazu de nɛ mɔ nyɛl na. Ma, tɛ wi nê pɛ *Kongawan, ka dung fin nê wan hazu tɛ wi.

1 Korente 7:28

Ma, ngase ka mɛ si bhoko, yo bo nê gdangamɔ na. Nɛ ka ma bezunga si wei, yo bo fin nê gdangamɔ na. Ma, ɛnɛ aing nde, hio wi ndɔng ka si may, mbwa bekpa yeksamɔ nɛdɔka ha nzan ɛngɛ. Nɛ mi ngoya nde, ɛnɛ akpɔy ha yeksamɔ ndɔng.

1 Korente 8:8

Yo bo nê yɔngamɔ ha de nde, ɔ atiki sanga nɛ Sɔ na. Ngase ka ɔ yɔng yo na, ɔ yɔsisi ma mɔ ndang ang na. Ngase ka ɔ yɔnga yo, ɔ kpa ma mɔ ndang ang na.

Kolose 2:16

Hazu ɛngi, ka ma wi ngoy gɔn kita ha zu ɛnɛ ha wen mɔ ka ɛnɛ yɔng nɛ ka ɛnɛ nɔ, mana ha wen hio ma yenga mɔ bɛlɛ, mana mɔ mbombe ze, mana mɔ *swe ɔmtɛ, ka ɛnɛ agde wal ha wɛnɛ ndang na.

Kolose 3:17

Nɛ mɔ fɛt ka ɛnɛ de, nɛ ka ɛnɛ wol, ɛnɛ ade yo nɛ ling Kongawan Jésus, nɛ ɛnɛ aha oeba ha Sɔ, Bafa, nɛ wal wɛnɛ.

1 Timothée 2:4

ka ngoya nde, hio wi fɛt akpasi nɛ ahɔ ha ingɔ tɛwen.

1 Timothée 4:4

Hio mɔ fɛt ka Sɔ dea, yo nɛ dedea. Ka ɔ abhɛsiri ma mɔ na. Lɛma sɔna nde, ɔ aba yo nɛ tɔa oeba ha Sɔ.

1 Timothée 5:14

Mɛgi, mi ngoya nde, mbwa asi ma mbing wei, mbwa abhɛ bem, nɛ mbwa apam twa nɛdedea. Yu nde, hio ngana pɛ ɔ betɛ kpa wal mɛ tɔ nɛ gdanga lingtɛ ɔ.

Hebro 13:4

Ɛnɛ aba wen sio may nɛ zioa. Ngase wei, ngase ko pɛa ade wanza na. Hazu Sɔ begɔn kita ba nɛ wi ndɔng ka de mɔ nɛtum-nɛtum, nɛ ka de wanza.

Hebro 13:9

Hio ma wi tɛ bo ha osa hio gɔn-gɛnɛ osamɔ nɛtɛ-nɛtɛ. Ka mbwa ayɔsisi ɛnɛ na. Nɛ dedea nde, sila ɛnɛ akpa ngatɛ nɛ wal *dede sila pɛ Sɔ, bo nɛ wal hio haanu hazu yɔngamɔ na. Hio wi ka de mɔ lɛm nɛ hio haanu ndɔng, tɛ kpa ma dedemɔ ndang ang na.