1 Pierre 5:12 - Takarata pɛ Sɔ Mbombe Mbon

¹² Yo nê Silas, ya ɔ ha Christ, ha gbakiri mi hazu ngɛriki dɔ takarata ɛngɛ ha ɛnɛ. Mi zɔka nde, wɛnɛ nɛ mboazu ha wal mɔ Sɔ. Mi ngɛraka takarata ɛngɛ hazu ngasisi nɛ ɛnɛ, nɛ hazu gbasi long nde, Sɔ ha dea kpasa *dede sila ha tɛ ɛnɛ ha zang mɔ fɛt. Mɛgi, dea nde, ɛnɛ abhɔn nɛ nɔa nging ha dede sila pɛ Sɔ.

1 Pierre 5:12 ပူးပေါင်းရင်းမြစ်များ

Jean 21:21

Ka Pierre zɔka wɛnɛ, a ana Jésus: «Kongawan, pɛa, nge mɔ behɔ ha wɛnɛ ge?»

Deamɔ 11:23

Ka wɛnɛ hɔa, a zɔka nde, Sɔ dea *dede sila ha tɛ hio wi haki. A dea totɛ hazua pentɛ, nɛ a mboa mbwa fɛt nde, mbwa azati nɛ bhɔn nɛ mboazu ha li Kongawan.

Deamɔ 15:22

Hio wan-nɛtom, hio kotowi nɛ *giliwi mɔ eglize fɛt zɔka nɛdedea mɛ weki hio ma wi ha soko mbwa hazu tomsi ha Antioshe hinɛ Paul nɛ Barnabas. Mbwa weka Jude, ka ɛ sa nde Barsabas, nɛ Silas. Wi ndɔng bwa dungɔ nɛ zioa ha li mbwa.

Deamɔ 20:24

Ma, pɔm, mi zɔk tunɔ pɔm tuka gbelemɔ. Mi ngoya sɔna nɛa kanɛ kpogio nɛ lɛmsara tom ka Kongawan Jésus gdea ha kɔ mi. Yo nê tom bulo *Dede Wen nde, Sɔ ha dea *dede sila ha tɛ wi fɛt.

Rome 5:2

Ɔ mɛkara Jésus-Christ. Mɛgi, a gbosasa wal nde, Sɔ ade *dede sila ha tɛ ɔ. Nɛ sising, ɔ ha nɔa nging ha zang dede sila pɛa. Ɔ ha dea totɛ hazu *mɔgdetazu ɔ nde, Sɔ bekapini *lɛkɛ-lɛkɛmɔ pɛa hinɛ ɔ.

1 Korente 15:1

Sising, hio ya mi, mi ngoy gba tazu ɛnɛ nɛ *Dede Wen ka mi batɔ ha ɛnɛ. Ɛnɛ mɛkara yo, nɛ ɛnɛ bhɔna ka ha zua nging.

2 Korente 1:19

Mi, Silas nɛ Timothée, ɔ bulo wen hazu Jésus-Christ, *Bewei pɛ Sɔ, ha soko ɛnɛ. Nɛ wɛnɛ tɛ hɔ hazu tɔ «ey» nɛ «way» na. Ma, wen pɛa ka nê «ey» sɔna.

2 Korente 1:24

Ɔ ngoy dung tuka kongawan hazu mɛkaramɔ pɛ ɛnɛ na, hazu ɛnɛ tɛ bo nɛ nɔa nging ha wal mɛkara Christ kari. Ma, ɔ ngoya dung nê hio sɔy-tom pɛ ɛnɛ, ka ha totɛ ha ɛnɛ.

Efeze 3:3

Sɔ gbasa ha mi hio mɔ ka wɛnɛ babhɔngiri nɛ wuso. Mi ngɛraka hio ma bebe wen hazua sɔngsi ha zang takarata ɛngɛ kari.

Efeze 6:21

Tishike, ya ɔ ka ɔ ngoya pentɛ, wɛnɛ nê kpasa sɔy-tom pɛ ɔ ha wal tom pɛ *Kongawan. Yo nê wɛnɛ nɛ pɛa tɛ ka betɔ ha ɛnɛ kasi tɛ mi tuka nde, ɛnɛ aing mɔ ka mi de.

