1 Pierre 4:14 - Takarata pɛ Sɔ Mbombe Mbon

¹⁴ Ka hio wi ya ɛnɛ hazu ɛnɛ nê wi pɛ Christ, dea nde, ɛnɛ ade totɛ, hazu ha ngimɔ ɛngɛ *Nzɔy-Sɔtɛ pɛ Sɔ ka dung nɛ ngaya pen mɔ fɛt, bedung hinɛ ɛnɛ.

1 Pierre 4:14 ပူးပေါင်းရင်းမြစ်များ

Matthieu 5:11

«Totɛ ha ɛnɛ ka hio wi fɛngsi ɛnɛ, ka mbwa namili ɛnɛ, nɛ ka mbwa gɔn dalo gde ha nu ɛnɛ hazu ɛnɛ nê wi pɔm.

Matthieu 5:16

Mɛgi, dea nde, saamɔ pɛ ɛnɛ aba ha li hio wi fɛt tuka nde, mbwa azɔk dede deamɔ pɛ ɛnɛ, nɛ mbwa alukisi Bafa ɛnɛ ka dung ha kuso ngɔn.»

Dede Wen hazu Jésus-Christ ka Luc ngɛraka 6:22

Totɛ ha ɛnɛ ka hio wi besɛn ɛnɛ, nɛ ka mbwa bemul ɛnɛ pi, nɛ ka mbwa beya ɛnɛ nɛ fɛngsi ling ɛnɛ, hazu mi, *Bewei pɛ Wi.

Jean 15:21

Ma, mbwa bede mɔ ndɔng fɛt ha tɛ ɛnɛ, hazu ɛnɛ mɛkara mi, nɛ hazu mbwa ing wan-tomsi mi tɛnɛ na.

Jean 8:48

Hio *zuife kiforo wen ha Jésus: «Mɛ nê wi mɛ *Samari, ka dua ha zang wa. Ɔ tɔa tɛwen na nde?»

Jean 9:28

Mbwa yaa wɛnɛ nɛ mbwa tɔa: «Pɛ mɛ, mɛ nê wan-yambimɔ pɛa! Ma, pɛ ɔ, ɔ nê hio wan-yambimɔ pɛ Moïse.

Jean 9:34

Nɛ mbwa tɔa ha wɛnɛ: «Mɛ ka mɛ nê wan-de gdangamɔ angiri ha bhɛ pɛ mɛ, mɛ ngoya osi mɔ ha ɔ, nde?» Mɛgi, mbwa yinɔ wɛnɛ gbo ha twa gɔ Sɔ.

Deamɔ 13:45

Ka hio zuife zɔka dɔka giliwi, mbwa angara dea silamɔ. Mbwa kɛkara wen ha nu Paul nɛ mbwa fɛngsa wɛnɛ.

Deamɔ 18:6

Ma, ka hio zuife guotɛ sungiri nɛ wɛnɛ, nɛ ka mbwa fɛngsa wɛnɛ, a ngbɔa ngbabhuki la pɛa nɛ tɔa: «Ka ɛnɛ yɔa wal pɛ Sɔ, yo atek ha zu ɛnɛ nɛ pɛ ɛnɛ tɛ. Mi bo ha zanga na. Sising, mi benɛ ha pɛ hio mbing kandɔ.»

Deamɔ 28:22

Ma, ɔ ngoya ze hio takaramɔ pɛ mɛ. Hazu, ha bhandi fɛt, hio wi ha sungoro zugili ɛngɛ ka mɛ ha sokoa.»

Deamɔ 5:41

Hio wan-nɛtom pena ha li hio wan-kpo zuwen nɛ totɛ gdang hazu Sɔ zɔka mbwa tuka wi ka dung nɛ zioa mɛ kpa yeksamɔ hazu ling Jésus.

