1 Pierre 3:21 - Takarata pɛ Sɔ Mbombe Mbon

²¹ Mbeng li ɛngɛ dung tuka li ka ɛ gdumso ɛnɛ ang nɛ ling Jésus-Christ. Ɛ tɛ gdumsi ɛnɛ ha li hazu kusi nzing ha tɛ ɛnɛ yunɛ na, ma, ɛ dea yo hazu ani Sɔ mɛ sasisi ingɔmɔ sila pɛ ɛnɛ. Ɛnɛ kpasa sising nɛ wal gdumso ɛnɛ ha li hazu Jésus-Christ guotɛ ha soko hio fiowi.

1 Pierre 3:21 ပူးပေါင်းရင်းမြစ်များ

Matthieu 28:19

Mɛgi ɛnɛ nɛ ha pɛ hio kandɔ fɛt. Nɛ ɛnɛ de tuka nde, mbwa atɛ wan-yambimɔ pɔm. Ɛnɛ gdumsi mbwa ha li nɛ ling Bafa mi, nɛ ling mi, Bewei pɛa, nɛ ling *Nzɔy-Sɔtɛ.

Marc 16:16

Wi ka bemɛkiri, nɛ ka ɛnɛ begdumsi wɛnɛ ha li, Sɔ bekpasisi wɛnɛ. Ma, wi ka mɛkiri na, kita beba wɛnɛ.

Jean 13:9

Nɛ Simon Pierre tɔa ha wɛnɛ: «Kongawan, ka bo mɛgi, ka mɛ afal sɔna nɛ nanga mi na. Ma, mɛ fal fin hio kɔ mi nɛ zu mi fɛt.»

Deamɔ 16:33

A kaya mbwa ha ndangtɛ ngimɔ nɛ zɛ nɛnɛ ha bhandi pɛa, nɛ a fala dalɛ pɛ mbwa. Nɛ sising mbwa gdumso wɛnɛ ha li nɛ ling Jésus, nɛ fin hio wi mɔ twa pɛa fɛt.

Deamɔ 2:38

Nɛ Pierre kiforo wen ha mbwa: «Ɛnɛ kifiri sila ɛnɛ, nɛ ɛnɛ ndang ndang fɛt, ɛnɛ tɛ, ka ɔ agdumsi ɛnɛ ha li nɛ ling Jésus-Christ. Mɛgi, Sɔ bebisi *sɛmbɔ pɛ ɛnɛ, nɛ a beha ɛnɛ Nzɔy-Sɔtɛ.

Deamɔ 22:16

Mɛ keri fin nɛ ge nde? Gutɛ mɛ, mɛ tɛ ka mi agdumsi mɛ ha li. Mɛ sa ling Jésus nɛ wɛnɛ bezosi *sɛmbɔ pɛ mɛ.›

Deamɔ 8:36

Ka mbwa boka ha liwal, mbwa hɔa ha nu ma li. Nɛ wi mɔ Etiopi tɔa ha Philippe: «Mɛ zɔk, ma li ga. Yo nê ge ka dol nde, mɛ agdumsi mi ha li nɛ ling Jésus ge nde?» [

Deamɔ 8:37

Philippe tɔa: «Ka mɛ mɛkara nɛ sila mɛ fɛt, mi lɛma gdumsi mɛ.» Nɛ a kɔa: «Ey, mi mɛkara nde, Jésus-Christ nê *Bewei pɛ Sɔ.»]

Rome 5:14

Ngase ɛngi, angiri ha ngimɔ pɛ Adam kanɛ ngimɔ pɛ Moïse, fio dungɔ tuka wan hazu hio wi fɛt mburr. Ngase wi ndɔng ka tɛ de gdangamɔ tuka pɛ Adam na, fio dungɔ ka ha gbɛa mbwa fin. Ndɔki deamɔ pɛ Adam nɛ pɛ Christ, ka ɛ kera tɛa pɛa, yo dung tuka pɛ gare nɛ pɛ wekɔ.

1 Korente 12:13

Ngase ɔ nê kandɔ *zuife mana olo kandɔ, ngase ɔ nê bala mana bele, yo nê ndanga *Nzɔy-Sɔtɛ ndang ka wesara ɔ gde tuka kilitɛ ndang nɛ wal gdumso ɔ ha li. Nɛ yo nê ndangtɛ Nzɔy-Sɔtɛ ɛngɛ ka don ha zang sila ɔ.

1 Korente 4:6

Hio ya mi, wen ka mi tɔa, yo nê wen hazu ɔ hinɛ Apolos. Mi ngoya nde, ɛnɛ ayambi mɔ ha zanga. Nɛ wal wen ɛngɛ, ɛnɛ lɛma mɛ ing goto zɛngwen, ka tɔ nde, «Ka mɔ ndang apen mɔ zang takarata na.» Mɛgi, ka ɛnɛ asutɛ hazu le nɛ gdong zu ma wi sungiri nɛ mbinga na.

