1 Timothée 4:16 - Takarata pɛ Sɔ Mbombe Mbon

¹⁶ Mɛ pangay nɛ dungɔ pɛ mɛ, nɛ fin nɛ osamɔ pɛ mɛ. Mɛ azati ha yo nɛ nɔa nging. Hazu ka mɛ de mɛgi, mɛ bekpasisi tɛ mɛ, nɛ mɛ bekpasisi fin hio wi ndɔng ka ze mɛ.

1 Timothée 4:16 ပူးပေါင်းရင်းမြစ်များ

Marc 13:9

«Ɛnɛ pangay nɛ tɛ ɛnɛ! Hio wi begde ɛnɛ bin ha kita, nɛ mbwa bezuri ɛnɛ nɛ zambala ha hio *twa gɔ Sɔ. Ɛnɛ beyol ha li hio gɔfɔrma nɛ ha li hio kongapora nde, mbwa agɔn kita ha zu ɛnɛ, hazu ɛnɛ mɛkara mi. Mɔ ndɔng beha ɛnɛ wal mɛ kɛ wen pɔm ha li mbwa.

Dede Wen hazu Jésus-Christ ka Luc ngɛraka 21:34

«Ɛnɛ pangay! Ka ɛnɛ apengi nɛ totɛ mɔ nzan nɛ nɔa dɔkɔ na. Nɛ fin, ɛnɛ adung nɛ nɔzang ha zu mɔ nzan na. Yu nde, yala ka mi betɛ, betɛ wang ɛnɛ

Deamɔ 26:22

Ma, Sɔ ha pama mi hɔ ha swe mɛsɛ, nɛ mi bhɔna ka ha bulo wen ha hio konga wi nɛ hio fabha wi gbesi. Hio *wan-tɔkuliwen hinɛ Moïse batɔ wen mɔ ka behɔ. Nɛ mi tɔ kanɛ ndangtɛ wen ɛngɛ nde,

Deamɔ 6:4

Pɛ ɔ, tuka mɔ sɔngsi, ɔ begde tɛ ɔ nɛ nɛting ha gɔa Sɔ nɛ ha tom bulo wen pɛ Sɔ.»

Rome 11:14

Mi ngoya nde, hio zuife, kandɔ pɔm, ade silamɔ tɛ hio olo kandɔ. Mɛgi, ka wal ang, mi bekpasisi hio ma ha soko mbwa nɛ wal silamɔ pɛ mbwa.

Rome 16:17

Hio ya mi, mi mbo ɛnɛ nde, ɛnɛ pangay nɛ hio wi ndɔng ka tɛ nɛ wen kɛtana soko, nɛ ka sungiri hio osamɔ ka ɛnɛ yamba. Mbwa ngoy yɔsisi wi ha dede wal mɔ Sɔ. Ɛnɛ sɔsi mbwa,

Rome 2:7

Hio wi ndɔng ka de dedemɔ nɛ yikosila tuka nde, mbwa akpa ha kɔ Sɔ lukosomɔ, *lɛkɛ-lɛkɛmɔ, nɛ tunɔ ka bebhɔn, Sɔ beha mbwa *tunɔ kpoo.

1 Korente 1:21

Ey, hio wi mɔ nzan nɛ wal mbaramɔ pɛ mbwa tɛ ing Sɔ na. Hazu, Sɔ nɛ mbaramɔ pɛa, zɔka nɛ dedea nde, wɛnɛ akpasisi hio wi ka mɛkara wɛnɛ nɛ wal bulowen pɛ ɔ, ka dung nê wen bili ha li hio olo wi.

1 Korente 9:22

Nɛ ka mi dung ha soko hio mɔka wi ha wal mɔ Sɔ, deamɔ pɔm ka fin tuka pɛ mbwa hazu nde, mbwa amɛkiri Christ. Ha soko hio wi fɛt, mi tɛ bo tuka mbwa ndang ndang fɛt nde, ka mi akpasisi hio ma ha soko mbwa.

1 Korente 9:27

Hazu ɛngi, mi bhɔngiri tɛ mi nɛngaya, nɛ mi gan zu tɛ mi nɛkpasa, yu nde, hapata bulo Dede Wen ha hio wi, Sɔ betɛ il mi yunɛ.

Efeze 4:14

Ha ngimɔ ɛngi ɔ lɛm dung fin tuka hio bhobem na. Hio wan-osimɔ nɛ likisi ka ngoy osili ɔ nde, ɔ alak dede wal gde, mbwa lɛm fesi ɔ tuka gbabok mana il ɔ tuka tongbasali fin na.

Kolose 4:17

Ɛnɛ tɔ ha Arshipe nde, wɛnɛ agbɛngsi tɛ hazu lɛmsiri nɛdedea tom ka Kongawan gdea ha kɔ wa.

1 Tesalonike 2:16

Ɔ ha bulo wen ha hio kandɔ ka bo nê zuife na, tuka nde, mbwa akpasi. Nɛ hio zuife ngoy mɛ dol ɔ. Mɛgi, mbwa bhɔna ka swe fɛt ha yɛbhasa gdangamɔ pɛ mbwa. Ma, sising, Sɔ ha dea ngambi sungiri mbwa.