2 Korente 12:10

Mi nê mɔka wi, hio wi ha yaa mi, hio mɔ ha kɔpa mi, hio wi ha namala mi, nɛ hio yeksamɔ ha kpaa mi hazu mi nê pɛ Christ. Ma, mi nɛ totɛ ha zang mɔ ndɔng fɛt, hazu ka mi nɛ mɔkaa, mi nɛ ngatɛ.

2 Korente 4:10

Swe fɛt, tɛ ɔ ha kpaa ndangtɛ yimtɛ fio tuka Jésus bakpa, tuka nde, tunɔ pɛ Jésus agbasi fin tɛ ha tɛ ɔ.

2 Korente 4:16

Yo nê ɛngi, ka sila ɔ lɛm kati na. Nɛ ngase ka tɛ ɔ ha yɛmala tikiring-tikiring, tunɔ pɛ ɔ ka dung ha sila ɔ, ha kpaa ngatɛ swe nɛ swe.

Galasi 1:24

Mɛgi, mbwa lukoso Sɔ hazu mi.

Hebro 11:26

A ingɔ ha zang sila wa nde, ka hio wi bhɛsiri wɛnɛ tuka mbwa bhɛsiri nɛ *Mesi, ɛngi nɛ dedea pen nde, wɛnɛ akpa hio dedemɔ mɔ kandɔnu Ezipte. Moïse dea mɛgi, hazu wɛnɛ gdea li wa ha kɛamɔ, ka Sɔ bekɛ bin nɛ wɛnɛ.

Jacques 1:12

Totɛ ha wi ka dung nɛ yikosila ha zang sɛbhalamɔ. Hazu ka Sɔ zɔka nde, sɛbhalamɔ tɛ gan zu wa na, a beha wɛnɛ *tunɔ kpoo. Ɛngɛ nê kɛamɔ ka Sɔ gɔna nu mɛ ha ha wi fɛt, ka ngoya wɛnɛ.

Jacques 5:11

Hio wi ndɔng ka dung nɛ yikosila ha zang yeksamɔ, ɔ tɔ nde, mbwa nɛ totɛ. Ɛnɛ zea kasi yikosila pɛ Job. Nɛ ɛnɛ ingɔ wal ka Sɔ karsa yeksamɔ pɛa ha kpogioa. Ey, Kongawan ha dea ngay nɛ kobhe tɛ wi.

1 Pierre 2:12

Dea nde, ɛnɛ ade mɔ nɛdedea ha soko hio *bhilo. Hio ma wi ang ka betɔ gdanga lingtɛ ɛnɛ nde, ɛnɛ nê hio *wan-de gdangamɔ. Lɛma nde, mbwa azɔk nɛ dedemɔ ka ɛnɛ de. Ɛngɛ benɔsisi mbwa mɛ lukisi Sɔ ha swe kita pɛa.

1 Pierre 3:14

Totɛ ha ɛnɛ, ka ɛnɛ kpa yeksamɔ hazu ɛnɛ ha dea nzengmɔ. Ka ɛnɛ ayu ke hio wi na, nɛ ka sila ɛnɛ abhunziki na.

1 Pierre 3:16

Ɛnɛ atɔ yo nɛ mɔka sila, nɛ ɛnɛ aba hio wi ndɔng nɛ zioa. Dea nde, ingɔmɔ sila pɛ ɛnɛ adung nɛ saa. Tuka ɛngi, foy beba hio wi, ka tɔ gdanga lingtɛ ɛnɛ, nɛ ka ya ɛnɛ hazu ɛnɛ ha dea dedemɔ, ka Christ ngoya.

1 Pierre 4:16

Ma, ka ma wi kpa yeksamɔ hazu wɛnɛ nê wi pɛ Christ, ka foy ade wɛnɛ na. Ma, dea nde, wɛnɛ alukisi nɛ Sɔ hazu Sɔ gbala wɛnɛ nɛ ling Christ.

2 Pierre 2:2

Hio wi nɛdɔka bendari deamɔ tum pɛ mbwa. Nɛ hio wi befɛngsi kpasa wal mɛ ndari Sɔ pi nɛ mɔ ha mbwa.