1 Pierre 2:11 - Takarata pɛ Sɔ Mbombe Mbon

¹¹ Hio ndɔngsila mi, ɛnɛ ha nzan tuka hio gɔn-gɛnɛ wi. Mɛgi mi mbo ɛnɛ nde, ka ɛnɛ ade fin hɛl mɔ multɛ na, hazu yo ha bio bulo sungiri nɛ sɔtɛ ɛnɛ.

1 Pierre 2:11 ပူးပေါင်းရင်းမြစ်များ

Dede Wen hazu Jésus-Christ ka Luc ngɛraka 21:34

«Ɛnɛ pangay! Ka ɛnɛ apengi nɛ totɛ mɔ nzan nɛ nɔa dɔkɔ na. Nɛ fin, ɛnɛ adung nɛ nɔzang ha zu mɔ nzan na. Yu nde, yala ka mi betɛ, betɛ wang ɛnɛ

Deamɔ 15:20

Ma, ɔ ngɛriki sɔna ha mbwa nde, mbwa azim sari, ka ɛ haa nɛ sadaka ha hio gbele sɔ. Nde, ka mbwa ade wanza na. Nde, mbwa azim sari ka tɔktɛ wa tɛ sɛ fɛt na. Nɛ nde, ka mbwa ayɔng tɔk sari na.

Deamɔ 15:29

Ɛnɛ azim sari, ka ɛ haa nɛ sadaka ha hio gbele sɔ. Ka ɛnɛ ayɔng tɔk sari na. Ɛnɛ azim fin sari ka tɔktɛ wa tɛ sɛ fɛt na. Ka ɛnɛ ade wanza na. Ka ɛnɛ pama mɔ ndɔng, ɛnɛ bede mɔ nɛdedea. Ɔ fana ɛnɛ fɛt.»

Rome 12:1

Hio ya mi, Sɔ dea *dede sila ha tɛ ɔ, mɛgi mi mbo ɛnɛ nde, ɛnɛ aha tɛ ɛnɛ fɛt ha Sɔ tuka nzɔy sadaka ka dung nɛ tunɔ. Tili sadaka ɛngɛ ha totɛ ha wɛnɛ. Ɛngɛ nê tɛ kpasa wal pɛ ɛnɛ mɛ de tom Sɔ.

Rome 7:23

Mi mɛkara yo nɛ takaramɔ pɔm. Ma, mi zɔka ha zang tunɔ pɔm nde, ma mbing mbonga ang ka bi bulo sungiri nɛ yo. Mbing mbonga ɛngɛ, yo gdea mi tuka bala ha si gdangamɔ, ka dung ha tɛ mi.

Rome 8:13

Ka ɛnɛ de mɔ nɛ tɛ ɛnɛ, ɛnɛ befe. Ma, ka ɛnɛ gbɛ hio gdanga ndɔkitɛ ɛnɛ nɛ wal ngatɛ pɛ Nzɔy-Sɔtɛ, ɛnɛ bedung nɛ zutunɔ.

2 Korente 5:20

Hazu ɛngi, ɔ tɔ wen ha olo nu Christ. Sɔ nɛ pɛa tɛ mbo ɛnɛ nɛ wal wen nu ɔ. Mɛgi, nɛ ling Christ, ɔ ba nanga ɛnɛ nde, ɛnɛ agde Sɔ abhɔngiri mɔ ha soko wa hinɛ ɛnɛ.

2 Korente 6:1

Mɛgi, ɔ ka de tom hinɛ Sɔ, ɔ mbo ɛnɛ nde, ka ɛnɛ azɔk *dede sila ka Sɔ dea ha tɛ ɛnɛ tuka gbelemɔ na.

2 Korente 7:1

Hio ndɔngsila mi, hio gɔnanu ndɔng pɛ Sɔ, yo nê hazu ɔ. Mɛgi ɔ asasisi tɛ ɔ nɛ sila ɔ ha nzing mɔ fɛt. Ɔ ayu Sɔ nɛ gbɛngsi tɛ ɔ mɛ dung nê hio nzɔy wi pɛa ka lɛma wɛɛ.

Galasi 5:24

Hio wi pɛ Jésus-Christ gbɛa hio gdanga hɛl ndɔkitɛ mbwa fɛt ha getakate.

