1 Pierre 4:9 - Takarata pɛ Sɔ Mbombe Mbon

⁹ Ɛnɛ aba may ha soko ɛnɛ nɛ dede kɔ, bo nɛ yimɔlɔmɔ na.

1 Pierre 4:9 ပူးပေါင်းရင်းမြစ်များ

Rome 12:13

Ɛnɛ gbakiri hio wi pɛ Sɔ ka mɔ kɔpa mbwa. Nɛ ɛnɛ ba hio gɛnɛ wi nɛ dede kɔ.

Rome 16:23

Gaius ka pam mi ha twa pɛa, nɛ ka *giliwi mɔ eglize fɛt wesiri may ang, fana ɛnɛ. Eraste wan-pam mbɔli le, nɛ ya ɔ, Kartus, fana ɛnɛ. [

2 Korente 9:7

Mɛgi, dea nde, wi ndang ndang fɛt aha mɔ tuka mbwa bheka ha sila mbwa. Ka ɛnɛ aha mɔ nɛ ngɔtɛ na, nɛ ka wi anɔsisi ɛnɛ nɔsisi na, hazu Sɔ ngoya nɛ wi ka ha mɔ nɛ totɛ.

Filipe 2:14

Ɛnɛ de hio tom pɛ ɛnɛ fɛt bo nɛ tɔatɛ mana nɛ siokafɛ na,

1 Timothée 3:2

Mɛgi yo lɛm nde, wi mɔ zu eglize adung nɛ ma wen ha zu wa na. Wɛnɛ adung nê wan-bhoko ndang sɔna. Wɛnɛ agan zu tɛ wa, wɛnɛ aba zu ha deamɔ pɛa, wɛnɛ aba tɛ wa nɛ zioa, wɛnɛ apam hio gɛnɛ nɛdedea, nɛ wɛnɛ aing osa mɔ ha hio wi nɛdedea.

Tite 1:8

Ma, wɛnɛ adung nê dede wan-pam gɛnɛwi, wan-de dedemɔ, wan-mbarimɔ, *nzeng wi, mboazu wi ha wal mɔ Sɔ, nɛ fin, wɛnɛ agan zu tɛ wa fɛt.

Philémon 1:14

Ma, mi ngoy de ma mɔ ndang na, hazu lɛma nde, mɛ amɛkiri yo sɔngsi. Mi ngoy nɔsisi mɛ hazu de dedemɔ na, ma, lɛma nde, mɛ ade yo nɛ wal *dede sila pɛ mɛ.

Hebro 13:16

Ka tazu ɛnɛ abisi nɛ dea dedemɔ nɛ dea ngay ha tɛ may na, hazu yo nê tili sadaka mɛgi ka ha totɛ ha Sɔ.

Hebro 13:2

Ka tazu ɛnɛ abisi nɛ baa hio gɛnɛ nɛ dede kɔ ha soko ɛnɛ na. Hazu nɛ wal baa hio gɛnɛ mɛgi, hio ma wi baba hio *telenge, ngase ka mbwa ing yo na.

Jacques 5:9

Hio ya mi, ka ɛnɛ andi may na, yu nde, Sɔ betɛ gɔn kita ha zu ɛnɛ. Zɔk, wan-gɔn kita tɛ bo sanga ha nutwa.