1 Pierre 1:6 - Takarata pɛ Sɔ Mbombe Mbon

⁶ Mɛgi ɛnɛ ade gasa totɛ hazua, ngase ka yo lɛma ha ma bebe ngimɔ nde, ɛnɛ akpa ngɔtɛ sising nɛ wal mɔ nɛtɛ-nɛtɛ ka we sila ɛnɛ.

1 Pierre 1:6 ပူးပေါင်းရင်းမြစ်များ

Matthieu 11:28

«Ɛnɛ fɛt, ka tɛ ɛnɛ kata ha baa zio toy dɔka *mbonga pɛ hio *zuife, ɛnɛ tɛ ha pɔm. Mi begu yo ha zu ɛnɛ yunɛ, nɛ ɛnɛ bekpa gaamɔ.

Matthieu 26:37

Nɛ a kuo Pierre nɛ hio bewei pɛ Zebede bwa nɛnɛ. Nɛ wɛnɛ angara dea ngɔtɛ nɛ ke.

Matthieu 5:12

Ɛnɛ de totɛ nɛ gaga, hazu mɔ-kɛ ɛnɛ nɛ gasaa ha zang ngɔn. Hio *wan-tɔkuliwen ka badung sɔngsi nɛ ɛnɛ, ɛ banamili mbwa gbesi tuka ɛngi fin.»

Dede Wen hazu Jésus-Christ ka Luc ngɛraka 1:47

Sila mi de totɛ ha Sɔ, ka dung *wan-kpasisi mi.

Dede Wen hazu Jésus-Christ ka Luc ngɛraka 10:20

Ka ɛnɛ ade totɛ sɔna, hazu hio gdanga sɔtɛ zea nu ɛnɛ, na. Ma, ɛnɛ de totɛ hazu Sɔ gɔna ling ɛnɛ ha soko hio wi ka bele ha ngɔn.»

Dede Wen hazu Jésus-Christ ka Luc ngɛraka 2:10

Ma, telenge tɔa ha mbwa: «Ka ɛnɛ ayu ke na! Mi tɛ hazu tɔ dede wen ha ɛnɛ, wen gasa totɛ ka bedung ha zu kandɔ *Israel fɛt.

Jean 16:22

Yo gbesi tuka sising, ɛnɛ nɛ ngɔtɛ. Ma, ha ngimɔ ka mi bekifiri bin tɛ tɛ zɔk ɛnɛ, sila ɛnɛ bede totɛ. Nɛ ma wi ndang lɛm gu totɛ ɛngi fin ha sila ɛnɛ yunɛ na.

Jean 16:33

Mi tɔa wen ndɔng ha ɛnɛ bingiri tuka nde, ɛnɛ fɛt ka dol tɛ hinɛ mi, ɛnɛ adung nɛ gaamɔ. Ɛnɛ bekpa yeksamɔ ha kɔ wi mɔ nzan. Ma, ɛnɛ ba da hazu mi gana zu nzan kari!»

Deamɔ 14:22

Ha zang le ndɔng mbwa mboa hio wan-yambimɔ pɛ Jésus nde, mbwa abhɔn nɛ nɔa nging ha mɛkaramɔ. Mbwa tɔa fin: «Dea nde, ɔ akpa gasa yeksamɔ sɔngsi ka ɔ bele ha zang *Kongakandɔ pɛ Sɔ.»

Rome 12:12

Ɛnɛ dung nɛ totɛ ha gdea tazu ɛnɛ ha tɛ Sɔ. Ɛnɛ dung nɛ yikosila ha zang yeksamɔ. Nɛ ɛnɛ dung nɛ nɔa nging ha gɔa Sɔ.

Rome 5:11

Yo bo sɔna nê ɛngi na. Ma, ɔ ha dea totɛ hazu ɔ ha dea sɔy hinɛ Sɔ nɛ wal Kongawan pɛ ɔ, Jésus-Christ, ka bhɔngara wen ha soko ɔ hinɛ Sɔ.

Rome 5:2

Ɔ mɛkara Jésus-Christ. Mɛgi, a gbosasa wal nde, Sɔ ade *dede sila ha tɛ ɔ. Nɛ sising, ɔ ha nɔa nging ha zang dede sila pɛa. Ɔ ha dea totɛ hazu *mɔgdetazu ɔ nde, Sɔ bekapini *lɛkɛ-lɛkɛmɔ pɛa hinɛ ɔ.