Kolose 1:7

Ɛnɛ bayambi Dede Wen ha nu Epafras, sɔy-tom pɛ ɔ, ka ɔ ngoya gdang. Wɛnɛ ha dea tom ha ɛnɛ tuka mboazu wan-tom pɛ Christ.

Kolose 4:7

Tishike, ya ɔ ka ɔ ngoya pentɛ, betɔ kasi tɛ mi ha ɛnɛ fɛt. Wɛnɛ nê mboazu sɔy-tom pɔm ha tom pɛ *Kongawan.

Kolose 4:9

Mi betomsi wɛnɛ hinɛ Onezime, wi pɛ ɛnɛ. Wɛnɛ nê mboazu ya ɔ, ka ɔ ngoya pentɛ. Mbwa bwa fɛt benɛ nɛ ba ha ɛnɛ kasi mɔ ka dung hakɛ.

1 Tesalonike 1:1

Yo nê mi, Paul, hinɛ Silas nɛ Timothée ha ngɛriki takarata ɛngɛ tomsi ha ɛnɛ, *giliwi mɔ eglize ha le Tesalonike. Ɛnɛ nê hio wi pɛ Sɔ, Bafa, nɛ pɛ *Kongawan Jésus-Christ. Mbwa ade *dede sila ha tɛ ɛnɛ, nɛ mbwa aha gaamɔ ha ɛnɛ.

2 Tesalonike 1:1

Yo nê mi, Paul, hinɛ Silas nɛ Timothée ha ngɛriki takarata ɛngɛ tomsi ha ɛnɛ, *giliwi mɔ eglize ha le Tesalonike. Ɛnɛ nê hio wi pɛ Sɔ, Bafa ɔ, nɛ pɛ *Kongawan Jésus-Christ.

Hebro 13:22

Hio ya mi, mi alnu ha ɛnɛ nde, ɛnɛ akonzi hio wen mbɔla ndɔng ha zang sila ɛnɛ. Hazu mi ngɛraka kanɛ dɔ wen ha ɛnɛ.

1 Pierre 1:13

Hazu ɛngi ɛnɛ adung gdungɛ-gdungɛ hazu de tom pɛ Sɔ. Ɛnɛ adung ngɛlɛlɛ, nɛ ɛnɛ agde tazu ɛnɛ ha *dede sila ka Sɔ bede ha tɛ ɛnɛ, ha swe ka Jésus-Christ begbasi tɛ wa long.

1 Pierre 4:10

Sɔ haa ɛnɛ ndang ndang fɛt hio tili ngatɛ nɛtɛ-nɛtɛ mɛ de nɛ hio tili tom nɛtɛ-nɛtɛ. Lɛma nde, ɛnɛ agbakiri may nɛ wal ngatɛ ndɔng tuka dede wan-tom.

2 Pierre 1:12

Yo nê ɛngi ka mi bebhɔn ha gbaa tazu ɛnɛ nɛ mɔ ndɔng swe fɛt, ngase ɛnɛ ingɔ yo kari, nɛ ngase ɛnɛ ha baa nɛ nɔa nging tɛwen ka ɛ osa ha ɛnɛ.

2 Pierre 2:15

Mbwa yɔamɔ lak nzeng wal pɛ Sɔ gde. Mbwa tɛ bo ha ndara wal pɛ Balaam, bewei pɛ Bosor, ka ngoya mɛ kpa mbɔli nɛ wal dea gdangamɔ.

3 Jean 1:12

Ka bo nê pɛ Demetrius, wi fɛt ha tɔa dede lingtɛ wa. Hio deamɔ pɛa ka lɛm nɛ tɛwen, ha tɔa ndangtɛ wen. Nɛ ɔ fin ha tɔa yo gbesi. Mɛ ingɔ nde, wen ka ɔ tɔ, yo nê tɛwen.

Jude 1:3

Hio ndɔngsila mi, mi dungɔ nɛ tɛ gasa hɛl mɛ ngɛriki takarata ha ɛnɛ hazu *mɔkpasi ka Sɔ kpasisi nɛ ɔ hinɛ ɛnɛ fɛt. Ma, mi zɔka nde, yo lɛma nde, mi angɛriki ha ɛnɛ hazu mbo ɛnɛ. Ɛnɛ mɛkara hio wen ka Sɔ gbasa ha hio nzɔy wi pɛa hireng. Mɛgi mi mbo ɛnɛ mɛ bi tumbɔ hazu pam hio wen ndɔng nɛ saa.