1 Pierre 1:8 - Takarata pɛ Sɔ Mbombe Mbon

⁸ Ngase ka ɛnɛ tɛ zɔk wɛnɛ nɛ gbali ɛnɛ na, ɛnɛ ngoya wɛnɛ. Nɛ ngase ka ɛnɛ zɔk wɛnɛ ha ngimɔ ɛngɛ sising na, ɛnɛ mɛkara wɛnɛ. Sila ɛnɛ dona nɛ lɛkɛ-lɛkɛ totɛ, ka pena zu ɛnɛ,

1 Pierre 1:8 ပူးပေါင်းရင်းမြစ်များ

Matthieu 10:37

«Wi ka ngoy bafa wa mana nana wa pen mi, wɛnɛ lɛm dung wi pɔm na. Nɛ wi ka ngoy bem mɔ bebhoko mana mɔ bewei pen mi, wɛnɛ lɛm dung wi pɔm na.

Jean 14:15

«Ka ɛnɛ ngoya mi, ɛnɛ pam hio *mbonga pɔm.

Jean 14:21

«Wi ka pam hio mbonga pɔm nɛ ka de mɔ lɛm nɛ yo, wɛnɛ nê wi ka ngoya mi. Bafa mi bengoy wi kɛ ka ngoy mi. Mi fin bengoy wɛnɛ, nɛ mi begbasi tɛ ha wɛnɛ.»

Jean 14:24

Wi kɛ ka ngoy mi na, a lɛm de mɔ lɛm nɛ hio wen pɔm na. Nɛ wen ndɔng ka ɛnɛ ze mi ha tɔa, yo bo nê wen pɔm na, ma, yo nê wen pɛ Bafa mi, ka tomsa mi tɛnɛ hakɛ ha nzan.

Jean 16:22

Yo gbesi tuka sising, ɛnɛ nɛ ngɔtɛ. Ma, ha ngimɔ ka mi bekifiri bin tɛ tɛ zɔk ɛnɛ, sila ɛnɛ bede totɛ. Nɛ ma wi ndang lɛm gu totɛ ɛngi fin ha sila ɛnɛ yunɛ na.

Jean 20:29

Mɛgi, Jésus tɔa ha wɛnɛ: «Mɛ mɛkara mi hazu mɛ zɔka mi, na nde? Totɛ ha wi ndɔng ka mɛkara mi, ngase ka mbwa tɛ zɔk mi na.»

Jean 8:42

Jésus tɔa ha mbwa: «Sɔ abo se nê bafa ɛnɛ, ki ɛnɛ ngoya mi. Hazu mi guotɛ ha pɛa tɛnɛ. Mi tɛ tɛ nɛ zu mi na. Yo nê wɛnɛ ka tomsa mi tɛnɛ.

Deamɔ 16:34

Hapata a kuo mbwa nɛnɛ ha zang twa pɛa, nɛ a haa yɔngamɔ ha mbwa. Wɛnɛ nɛ hio wi pɛa fɛt dungɔ nɛ gasa totɛ, hazu mbwa mɛkara Sɔ.

Rome 14:17

Hazu, *Kongakandɔ pɛ Sɔ, yo zɔk wen yɔngamɔ nɛ nɔa mɔ na. Ma, yo zɔk wen dea nzengmɔ, gaamɔ, nɛ totɛ ka tɛ nɛ wal *Nzɔy-Sɔtɛ.

Rome 15:13

Sɔ ka de nde, hio wi agde tazu mbwa ha tɛ wa, wɛnɛ adonsi sila ɛnɛ nɛ totɛ nɛ gaamɔ fɛt nɛ wal mɛkaramɔ, ka ɛnɛ mɛkiri nɛ wɛnɛ. Mɛgi, nɛ wal ngatɛ pɛ *Nzɔy-Sɔtɛ ɛnɛ bebhɔn ka ha gdea tazu ɛnɛ ha tɛ wa swe fɛt.

1 Korente 16:22

Ka ma wi ngoy Kongawan na, fomi pɛ Sɔ aba wɛnɛ. Maranata! Kongawan pɛ ɔ, mɛ tɛ!

2 Korente 1:22

A gɔna dafu pɛa ha tɛ ɔ hazu osi nde, ɔ tɛ bo nê hio wi pɛa. A donsa sila ɔ nɛ *Nzɔy-Sɔtɛ hazu osi nde, a beha ɔ mɔ fɛt ka wɛnɛ gɔna nua.