2 Korente 1:12

Mɔ ka ɔ lɛma mɛ sutɛ hazua, yo nê ɛngɛ: Ɔ ingɔ ha zang sila ɔ nde, ha bhandi fɛt ka ɔ yala ang ha nzan, nɛ pen mɔ fɛt ha soko ɛnɛ, ɔ dungɔ nɛ mɛndi nɛ saa sila ka tɛ nɛ wal Sɔ. Ɔ tɛ dung mɛgi nɛ wal mbaramɔ pɛ wi na, ma, nɛ wal *dede sila pɛ Sɔ.

2 Korente 7:1

Hio ndɔngsila mi, hio gɔnanu ndɔng pɛ Sɔ, yo nê hazu ɔ. Mɛgi ɔ asasisi tɛ ɔ nɛ sila ɔ ha nzing mɔ fɛt. Ɔ ayu Sɔ nɛ gbɛngsi tɛ ɔ mɛ dung nê hio nzɔy wi pɛa ka lɛma wɛɛ.

Galasi 3:27

Ɛ gdumso ɛnɛ ha li tuka nde, ɛnɛ ade sɔy hinɛ Christ. Nɛ sising, ɛnɛ tɛ bo ha baa may hinɛ Christ.

Efeze 5:26

tuka nde, mbwa adung nɛ nzɔya. A sasasa mbwa nɛ wal li, ka ɛ gdumso mbwa ang, nɛ fin nɛ wal wen nu wa.

Kolose 2:12

Ha ngimɔ ka ɛ bagdumsi ɛnɛ ha li, ɛ gunɔ ɛnɛ hinɛ Christ gbesi. Nɛ ka ɛnɛ gboa ha si li, Sɔ guo ɛnɛ gbesi hinɛ wɛnɛ, hazu ɛnɛ gdea tazu ɛnɛ ha ngatɛ pɛ Sɔ ka guo Christ ha soko hio fiowi.

1 Timothée 1:5

Goto mɔ ka mi haa nu ha mɛ mɛgi, yo nde, hio wi pɛ Christ angoy hio ma mbwa nɛ ngoy ka tɛ nɛ wal saa sila, nɛ wal dede ingɔmɔ sila, nɛ wal mɛkaramɔ ka bo nɛ dambari na.

1 Timothée 6:12

Mɛ bi dede bulo ha wal mɔ Sɔ tuka nde, mɛ akpa *tunɔ kpoo tuka kɛamɔ. Sɔ saa mɛ hazu kpa yo ha ngimɔ ka mɛ kɛa wen mɛkaramɔ pɛ mɛ ha li hio dɔka wi.

Hebro 10:22

Wɛnɛ sasasa sila ɔ kari, ingɔmɔ sila pɛ ɔ bo fin nɛ nzing na, nɛ a zosa tɛ ɔ nɛ ngɛnza li. Hazu ɛngi, ɔ tiki nɛ hapɛtɛ Sɔ nɛ kpasa sila, ka dona don nɛ mɛkaramɔ.

Hebro 11:19

Abraham ingɔ nde, Sɔ nɛ ngatɛ mɛ tunsi Isaac ha fio. Mɛgi, yo dungɔ tuka nde, Isaac fea fe nɛ a guotɛ fin.

Hebro 13:18

Ɛnɛ gɔ Sɔ hazu ɔ. Ɔ ingɔ nɛdedea nde, ingɔmɔ sila pɛ ɔ nɛ saa, hazu ɔ ngoya de dedemɔ ha zang mɔ fɛt.

Hebro 9:14

Tuka mɔ dung mɛgi, bo nê tɔktɛ Christ nɛ ngaya pen tɔk sari na nde? Nɛ wal Nzɔy-Sɔtɛ ka dung kpoo, Christ kuo tɛ wa ha ha Sɔ tuka sadaka ka lɛma wɛɛ. Tɔktɛ wa besasisi ingɔmɔ sila pɛ ɔ tuka nde, ɔ ade hio tum mɔ fin na, ma, ɔ ade tom ha tunɔ Sɔ.

Hebro 9:24

Christ tɛ le ha nzɔy bhandi ɛngɛ ka hio wi dea na, hazu nzɔy bhandi ɛngɛ sɔna nê zizi kpasa nzɔy bhandi ha ngɔn. Ma, a lea ha ngɔn, haki wɛnɛ dung ha li Sɔ ha lea gdong ɔ.

1 Pierre 1:3

Ɔ alukisi Sɔ, Bafa mɛ *Kongawan pɛ ɔ, Jésus-Christ! A bhɛa ɔ nɛ mbombea nɛ wal kpasa *dede sila pɛa. A guo Jésus-Christ ha soko hio fiowi. Mɛgi, ɔ gde tazu ɔ nde, ɔ betun fin hinɛ wɛnɛ.

1 Pierre 3:16

Ɛnɛ atɔ yo nɛ mɔka sila, nɛ ɛnɛ aba hio wi ndɔng nɛ zioa. Dea nde, ingɔmɔ sila pɛ ɛnɛ adung nɛ saa. Tuka ɛngi, foy beba hio wi, ka tɔ gdanga lingtɛ ɛnɛ, nɛ ka ya ɛnɛ hazu ɛnɛ ha dea dedemɔ, ka Christ ngoya.