Efeze 2:19

Hazu ɛngi, ɛnɛ bo fin nê tombɔ mana gɔn-gɛnɛ wi na. Ɛnɛ tɛ bo nê hio bele mɔ nzɔy kandɔ pɛ Sɔ. Nɛ ɛnɛ tɛ bo nê hio wi mɛ zang twa pɛ Sɔ.

Efeze 4:1

Mi, ka dung ha twa zɔbhɔ hazu mi ha dea tom ha *Kongawan, mi lokitɛ ha ɛnɛ nde, deamɔ pɛ ɛnɛ alɛm nɛ sala pɛ Sɔ ka wɛnɛ saa nɛ ɛnɛ mɛ dung hio wi pɛa.

2 Timothée 2:22

Mɛ ayu hio hɛl ka ba sila pɔlɔmbɔ wi. Mɛ ki wal mɛ de mɔ nzeng, mɛ mɛkiri Christ nɛkpasa, mɛ ngoy ma mɛ, nɛ mɛ dung nɛ gaamɔ hinɛ wi ndɔng ka gɔ Kongawan nɛ saa sila.

Hebro 11:13

Hio wi ndɔng fɛt badung ka ha mɛkara Sɔ tee kanɛ mbwa fea. Pɛ mbwa, mbwa tɛ kpa hio mɔ ka Sɔ bagɔn nua na. Ma, mbwa zɔka yo nɛ yɛa, nɛ mbwa dea totɛa. Mbwa batɔ se long nde, mbwa ka nê hio gɔn-gɛnɛ wi nɛ hio tombɔ ha zu nu ɛngɛ.

Hebro 6:9

Ma, pɛ ɛnɛ, hio ndɔngsila ɔ, ngase ka ɔ tɔ wen mɛgi ha ɛnɛ, ɔ ingɔ nde, ɛnɛ ha ndara dede wal ka Sɔ bekpasisi nɛ ɛnɛ ang.

Jacques 4:1

Goto mɔya nɛ tumbɔ ka dung ha soko ɛnɛ, yo gutɛ ha ndɔ tɛnɛ ge nde? Yo tɛ nɛ wal gdanga golamɔ pɛ ɛnɛ ka bi bulo ha tɛ ɛnɛ.

1 Pierre 1:1

Yo nê mi Pierre, *wan-nɛtom pɛ Jésus-Christ, ha ngɛriki takarata ɛngɛ ha ɛnɛ, hio wi ka Sɔ weka, ka de le ha nzan tuka gɔn-gɛnɛ wi ha hio kandɔnu Pon, Galasi, Kapadose, Azi, nɛ Bitini.

1 Pierre 1:17

Ha zang gɔamɔ ɛnɛ ha saa Sɔ nde, Bafa ɛnɛ. Sɔ begɔn kita lɛm nɛ tom pɛ wi ndang ndang, a lɛm gba soko wi na. Hazu ɛngi, ɛnɛ ayu ke wa ha deamɔ pɛ ɛnɛ fɛt ha ngimɔ sising ka ɛnɛ bhɔna nɛ gɔn-gɛnɛ wi hakɛ ha nzan.

1 Pierre 4:12

Hio ndɔngsila mi, ka ɛnɛ ayaksi hazu hio ngamɔ ka we sila ɛnɛ sising, na. Ka ɛnɛ atakiri nde, yo nê ma gɔn-gɛnɛ mɔ ka hɔa, na.

1 Pierre 4:2

Angiri sising, ha ngimɔ fɛt ka ɛnɛ bhɔna nɛ zutunɔ, dea nde, ɛnɛ ade sɔna nɛ mɔ ka Sɔ ngoya. Ka ɛnɛ ade fin hio mɔ ka tɛ ɛnɛ ngoya na.

2 Pierre 3:1

Hio ndɔngsila mi, ɛngɛ nê zebwa takarata ka mi ngɛriki ha ɛnɛ. Ha zang takarata ndɔng bwa fɛt, mi gba tazu ɛnɛ nɛ hio mɔ ka ɛnɛ ingɔ kari, tuka nde, ɛnɛ atakiri mɔ nɛ wala.