1 Pierre 5:8 - Takarata pɛ Sɔ Mbombe Mbon

⁸ Ɛnɛ dung ngɛlɛlɛ, nɛ fin gdungɛ-gdungɛ! Hazu ngana pɛ ɛnɛ, *Satan, ha yala zikiri ɛnɛ. Wɛnɛ dung tuka gbabio ka he mɔ hirr, nɛ ka ki wi mɛ gul pɛlɛm.

1 Pierre 5:8 ပူးပေါင်းရင်းမြစ်များ

Matthieu 13:39

Ngana ka pɛa gdanga pala, yo nê Satan. Ngimɔ bhi kpalmɔ, yo nê kpogio ngimɔ pɛ nzan ɛngɛ. Nɛ hio wan-bhi kpalmɔ, yo nê hio *telenge.

Matthieu 24:42

Mɛgi, ɛnɛ yang la, hazu ɛnɛ ing yala ka *Kongawan pɛ ɛnɛ betɛ nɛ na.

Matthieu 25:41

«Hapata, mi betɔ ha wi ndɔng ha gare mi: ‹Sɔ foma ɛnɛ. Mɛgi ɛnɛ pen hapɛtɛ mi le ha we ka beysi kpoo, ka Sɔ lɛa hazu *Satan hinɛ hio wan-tom pɛa.

Matthieu 4:1

Hapata *Nzɔy-Sɔtɛ ngbɔsa Jésus nɛnɛ ha kpɛnu tuka nde, Satan awe sila wa.

Matthieu 4:11

Hapata Satan laka wɛnɛ gde. Nɛ hio telenge hɔa nɛ dea tom ha Jésus.

Marc 4:15

Hio ma wi gbesi tuka liwal ka wen pɛ Sɔ teka ang. Ka mbwa ze wen pɛ Sɔ, *Satan tɛ, tɛ ku yo ha sila mbwa yunɛ.

Dede Wen hazu Jésus-Christ ka Luc ngɛraka 21:34

«Ɛnɛ pangay! Ka ɛnɛ apengi nɛ totɛ mɔ nzan nɛ nɔa dɔkɔ na. Nɛ fin, ɛnɛ adung nɛ nɔzang ha zu mɔ nzan na. Yu nde, yala ka mi betɛ, betɛ wang ɛnɛ

Dede Wen hazu Jésus-Christ ka Luc ngɛraka 21:36

Ɛnɛ ayang la nɛ ɛnɛ agɔ Sɔ nɛting, ka ɛnɛ akpa ngatɛ mɛ kpɔy ha hio yeksamɔ ka betɛ, nɛ ka ɛnɛ akpa ngatɛ mɛ yol ha li mi, *Bewei pɛ Wi.»

Dede Wen hazu Jésus-Christ ka Luc ngɛraka 22:31

«Simon, Simon, mɛ ze nɛdedea, Sɔ haa wal ha *Satan mɛ zɛk ɛnɛ tuka ka ɛ zɛk nɛ kpalmɔ.

Jean 8:44

Bafa ɛnɛ nê *Satan. Ɛnɛ ngoya kanɛ dea mɔ ka ha totɛ ha wɛnɛ. Angiri ha kudom mɔ, tom pɛa nê gbɛa hio wi kpoo. A ngoy tɛwen na, hazu ma mbuli tɛwen bo ha sila wa na. Ndɔkitɛ wa nê tɔa dalo, hazu wɛnɛ nê wan-tɔ dalo nɛ bafa mɛ tili dalo fɛt.

2 Korente 2:11

Mi dea mɛgi yu nde, *Satan betɛ osili ɔ nɛ gan zu ɔ. Ey, mɔ ka wɛnɛ ngoya mɛ de, ɔ ingɔ yo nɛdedea pentɛ.

Efeze 4:27

Ka ɛnɛ agde nde, *Satan agan zu ɛnɛ, na.

Efeze 6:11

Ɛnɛ kay hio mɔ-bibulo ka Sɔ ha ha ɛnɛ, tuka nde, ɛnɛ azati nɛ nɔa nging ha ngimɔ ka Satan besɛbhili ɛnɛ.

1 Timothée 2:15

Tangere, ka hio bhoko bhɔn ha mɛkara Sɔ, ha ngoya hio ma mbwa, nɛ ha pama tɛ mbwa nɛ nzɔya nɛ mɛndi, Sɔ bekpasisi mbwa nɛ wal bhɛa bem.

1 Timothée 2:9

Mi ngoya fin nde, hio bhoko ayol la nɛ wala, nɛ zioa, nɛ mɛndi. Ka mbwa ade zu mbwa nɛ wal suotɛ na. Ka mbwa ayol mɔ gbɛbolo, mana mɛtɛtɛ, mana la mɔ nga gɛnɛ na.

1 Timothée 3:11

Hio ko pɛ hio diakre fin, lɛma nde, mbwa adung nê hio zio wi, ka ba lingtɛ hio wi na. Mbwa agan zu tɛ mbwa, nɛ mbwa adung nɛ mboazu ha mɔ fɛt.