1 Timothée 1:3

Mɛ abhɔn ka haki ha le Efeze, tuka mi mboa mɛ ha ngimɔ ka mi guotɛ mɛ nɛ ha kandɔnu Masedoane. Hazu, lɛma nde, mɛ agdɔki nu hio ma wi ka osi hio mɔ dalo hazu wal mɛkaramɔ.

1 Timothée 4:15

Mɛ agbɛngsi tɛ ha tom pɛ Sɔ, nɛ mɛ agde sila mɛ fɛt ha yo tuka nde, hio wi fɛt azɔk nde, mɛ ha kpɔatɛ nɛnɛ sɔngsi ha tom ɛngɛ.

1 Timothée 4:6

Ka mɛ osi mɔ ndɔng ki ha hio ya ha Jésus-Christ, mɛ bedung nê dede wan-tom pɛa. Deamɔ mɛgi beosi nde, mɛ ha daya tɛ mɛ nɛ wen mɛkaramɔ, nɛ fin nɛ dede osamɔ ka mɛ ndari.

2 Timothée 2:10

Hazu ɛngi, mi ha yɔnga yini ha mɔ fɛt tuka nde, hio wi ndɔng ka Sɔ weka, akpa *mɔkpasi ka Jésus-Christ bekpasisi nɛ mbwa. Mɛgi, mbwa fin bekpa *lɛkɛ-lɛkɛmɔ kpoo.

2 Timothée 3:14

Ka bo nê pɛ mɛ, mɛ bhɔn nɛ nɔa nging ha mɔ ka mɛ yamba, nɛ ka mɛ mɛkara nde, yo nê tɛwen. Hazu mɛ ingɔ wi ndɔng ka osa yo ha mɛ.

2 Timothée 4:2

mɛ abul wen pɛ Sɔ, nɛ mɛ abhɔn ha yo nɛ nɔa nging ha dede ngimɔ nɛ ha gdanga ngimɔ fin. Mɛ agbasi ha hio wi gdanga deamɔ pɛ mbwa, mɛ asɛn wen ha mbwa, nɛ mɛ ambo mbwa. Mɛ ade mɛgi nɛ wal osa mɔ Sɔ ha mbwa nɛ yikosila fɛt.

Tite 1:9

Wɛnɛ apam osamɔ ka wɛnɛ yamba hazu wen mɛkaramɔ. Mɛgi, a lɛma mbo hio wi nɛ wal dede osamɔ ɛngɛ, nɛ a lɛma gan zu hio wan-sungiri osamɔ pɛa.

Tite 2:15

Mɛ osi mɔ ndɔng ki ha hio wi, mɛ mbo mbwa, nɛ mɛ gay mbwa nɛ ziomɔ fɛt ka Sɔ haa ha mɛ. Ka ma wi ndang abhɛsiri mɛ na.

Tite 2:7

ha deamɔ pɛ mbwa fɛt. Pɛ mɛ, lɛma nde, ha zang mɔ fɛt, hio olo wi azɔk hio dede deamɔ pɛ mɛ hazu de nɛ pɛ mbwa. Wal ka mɛ osi nɛ mɔ adung nɛ zioa nɛ kpasa ha li wi.

Philémon 1:19

Mi, Paul, mi ngɛriki wen mɛgɛ nɛ tɛ kɔ mi nde, mi bekpe yo fɛt ha mɛ. Ma, mi nê bafa mɛ ha wal mɔ Sɔ. Mɛgi, bo nê tunɔ pɛ mɛ fɛt dung tuka yamando pɔm ha kɔ mɛ, na nde?

Hebro 12:15

Ɛnɛ pangay yu nde, ma wi betɛ kɔpi *dede sila ka Sɔ de ha tɛ hio wi. Nɛ ɛnɛ pangay fin yu nde, ma wi ha soko ɛnɛ betɛ dung tuka panga te, ka kpɔtɛ nɛ bhunziki sila hio dɔka wi nɛ wal gdanga yina pɛa.

Hebro 13:9

Hio ma wi tɛ bo ha osa hio gɔn-gɛnɛ osamɔ nɛtɛ-nɛtɛ. Ka mbwa ayɔsisi ɛnɛ na. Nɛ dedea nde, sila ɛnɛ akpa ngatɛ nɛ wal *dede sila pɛ Sɔ, bo nɛ wal hio haanu hazu yɔngamɔ na. Hio wi ka de mɔ lɛm nɛ hio haanu ndɔng, tɛ kpa ma dedemɔ ndang ang na.

Jacques 5:20

ɛnɛ aing nde, wɛnɛ ka kiforo wi ka yɔamɔ, kpasasa tunɔ pɛ *wan-de gdangamɔ ɛngɛ ha fio. Nɛ hazu deamɔ mɛgi, Sɔ bebisi hio *sɛmbɔ nɛdɔka.