Rome 9:2

Mi nɛ ngɔtɛ gdang, nɛ sila mi nɛ kɔsa ka lɛm mɛ kari na.

2 Korente 4:17

Bebe yeksamɔ ndɔng ka kpa ɔ sising, bepen. Ma, yo ha bhɔngara gasa lɛkɛ-lɛkɛmɔ hazu ɔ. Nɛ lɛkɛ-lɛkɛmɔ ɛngɛ pena mɔ fɛt nɛ yo bebhɔn kpoo.

2 Korente 6:10

Hio wi ha haa ngɔtɛ ha ɔ, ma, ɔ ha dea totɛ swe fɛt. Ɔ dung tuka fabha wi, ma, ɔ ha yɛbhasa kpaamɔ pɛ hio dɔka wi. Ɔ dung tuka wi ka bo nɛ mɔ na, ma, ɔ kpaa mɔ fɛt kari.

Galasi 5:22

Ma, hio waya pɛ Nzɔy-Sɔtɛ, yo nê ɛngɛ: ngoya may, totɛ, gaamɔ, yikosila, dea *dede sila, dea dedemɔ, dea mɔ nɛ mboazu,

Filipe 2:26

Wɛnɛ nɛ hɛl mɛ zɔk ɛnɛ fɛt nɛ mbinga, nɛ wɛnɛ nɛ nɔzang hazu ɛnɛ zea nde, a dungɔ nɛ zɛlɛ.

Filipe 3:3

Ma, yo nê ɔ ka dung hio kpasa wan-gɔn sɔru, hazu ɔ ha dea tom Sɔ nɛ wal ngatɛ pɛ *Nzɔy-Sɔtɛ. Ɔ takiri nde, deamɔ pɛ ɔ lɛm gde ɔ nzeng ha li Sɔ na, ma, ɔ sutɛ hazu mɔ ka Jésus-Christ dea ha tɛ ɔ.

Filipe 4:4

Ɛnɛ de totɛ ha Kongawan swe fɛt! Mi putiri yo fin nde, ɛnɛ de totɛ!

1 Tesalonike 1:6

Ɛnɛ zɔka deamɔ pɛ ɔ nɛ pɛ Kongawan de nɛ pɛ ɛnɛ. Ɛnɛ mɛkara wen pɛ Sɔ nɛ totɛ ka tɛ nɛ Nzɔy-Sɔtɛ, ngase ɛnɛ kpaa dɔka yeksamɔ ha wena.

Jacques 1:2

Hio ya mi, ka tili yeksamɔ nɛtɛ-nɛtɛ ha wea sila ɛnɛ, ɛnɛ azɔk yo tuka gasa totɛ.

Jacques 1:9

Ya ha Christ, ka dung nê fabha wi, lɛma nde, wɛnɛ ade totɛ hazu Sɔ guo wɛnɛ gde ha ngɔn.

Jacques 4:9

Ɛnɛ de ngɔtɛ hazu gdanga deamɔ pɛ ɛnɛ. Ɛnɛ lokitɛ nɛ he kwa. Ɛnɛ kifiri mami pɛ ɛnɛ ha kwa, nɛ totɛ ha ngɔtɛ.

1 Pierre 3:17

Ka ɛnɛ de dedemɔ nɛ Sɔ ngoya nde, ɛnɛ akpa yeksamɔ ha wena, ɛngɛ nɛ dedea pen nde, ɛnɛ akpa yeksamɔ nɛ wal dea gdangamɔ.

1 Pierre 4:7

Sising, ngbɔla kanɛ bengimɔ tikiring nde, ka mɔ nzan fɛt akari. Hazu ɛngi, lɛma nde, ɛnɛ agan zu tɛ ɛnɛ, nɛ ɛnɛ adung ngɛlɛlɛ ha gɔa Sɔ.

1 Pierre 5:10

Nɛ wal dede sila pɛa, Sɔ saa ɛnɛ mɛ dung ha zang lɛkɛ-lɛkɛmɔ hinɛ Christ kpoo nɛ kpoo. Ɛnɛ ha kpaa yeksamɔ ha ma bebe ngimɔ sising. Ma, hapata Sɔ nɛ pɛa tɛ belɛmsiri ɛnɛ wɛɛ, nɛ a bengasisi ɛnɛ nɛ ngatɛ mɛ zati.