1 Timothée 1:4 - Takarata pɛ Sɔ Mbombe Mbon

⁴ Mɛ tɔ ha mbwa nde, mbwa akafi mɛ ze hio to ndɔng nɛ hio wen bɔya pɛl nam pɛ hio gasa ngbabafa. Hio mɔ ndɔng dak nɛ siokafɛ pi ha nu nɛgbelea. Ma, dede wal ka Sɔ bhɔngara mɛ kpasisi nɛ wi, mbwa being yo sɔna nɛ wal mɛkaramɔ.

1 Timothée 1:4 ပူးပေါင်းရင်းမြစ်များ

2 Korente 1:12

Mɔ ka ɔ lɛma mɛ sutɛ hazua, yo nê ɛngɛ: Ɔ ingɔ ha zang sila ɔ nde, ha bhandi fɛt ka ɔ yala ang ha nzan, nɛ pen mɔ fɛt ha soko ɛnɛ, ɔ dungɔ nɛ mɛndi nɛ saa sila ka tɛ nɛ wal Sɔ. Ɔ tɛ dung mɛgi nɛ wal mbaramɔ pɛ wi na, ma, nɛ wal *dede sila pɛ Sɔ.

Efeze 3:2

Ɛnɛ zea kari nde, Sɔ haa mi tom mɛ tɔ ha ɛnɛ wen *dede sila pɛa, ka wɛnɛ de ha tɛ ɛnɛ.

1 Timothée 3:16

Wen mɛkaramɔ ka Sɔ gbasa, yo nê gasa mɔ pentɛ, siokafɛ bona. Wen ɛngɛ nde: Christ yola tɛ wi, nɛ *Nzɔy-Sɔtɛ gbasa nde, wɛnɛ nê *nzeng wi. Hio *telenge zɔka wɛnɛ, nɛ ɛ bulo wen tɛ wa ha hio kandɔ. Hio wi mɔ nzan mɛkara wɛnɛ, nɛ Sɔ guo wɛnɛ ha ngɔn gde ha lɛkɛ-lɛkɛ bhandi.

1 Timothée 4:7

Hio ngbundu to ka lɛm nɛ mɛkaramɔ na, mɛ mul yo pi. Ma, mɛ de nɛ ngatom hazu dung nɛ mboazu ha wal mɔ Sɔ.

1 Timothée 6:11

Ma, mɛ ka dung nê wi pɛ Sɔ, mɛ sɔsi mɔ ndɔng ki fɛt. Mɛ ki wal mɛ dung nzeng nɛ mboazu ha li Sɔ. Mɛ bhɔn ka ha mɛkara Christ, mɛ ngoy ma mɛ, mɛ dung nɛ yikosila, nɛ fin nɛ gaa sila.

1 Timothée 6:20

Timothée, mɛ pam mɔ ka Sɔ gdea ha kɔ mɛ, nɛdedea. Mɛ kafi hio ngbundu wolamɔ ka sungiri Sɔ, nɛ hio zanga wen ka ɛ sa nɛ tum nde, ingɔmɔ.

2 Timothée 2:14

Mɛ gba tazu hio wi fɛt nɛ wen ndɔng ki. Mɛ ha nu ha mbwa ha li Sɔ nde, ka mbwa amɔy hazu hio tum wen na. Mɔya mɛgi lɛm gbakiri wi na, ma, yo bebhondisi nɛ wi ndɔng ka ze yo.

2 Timothée 2:22

Mɛ ayu hio hɛl ka ba sila pɔlɔmbɔ wi. Mɛ ki wal mɛ de mɔ nzeng, mɛ mɛkiri Christ nɛkpasa, mɛ ngoy ma mɛ, nɛ mɛ dung nɛ gaamɔ hinɛ wi ndɔng ka gɔ Kongawan nɛ saa sila.

2 Timothée 2:23

Ka mɛ api nu mɛ ha zanga hio yera tum wen na, hazu mɛ ingɔ nde, zanga wen mɛgi bedak wi pi ha mɔya.

2 Timothée 4:4

Mbwa begdɔki zala ha tɛwen, nɛ mbwa bezifili tɛ hazu lɛngi zala ha hio yera towen.

Tite 1:1

Yo nê mi, Paul, wan-tom pɛ Sɔ nɛ *wan-nɛtom pɛ Jésus-Christ, ka ngɛriki takarata ɛngɛ. Sɔ tomsa mi mɛ bul wen pɛa ha wi ndɔng ka wɛnɛ weka bingiri, tuka nde, mbwa amɛkiri wɛnɛ, nɛ nde, mbwa aing tɛwen ka osi wal mɛ ndari Sɔ.

Tite 1:14

Lɛma nde, ka mbwa alɛngi fin zala mbwa ha hio to pɛ hio zuife na, nɛ nde, mbwa akarsi mɛ ndari hio *mbonga pɛ wi ndɔng ka gdea gdong ha tɛwen.

Tite 3:9

Ka hio wi ha zanga yera wen hazu pɛl nam pɛ hio gasa ngbabafa ɔ, mana mbwa ha mɔya hazu wen *mbonga pɛ Moïse, ka mɛ api nu mɛ ang na. Ɛ ndɔng ki nê hio gombo wen ka lɛm gbakiri wi na.

Hebro 13:9

Hio ma wi tɛ bo ha osa hio gɔn-gɛnɛ osamɔ nɛtɛ-nɛtɛ. Ka mbwa ayɔsisi ɛnɛ na. Nɛ dedea nde, sila ɛnɛ akpa ngatɛ nɛ wal *dede sila pɛ Sɔ, bo nɛ wal hio haanu hazu yɔngamɔ na. Hio wi ka de mɔ lɛm nɛ hio haanu ndɔng, tɛ kpa ma dedemɔ ndang ang na.

2 Pierre 1:16

Ɔ batɔ wen ha ɛnɛ sɔngsi hazu tɛa pɛ *Kongawan pɛ ɔ, Jésus-Christ, ha zang ziomɔ pɛa. Ɔ tɛ tɔ hio to ka tɛ nɛ wal mbaramɔ pɛ wi na, ma, ɔ zɔka gasa kongamɔ pɛa nɛ tɛ li ɔ.