1 Timothée 3:2

Mɛgi yo lɛm nde, wi mɔ zu eglize adung nɛ ma wen ha zu wa na. Wɛnɛ adung nê wan-bhoko ndang sɔna. Wɛnɛ agan zu tɛ wa, wɛnɛ aba zu ha deamɔ pɛa, wɛnɛ aba tɛ wa nɛ zioa, wɛnɛ apam hio gɛnɛ nɛdedea, nɛ wɛnɛ aing osa mɔ ha hio wi nɛdedea.

2 Timothée 4:17

Ma, Kongawan lea gdong mi, nɛ a haa mi ngatɛ. Mɛgi, mi kpaa wal mɛ bul *Dede Wen lɛm fɛt, nɛ hio kandɔ fɛt zea yo. Ey, Kongawan gbosasa mi ha nu gbabio yunɛ.

Tite 1:8

Ma, wɛnɛ adung nê dede wan-pam gɛnɛwi, wan-de dedemɔ, wan-mbarimɔ, *nzeng wi, mboazu wi ha wal mɔ Sɔ, nɛ fin, wɛnɛ agan zu tɛ wa fɛt.

Tite 2:12

Nɛ wal dede sila pɛa, Sɔ osi mɔ ha ɔ nde, ɔ alak gdanga deamɔ nɛ hio wɔ mɔ nzan gde. Ha nzan ɛngɛ sising, lɛma nde, ɔ aba zu ha deamɔ pɛ ɔ, nɛ ɔ ade mɔ nzeng nɛ mboazu ha li Sɔ.

Tite 2:2

Mɛ tɔ ha hio koto wei nde, mbwa adung ngɛlɛlɛ, mbwa adung zio wi ha li wi fɛt, mbwa aba zu ha deamɔ pɛ mbwa, mbwa aba nɛ nɔa ha wal mɔ Sɔ, sila mbwa adon nɛ ngoy, nɛ mbwa adung nɛ yikosila.

Tite 2:4

Mbwa aosi ha hio pɔlɔmbɔ bhoko wal mɛ ngoy wei pɛ mbwa nɛ hio bem pɛ mbwa,

Tite 2:6

Gbesi, mɛ osi ha hio pɔlɔmbɔ wei nde, mbwa aba zu

Jacques 4:7

Mɛgi ɛnɛ hil nɛ mɛndi ha si Sɔ. Ɛnɛ zati ha li *Satan, nɛ wɛnɛ beyu ɛnɛ pen nɛyɛa.

1 Pierre 1:13

Hazu ɛngi ɛnɛ adung gdungɛ-gdungɛ hazu de tom pɛ Sɔ. Ɛnɛ adung ngɛlɛlɛ, nɛ ɛnɛ agde tazu ɛnɛ ha *dede sila ka Sɔ bede ha tɛ ɛnɛ, ha swe ka Jésus-Christ begbasi tɛ wa long.

1 Pierre 4:7

Sising, ngbɔla kanɛ bengimɔ tikiring nde, ka mɔ nzan fɛt akari. Hazu ɛngi, lɛma nde, ɛnɛ agan zu tɛ ɛnɛ, nɛ ɛnɛ adung ngɛlɛlɛ ha gɔa Sɔ.

Gbasamɔ 12:10

Hapata ɛngi, mi zea ma gasa gɛl ndang ha ngɔn ka tɔa: «Sising, ngimɔ ka Sɔ pɛ ɔ bekpasisi nɛ hio wi pɛa hɔa kari. Sising, wɛnɛ tɛ bo nê *kongapora nɛ ngatɛ. Sising, *Mesi pɛa gbasa ziomɔ pɛa. Hazu wan-fundi hio ya ɔ, ka fundi mbwa swe nɛ zɛ ha li Sɔ pɛ ɔ, ɛ pio wɛnɛ gbo ha zang ngɔn.

Gbasamɔ 12:12

Mɛgi, ngɔn nɛ hio wi ka de le ang, ɛnɛ ade totɛ! Ma, ngɔtɛ ha nu nɛ ha nana-litɔng, hazu Satan zilo nɛ ha pɛ ɛnɛ. Nɛ wɛnɛ nɛ gasa ngambi, hazu a ingɔ nde, yala pɛa dɔk fin na.»

Gbasamɔ 12:9

Ɛ pio wɛnɛ ha nu hinɛ hio telenge pɛa fɛt. Gasa ndibha ɛngɛ, wɛnɛ nê gɔk mɔ koto ngimɔ, ka ɛ sa nde, Gdanga Sɔ mana *Satan, wan-osili hio wi mɔ zu nu fɛt.

Gbasamɔ 20:10

Nɛ Satan ka baosili mbwa, ɛ pio wɛnɛ ha zang tɔ we ka ba we nɛ piti, ha ndangtɛ bhandi ka ngɔnzu hinɛ *wan-tɔkuliwen dalo dung ang. Haki mbwa bekpa yukotomɔ swe nɛ zɛ kpoo nɛ kpoo.

Gbasamɔ 20:2

Nɛ wɛnɛ baa ndibha, ka dung nê gɔk mɔ koto ngimɔ, ka ɛ sa nde, Gdanga Sɔ mana *Satan, nɛ wɛnɛ sanga ndibha ɛngɛ nɛ gbazɔbhɔ lɛm bɛlɛ tomay ndang.