1 Pierre 2:7 - Takarata pɛ Sɔ Mbombe Mbon

⁷ Pɛ ɛnɛ ka mɛkara yo, ta ɛngɛ baa sila ɛnɛ pentɛ. Ma, pɛ hio wi ndɔng ka mɛkiri yo na, ɛ bangɛriki hazu mbwa ha zang takarata pɛ Sɔ: «Ta ka hio wan-bɛ twa mulo pi, yo tɛ bo nê ta tɔn ngbili twa.»

1 Pierre 2:7 ပူးပေါင်းရင်းမြစ်များ

Matthieu 21:42

Nɛ Jésus tɔa ha mbwa: «Ɛnɛ tɛ tɔl wen ɛngɛ ha takarata pɛ Sɔ na nde? ‹Ta ka hio wan-bɛ twa mulo pi, yo tɛ bo nê ta tɔn ngbili twa. Yo nê *Kongawan Sɔ ha de mɔ ndɔng mɛgi. Yo nê gasa *lɛkɛ-lɛkɛmɔ ha li ɔ!›

Dede Wen hazu Jésus-Christ ka Luc ngɛraka 2:32

Wɛnɛ nê saamɔ ka begbasi mɛ ha hio kandɔ ka tɛ ing mɛ na. Nɛ hazu wɛnɛ bedung *lɛkɛ-lɛkɛmɔ pɛ Israel, kandɔ pɛ mɛ.»

Dede Wen hazu Jésus-Christ ka Luc ngɛraka 2:34

Siméon wola dede wen ha zu mbwa, nɛ a tɔa ha Marie: «Dɔka wi ha Israel bekɔ nanga ha tɛ bem ɛngɛ tek, nɛ wɛnɛ begu hio ma mbinga nɛdɔka. Sɔ tomsa wɛnɛ mɛ gba tazu hio wi, ma mbwa bekafi wɛnɛ.

Dede Wen hazu Jésus-Christ ka Luc ngɛraka 20:17

Ma, Jésus gɛra mbwa gdoo, nɛ wɛnɛ tɔa: «Takarata pɛ Sɔ tɔa nde, ‹Ta ka hio wan-bɛ twa mulo pi, tɛ bo nê ta tɔn ngbili twa.› Ɛnɛ ingɔ gotoa nde?

Jean 4:42

Nɛ hio wi ndɔng tɔa ha bhoko ɛngɛ: «Sising, ɔ mɛkara wɛnɛ, bo sɔna hazu wen ka mɛ tɔa na, ma, hazu ɔ zea fin wɛnɛ nɛ pɛ ɔ tɛ. Mɛgi, ɔ ingɔ nde, wɛnɛ nê tɛ wan-kpasisi wi mɔ nzan.»

Deamɔ 26:19

«Mɛgi, *kongapora Agripa, mi tɛ de kpandele sungiri nɛ zizimɔ ɛngɛ ka zilo ha ngɔn tɛ na.

Rome 10:21

Ma, ka bo nê pɛ kandɔ *Israel, Sɔ batɔ: «Swe fɛt, nɛ sutole tee kanɛ mbolo, mi yafafa kɔ mi mɛ kpasisi kandɔ ɛngɛ. Ma, mbwa bhɔna ha dea kpandele, nɛ mbwa bhɔna ha sio kafɛ ha nu mi.»

Rome 15:31

Ɛnɛ gɔ Sɔ tuka nde, mi akpɔy ha kɔ hio zuife mɔ Judée, ka kafa mɛkara Christ. Ɛnɛ gɔ fin nde, hio wi pɛ Christ mɔ Jérusalem aba nɛ totɛ mɔ ka mi beku nɛnɛ haki.

2 Korente 2:16

Pɛlmɔ ɛngɛ beha fio ha wi ndɔng ka dung ha wal fio. Ma, yo beha tunɔ ha wi ndɔng ka Sɔ ngoy ha tunɔ. Mɛgi, yo nê nge wi ka lɛma mɛ de tom bulo wen tɛ Christ, o nde?

Kolose 2:10

Nɛ ɛnɛ kpaa tɛ kpasa tunɔ nɛ wal sɔy ka ɛnɛ de hinɛ Christ, ka dung nê wan hazu hio sɔtɛ gan zu mɔ nɛ hio nga sɔtɛ fɛt.

Tite 3:3

Hazu, ɔ fin, ɔ badung sɔngsi nê hio wi ka zu mbwa bona, nɛ wan-de kpandele, nɛ ɔ bayɔ nzeng wal pɛ Sɔ. Ɔ badung nê bala ha si tili golamɔ nɛ wɔ mɔ nzan. Ɔ bapensi tunɔ pɛ ɔ ha dea gdangamɔ nɛ silamɔ. Ɔ basɛn hio wi, nɛ mbwa basɛn fin ɔ.

Hebro 11:31

Nɛ wal mɛkara Sɔ, Rahab, bhoko-de wanza, baa nɛ dede kɔ hio wi ndɔng ka tɛa nɛ wuso tɛ mbari le Jéricho. Mɛgi, a tɛ fe hinɛ hio wan-de kpandele sungiri nɛ Sɔ na.

Hebro 4:11

Hazu ɛngi, ɔ agbɛngsi tɛ hazu le ha bhandi ɔmtɛ ɛngɛ. Nɛ ɔ pangay yu nde, ma wi ha soko ɔ betɛ kɔpi lea ha bhandi ɔmtɛ ɛngɛ nɛ wal dea kpandele gbesi tuka hio ngbabafa ɔ.

1 Pierre 1:8

Ngase ka ɛnɛ tɛ zɔk wɛnɛ nɛ gbali ɛnɛ na, ɛnɛ ngoya wɛnɛ. Nɛ ngase ka ɛnɛ zɔk wɛnɛ ha ngimɔ ɛngɛ sising na, ɛnɛ mɛkara wɛnɛ. Sila ɛnɛ dona nɛ lɛkɛ-lɛkɛ totɛ, ka pena zu ɛnɛ,

1 Pierre 2:4

Ɛnɛ tiki tɛ hapɛtɛ *Kongawan. Wɛnɛ nê ta ka dung nɛ zutunɔ. Hio wi kafa wɛnɛ, ma, Sɔ weka wɛnɛ hazu wɛnɛ baa sila wa pentɛ.

1 Pierre 2:8

Nɛ ɛ bangɛriki fin: «Ta ɛngɛ tɛ bo nê ta kɔ nanga, yo tɛ bo nê ta ka teksi hio wi pi ha nu.» Mbwa kɔa nanga ang tek, hazu mbwa kafa zea wen pɛ Sɔ. Sɔ babhɔngiri mɔ hazu mbwa mɛgi sɔngsi bhee.