1 Timothée 1:14 - Takarata pɛ Sɔ Mbombe Mbon

¹⁴ Kongawan pɛ ɔ, Jésus-Christ, dea *dede sila ha tɛ mi pentɛ: A haa mi mɛkaramɔ nɛ ngoy ka tɛ nɛ wal dea sɔy hinɛ wɛnɛ.

1 Timothée 1:14 ပူးပေါင်းရင်းမြစ်များ

Matthieu 20:9

Mɛgi wi ndɔng ka angara tom nɛ wal mbolo hɔa, nɛ mbwa fɛt kpaa mbɔli ka lɛm nɛ swe tom ndang.

Deamɔ 15:11

Ma, ɔ mɛkara nde, Sɔ kpasasa ɔ nɛ wal *dede sila pɛ *Kongawan Jésus gbesi tuka mbwa fin.»

Rome 16:20

Sɔ, wan-ha gaamɔ, tɛ bo sanga mɛ um *Satan ha si nanga ɛnɛ. Kongawan pɛ ɔ, Jésus, ade *dede sila ha tɛ ɛnɛ fɛt.

1 Korente 15:10

Ma, nɛ wal *dede sila pɛ Sɔ, mi tɛ bo nê wi ka ɛnɛ zɔk wɛnɛ sising. Nɛ dede sila ka wɛnɛ dea ha tɛ mi, yo bo nɛ gbelea na, hazu mi dea tom nɛ ngaya pen hio olo wan-nɛtom fɛt. Ma, yo bo nê mi nɛ tɛ mi ha de tom na, yo nê Sɔ nɛ wal dede sila pɛa ha tɛ mi.

1 Korente 3:10

Pɔm, mi dung tuka zɔma wan-bɛ twa. Mi bɛa nanga twa nɛdedea lɛm nɛ ngatɛ ka Sɔ haa ha mi. Nɛ sising, ma mbing wi tɛa tɛ bɛ twa ha zu nanga twaa. Lɛma nde, wi ndang ndang fɛt ka tongiri tom bɛa twaa, mbwa aba zu mbwa.

2 Korente 4:15

Mɔ ndɔng fɛt kpa may hinɛ ɔ hazu ɛnɛ, tuka nde, dɔka hio wi ka Sɔ de *dede sila ha tɛ mbwa ayɛbhi pen mɔ sɔngsi. Mɛgi, hio dɔka wi nɛnɛ beha oeba nɛ lukosomɔ ha Sɔ.

2 Korente 8:9

Ɛnɛ ingɔ nde, Kongawan pɛ ɔ, Jésus-Christ, ha dea dede sila pentɛ. Wɛnɛ ka badung nê wan-kpamɔ, tɛ bo nê fabha wi hazu ɛnɛ tuka nde, ɛnɛ atɛ hio wan-kpamɔ nɛ wal tɛa fabha wi pɛa.

Galasi 1:13

Ɛnɛ zea wen deamɔ pɔm ha ngimɔ ka mi bhɔna ka ha dea tom Sɔ nɛ wal ndɔki deamɔ pɛ hio *zuife. Ɛnɛ ingɔ nde, mi dungɔ ha namala hio *giliwi mɔ eglize pɛ Sɔ nɛngaya. Ey, mi dungɔ ha kio wal mɛ bhondisi mbwa.

1 Tesalonike 1:3

Ha li Sɔ, Bafa ɔ, tazu ɔ ha gbaa nɛ tom ka ɛnɛ de nɛ wal mɛkara Christ. Nɛ tazu ɔ ha gbaa nde, ɛnɛ ha gbɛngsa tɛ hazu ngoy may, nɛ nde, ɛnɛ ha gdea tazu ɛnɛ nɛ yikosila ha tɛ *Kongawan pɛ ɔ, Jésus-Christ.

1 Tesalonike 5:8

Ma, ka bo nê pɛ ɔ hinɛ ɛnɛ, ɔ nê hio wi mɔ gasa swe. Mɛgi, lɛma nde, ɔ adung ngɛlɛlɛ. Ɔ ayol mɛkaramɔ nɛ ngoy tuka koko mɔ bibulo ha mbanzi ɔ. Nɛ tuka ndutu bolo, ɔ ayol *mɔgdetazu ɔ nde, Sɔ bekpasisi ɔ.

1 Timothée 2:15

Tangere, ka hio bhoko bhɔn ha mɛkara Sɔ, ha ngoya hio ma mbwa, nɛ ha pama tɛ mbwa nɛ nzɔya nɛ mɛndi, Sɔ bekpasisi mbwa nɛ wal bhɛa bem.

1 Timothée 4:12

Ka ma wi abhɛsiri mɛ hazu mɛ bhɔna ka nê pɔlɔmbɔ wi na. Ma, dea nde, wolamɔ pɛ mɛ, deamɔ pɛ mɛ, ngoy pɛ mɛ, mɛkaramɔ pɛ mɛ, nɛ saa sila pɛ mɛ, adung nê wekamɔ hazu hio wi fɛt ka mɛkiri Christ.

1 Timothée 6:11

Ma, mɛ ka dung nê wi pɛ Sɔ, mɛ sɔsi mɔ ndɔng ki fɛt. Mɛ ki wal mɛ dung nzeng nɛ mboazu ha li Sɔ. Mɛ bhɔn ka ha mɛkara Christ, mɛ ngoy ma mɛ, mɛ dung nɛ yikosila, nɛ fin nɛ gaa sila.

2 Timothée 1:13

Dea nde, mɛ ade mɔ lɛm nɛ hio kpasa wen ka mɛ zea ha nu mi. Ha dea mɛgi, mɛ abhɔn ha zang mɛkaramɔ nɛ ngoy ka tɛ nɛ wal dea sɔy hinɛ Jésus-Christ.

2 Timothée 2:22

Mɛ ayu hio hɛl ka ba sila pɔlɔmbɔ wi. Mɛ ki wal mɛ de mɔ nzeng, mɛ mɛkiri Christ nɛkpasa, mɛ ngoy ma mɛ, nɛ mɛ dung nɛ gaamɔ hinɛ wi ndɔng ka gɔ Kongawan nɛ saa sila.

Tite 2:2

Mɛ tɔ ha hio koto wei nde, mbwa adung ngɛlɛlɛ, mbwa adung zio wi ha li wi fɛt, mbwa aba zu ha deamɔ pɛ mbwa, mbwa aba nɛ nɔa ha wal mɔ Sɔ, sila mbwa adon nɛ ngoy, nɛ mbwa adung nɛ yikosila.

1 Pierre 1:3

Ɔ alukisi Sɔ, Bafa mɛ *Kongawan pɛ ɔ, Jésus-Christ! A bhɛa ɔ nɛ mbombea nɛ wal kpasa *dede sila pɛa. A guo Jésus-Christ ha soko hio fiowi. Mɛgi, ɔ gde tazu ɔ nde, ɔ betun fin hinɛ wɛnɛ.

1 Jean 4:10

Ngoy nê ɛngɛ: Yo bo nê ɔ ha ngoy Sɔ na, ma, yo nê Sɔ ha ngoy ɔ. A tomsa Bewei pɛa tuka nde, wɛnɛ afe gɔn zu ɔ tuka sadaka, ka gu *sɛmbɔ pɛ ɔ yunɛ.

Gbasamɔ 22:21

Kongawan Jésus ade *dede sila ha tɛ ɛnɛ fɛt.