1 Pierre 4:10 - Takarata pɛ Sɔ Mbombe Mbon

¹⁰ Sɔ haa ɛnɛ ndang ndang fɛt hio tili ngatɛ nɛtɛ-nɛtɛ mɛ de nɛ hio tili tom nɛtɛ-nɛtɛ. Lɛma nde, ɛnɛ agbakiri may nɛ wal ngatɛ ndɔng tuka dede wan-tom.

1 Pierre 4:10 ပူးပေါင်းရင်းမြစ်များ

Matthieu 20:28

Gbesi tuka ɛngi, mi, *Bewei pɛ Wi, mi tɛ tɛ nde, ka hio wi ade tom ha mi na. Ma, mi tɛa hazu de tom ha hio wi. Nɛ mi tɛa hazu ha tunɔ pɔm tuka mɔ gbosisi dɔka wi ha si bala pɛ gdangamɔ.»

Matthieu 24:14

Nɛ ɛ bebul *Dede Wen *Kongakandɔ pɛ Sɔ dam nzan fɛt tuka nde, hio wi mɔ hio kandɔ fɛt aze yo. Hapata, kpogio ngimɔ behɔ.»

Matthieu 24:21

Hazu ha ngimɔ ɛngi, hio wi bekpa gasa yeksamɔ ka pena hio tili yeksamɔ fɛt. Angiri ha ngimɔ ka Sɔ bade nɛ nzan kanɛ sising nɛ kanɛ kpoo, ma yeksamɔ tuka ɛngi tɛ hɔ na.

Matthieu 24:45

«Nge wan-tom ka dung nɛ mboazu nɛ ingɔmɔ ge nde? Yo nê wi kɛ ka wan pɛa begde wɛnɛ ha zu hio olo wan-tom pɛa, nɛ beha wɛnɛ tom mɛ kapini yɔngamɔ ha mbwa ha dede ngimɔ.

Matthieu 25:17

Wi ka kpaa lafu mbɔli bwa dea gbesi, nɛ wɛnɛ kpaa lafu mbɔli bwa gde ha zua.

Matthieu 25:44

Nɛ mbwa fin bekifiri wen ha mi: ‹Kongawan, ha nge swe ɔ zɔka mɛ nɛ wɔ, mana nɛ wɔ li, mana tuka gɔn-gɛnɛ wi, mana nɛ sɔngɛrɛ, mana nɛ zɛlɛ, mana ha twa zɔbhɔ, nɛ ɔ tɛ gbakiri mɛ na, ge nde?›

Marc 10:45

Hazu mi, *Bewei pɛ Wi, mi tɛ tɛ nde ka hio wi ade tom ha mi na. Ma, mi tɛa hazu de tom ha hio wi. Nɛ mi tɛa hazu ha tunɔ pɔm tuka mɔ gbosisi dɔka wi ha si bala pɛ gdangamɔ.»

Dede Wen hazu Jésus-Christ ka Luc ngɛraka 12:42

Kongawan kiforo wen: «Mi tɔa yo hazu wi fɛt ka dung tuka wan-tom ka dung nɛ mboazu nɛ ingɔmɔ. Wan pɛa begde wɛnɛ ha zu hio olo wan-tom, nɛ beha wɛnɛ tom mɛ kapini yɔngamɔ ha mbwa ha dede ngimɔ.

Dede Wen hazu Jésus-Christ ka Luc ngɛraka 19:13

Sɔngsi penaa, a saa hio ma wan-tom pɛa bhukɔ. Nɛ a haa mbwa lafu mbɔli ndang ndang fɛt nde, mbwa ade tonga nɛ yo kanɛ wɛnɛ pea.

Dede Wen hazu Jésus-Christ ka Luc ngɛraka 8:3

nɛ Jeanne ko pɛ Kuza, wan-pam mɔ pɛ Herode, nɛ Suzanne, nɛ hio ma dɔka bhoko fin. Hio bhoko ndɔng fɛt gbakara Jésus nɛ hio *wan-yambimɔ pɛa nɛ mɔ kɔ mbwa.

Rome 15:25

Ma, sising, mi ha nɛa ha Jérusalem mɛ gbakiri hio wi pɛ Christ haki.

Rome 15:27

Ey, mbwa kpoa zuwen mɛgi nɛ pɛ mbwa tɛ. Ma, kpasawen, mbwa nê wan-mbee pɛ hio wi pɛ Christ mɔ kandɔ *zuife. Hazu hio wi pɛ Christ mɔ hio olo kandɔ, kpaa dedemɔ ha kɔ *Nzɔy-Sɔtɛ nɛ wal mbwa. Mɛgi, lɛma ka lɛm nde, hio wi pɛ Christ mɔ hio olo kandɔ agbakiri fin mbwa nɛ mɔ kɔ.