2 Korente 4:18

Mɔ ka wi lɛma zɔk, ɔ gde li ɔ ha yo na, ma, ɔ ha gdea li ɔ ha mɔ ka wi lɛm zɔk yo na. Hazu mɔ ka wi lɛma zɔk, bebhɔn ngimɔ tikiring sɔna. Ma, mɔ ka wi zɔk na, bebhɔn kpoo nɛ kpoo.

2 Korente 5:7

Ey, ɔ ha dea mɔ fɛt nɛ wal mɛkaramɔ, ɔ tɛ hɔ ka ha ngimɔ zɔka mɔ na.

2 Korente 9:15

Ɔ aha oeba ha Sɔ hazu zengem dedemɔ pen fɛt ka wɛnɛ haa ha ɔ!

Galasi 5:22

Ma, hio waya pɛ Nzɔy-Sɔtɛ, yo nê ɛngɛ: ngoya may, totɛ, gaamɔ, yikosila, dea *dede sila, dea dedemɔ, dea mɔ nɛ mboazu,

Galasi 5:6

Kpasawen, wi ka de sɔy hinɛ Jésus-Christ, mana wɛnɛ nê wan-gɔn sɔru, mana wɛnɛ nê wan-sɔru, yo de mɔ na. Gasa mɔ sɔna nde, wɛnɛ amɛkiri Christ nɛ gbasi yo nɛ wal ngoy ka wɛnɛ ngoya nɛ hio wi.

Efeze 3:19

Ey, ɛnɛ aing ngoy pɛ Christ, ngase ka ma wi ndang lɛm ing yo hɛrr na. Mɛgi, tunɔ pɛ ɛnɛ bedon lɛtɛtɛ nɛ mɔ pɛ Sɔ fɛt mburr.

Efeze 6:24

Sɔ ade *dede sila ha tɛ wi ndɔng fɛt ka bhɔn ka ha ngoya Kongawan pɛ ɔ, Jésus-Christ, nɛ ngoy ka kpogioa bona.

Filipe 1:25

Tuka mi gdea tazu mi fɛt ha mɔ mɛgi, mi ingɔ nɛdedea nde, mi bebhɔn nɛ zutunɔ. Mi bebhɔn hinɛ ɛnɛ fɛt tuka nde, ɛnɛ akpɔtɛ ha wal mɔ Sɔ, nɛ nde, ɛnɛ ade totɛ ha zang mɛkaramɔ.

Filipe 3:3

Ma, yo nê ɔ ka dung hio kpasa wan-gɔn sɔru, hazu ɔ ha dea tom Sɔ nɛ wal ngatɛ pɛ *Nzɔy-Sɔtɛ. Ɔ takiri nde, deamɔ pɛ ɔ lɛm gde ɔ nzeng ha li Sɔ na, ma, ɔ sutɛ hazu mɔ ka Jésus-Christ dea ha tɛ ɔ.

Filipe 4:4

Ɛnɛ de totɛ ha Kongawan swe fɛt! Mi putiri yo fin nde, ɛnɛ de totɛ!

Hebro 11:1

Ka ma wi mɛkara Sɔ, wɛnɛ ingɔ nɛdedea nde, Sɔ beha wɛnɛ hio mɔ ndɔng ka wɛnɛ gde tazu wa ang. Ngase ka wɛnɛ tɛ zɔk ka mɔa nɛ li wa na, a ingɔ nɛdedea ngbak nde, mɔa ang.

Hebro 11:27

Nɛ wal mɛkara Sɔ, Moïse guotɛ ha kandɔnu Ezipte pen, a tɛ yu ke ngambi pɛ kongapora na. A baa da hazu yo dungɔ tuka nde, wɛnɛ ha zɔka Sɔ ka ɛ lɛm zɔk na.

1 Pierre 1:6

Mɛgi ɛnɛ ade gasa totɛ hazua, ngase ka yo lɛma ha ma bebe ngimɔ nde, ɛnɛ akpa ngɔtɛ sising nɛ wal mɔ nɛtɛ-nɛtɛ ka we sila ɛnɛ.

1 Pierre 2:7

Pɛ ɛnɛ ka mɛkara yo, ta ɛngɛ baa sila ɛnɛ pentɛ. Ma, pɛ hio wi ndɔng ka mɛkiri yo na, ɛ bangɛriki hazu mbwa ha zang takarata pɛ Sɔ: «Ta ka hio wan-bɛ twa mulo pi, yo tɛ bo nê ta tɔn ngbili twa.»

1 Pierre 5:4

Ka ɛnɛ de mɛgi, wan-zu hio zaoro sami bekɛ ɛnɛ ha ngimɔ ka wɛnɛ begbasi tɛ wa. Yo tɔ nde, a beha ɛnɛ lɛkɛ-lɛkɛmɔ pɛa ka bebhɔn kpoo.