1 Pierre 4:4 - Takarata pɛ Sɔ Mbombe Mbon

⁴ Ma, sising, ɛnɛ bo fin ha dea sɔy hinɛ wi ndɔng ha dea mɔ nɛtum na. Yo nê ɛngi, ka mbwa yaksa, nɛ mbwa tɛ bo ha yaa ɛnɛ.

1 Pierre 4:4 ပူးပေါင်းရင်းမြစ်များ

Matthieu 23:25

«Ngɔtɛ ha ɛnɛ, hio wan-osi mbonga nɛ hio Farizien, wan-dambari! Hazu ɛnɛ ha sasasa gdong kɔpɔ nɛ gdong tasi pɛ ɛnɛ, ma, zanga dona nɛ mɔ ka ɛnɛ kpa nɛ wal zu nɛ nyalɔ.

Dede Wen hazu Jésus-Christ ka Luc ngɛraka 15:13

Ngimɔ tikiring hapata, bem ɛngɛ gdonga likɔ pɛa fɛt, nɛ baa mbɔlia si nɛ ha ma mbing kandɔnu nɛyɛa. Haki, a gdangsa kpaamɔ pɛa fɛt nɛ dea mɔ tum.

Deamɔ 13:45

Ka hio zuife zɔka dɔka giliwi, mbwa angara dea silamɔ. Mbwa kɛkara wen ha nu Paul nɛ mbwa fɛngsa wɛnɛ.

Deamɔ 18:6

Ma, ka hio zuife guotɛ sungiri nɛ wɛnɛ, nɛ ka mbwa fɛngsa wɛnɛ, a ngbɔa ngbabhuki la pɛa nɛ tɔa: «Ka ɛnɛ yɔa wal pɛ Sɔ, yo atek ha zu ɛnɛ nɛ pɛ ɛnɛ tɛ. Mi bo ha zanga na. Sising, mi benɛ ha pɛ hio mbing kandɔ.»

Rome 13:13

Ɔ ade mɔ nɛ wala, lɛm nɛ saamɔ gasa swe. Ka ɔ anɔ dɔkɔ nɛ ngurua na, ka ɔ ayɔng nɛ nɔ mɔ nɛ kang na, ka ɔ ade wanza mana ngon dua na, ka ɔ aki wen na, nɛ ka ɔ ade silamɔ na.

Efeze 5:18

Ka dɔkɔ ade ɛnɛ na, yu nde, ɛnɛ betɛ tɛ pofa wi ka de mɔ tum. Ma, ɛnɛ agde nde, *Nzɔy-Sɔtɛ adon sila ɛnɛ hɛrr.

1 Pierre 2:12

Dea nde, ɛnɛ ade mɔ nɛdedea ha soko hio *bhilo. Hio ma wi ang ka betɔ gdanga lingtɛ ɛnɛ nde, ɛnɛ nê hio *wan-de gdangamɔ. Lɛma nde, mbwa azɔk nɛ dedemɔ ka ɛnɛ de. Ɛngɛ benɔsisi mbwa mɛ lukisi Sɔ ha swe kita pɛa.

1 Pierre 3:16

Ɛnɛ atɔ yo nɛ mɔka sila, nɛ ɛnɛ aba hio wi ndɔng nɛ zioa. Dea nde, ingɔmɔ sila pɛ ɛnɛ adung nɛ saa. Tuka ɛngi, foy beba hio wi, ka tɔ gdanga lingtɛ ɛnɛ, nɛ ka ya ɛnɛ hazu ɛnɛ ha dea dedemɔ, ka Christ ngoya.

2 Pierre 2:12

Ma, hio wi ndɔng de mɔ nɛ wal multɛ tuka hio sari bɛlɛ, ka ɛ bhɛ mbwa nde, hio wi aba mbwa gbɛ. Mbwa ha fɛngsa hio mɔ ka mbwa ing na. Sɔ bebhondisi mbwa tuka hio sari bɛlɛ.

2 Pierre 2:22

Hio zɛngwen tɔ nde: «Tolo kiforo fin tɛ, tɛ yɔng ɔya pɛa.» Nɛ fin nde: «Nguru ka ɛ zosa, kiforo fin tɛ, tɛ bɛng tɛ wa ha zang mbɔlbhɔtɔ.» Mɔ ka hɔa ha tɛ hio wi ndɔng, yo osi nde, zɛngwen ndɔng nê tɛwen.

Jude 1:10

Hio wi ndɔng ha fɛngsa mɔ ka mbwa ing gotoa na. Ma, hio mɔ ndɔng, ka mbwa ingɔ dea yo nɛ wal multɛ tuka hio sari bɛlɛ, yo nê mɔ ndɔng fɛt ka bebhondisi mbwa.