1 Korente 15:10

Ma, nɛ wal *dede sila pɛ Sɔ, mi tɛ bo nê wi ka ɛnɛ zɔk wɛnɛ sising. Nɛ dede sila ka wɛnɛ dea ha tɛ mi, yo bo nɛ gbelea na, hazu mi dea tom nɛ ngaya pen hio olo wan-nɛtom fɛt. Ma, yo bo nê mi nɛ tɛ mi ha de tom na, yo nê Sɔ nɛ wal dede sila pɛa ha tɛ mi.

1 Korente 3:10

Pɔm, mi dung tuka zɔma wan-bɛ twa. Mi bɛa nanga twa nɛdedea lɛm nɛ ngatɛ ka Sɔ haa ha mi. Nɛ sising, ma mbing wi tɛa tɛ bɛ twa ha zu nanga twaa. Lɛma nde, wi ndang ndang fɛt ka tongiri tom bɛa twaa, mbwa aba zu mbwa.

1 Korente 4:7

Yo nê nge wi ka gdea mɛ nɛ gasaa pen hio mbinga, o nde? Mɔ ka dung ha kɔ mɛ, bo nê Sɔ haa yo ha mɛ nɛgbelea, na nde? Mɛgi, hazu ge mɛ ha suotɛ hazua ge nde? Hazu ge mɛ zɔka yo tuka mɔ ka mɛ tɛ kpa nɛgbelea na, ge nde?

2 Korente 6:1

Mɛgi, ɔ ka de tom hinɛ Sɔ, ɔ mbo ɛnɛ nde, ka ɛnɛ azɔk *dede sila ka Sɔ dea ha tɛ ɛnɛ tuka gbelemɔ na.

2 Korente 9:1

Ha wen haa mɔ ha hio wi pɛ Sɔ ha Jérusalem, mi lɛm yeksi tɛ mi mɛ ngɛriki mɔ ha ɛnɛ hazua na.

Efeze 3:8

Pɔm, mi nê bebe wi pen fɛt ha soko hio olo wi pɛ Sɔ. Ma, ngase ɛngi Sɔ dea dede sila ha tɛ mi nde, mi abul Dede Wen ha hio wi ka bo nê zuife na. Dede Wen ɛngɛ nde, mbwa lɛma kpa yɛbhɛ-yɛbhɛ kpaamɔ nɛ wal Christ.

Efeze 4:11

Yo nê wɛnɛ ka ha tili ngatɛ nɛtɛ-nɛtɛ ha hio wi. A haa ha hio ma mɛ dung *wan-nɛtom, ha hio ma mbinga mɛ dung *wan-tɔkuliwen, ha hio ma fin mɛ dung wan-bul *Dede Wen, nɛ ha hio ma mbinga fin mɛ dung *pasteur mana mɛ dung wan-osimɔ.

2 Timothée 1:18

Kongawan ade kobhe tɛ wa ha swe ka wɛnɛ bepe nɛ. Mɛ ingɔ nɛdedea nde, a dea dɔka tom ha mi ha le Efeze.

Tite 1:7

Lɛma nde, wan-pam *giliwi mɔ eglize adung nɛ ma wen ndang ha zu wa na, hazu wɛnɛ nê wan-pam mɔ pɛ Sɔ. Ka wɛnɛ adung nê wan-sutɛ na, wan-de ngambi na, wan-nguru dɔkɔ na, wan-bi tumbɔ na, nɛ fin, ka wɛnɛ aki mbɔli nɛ gdanga wal na.

Hebro 6:10

Sɔ bo nê wan-de kalbho-kalbho mɔ na. Mɛgi, tazu wa lɛm bisi nɛ tom nɛ ngoy pɛ ɛnɛ na. Ɛnɛ gbakara hio nzɔy wi pɛ Sɔ, nɛ ɛnɛ bhɔna ka ang. Ɛngi osi nde, ɛnɛ ha ngoya Sɔ.

1 Pierre 5:10

Nɛ wal dede sila pɛa, Sɔ saa ɛnɛ mɛ dung ha zang lɛkɛ-lɛkɛmɔ hinɛ Christ kpoo nɛ kpoo. Ɛnɛ ha kpaa yeksamɔ ha ma bebe ngimɔ sising. Ma, hapata Sɔ nɛ pɛa tɛ belɛmsiri ɛnɛ wɛɛ, nɛ a bengasisi ɛnɛ nɛ ngatɛ mɛ zati.

1 Pierre 5:12

Yo nê Silas, ya ɔ ha Christ, ha gbakiri mi hazu ngɛriki dɔ takarata ɛngɛ ha ɛnɛ. Mi zɔka nde, wɛnɛ nɛ mboazu ha wal mɔ Sɔ. Mi ngɛraka takarata ɛngɛ hazu ngasisi nɛ ɛnɛ, nɛ hazu gbasi long nde, Sɔ ha dea kpasa *dede sila ha tɛ ɛnɛ ha zang mɔ fɛt. Mɛgi, dea nde, ɛnɛ abhɔn nɛ nɔa nging ha dede sila pɛ Sɔ.