1 Pierre 1:4 - Takarata pɛ Sɔ Mbombe Mbon

⁴ Sɔ beha ɔ tunɔ ɛngɛ tuka likɔ ka lɛm yek na, ka lɛm ba nzing na, nɛ ka lɛm mɛ yɔmbi na. Wɛnɛ ha pama yo ha zang ngɔn hazu ɛnɛ.

1 Pierre 1:4 ပူးပေါင်းရင်းမြစ်များ

Matthieu 25:34

Nɛ mi, *Kongawan, betɔ ha wi ndɔng ha wekɔ mi: ‹Sɔ, Bafa mi, wola dede wen ha zu ɛnɛ. Mɛgi ɛnɛ tɛ tɛ kpa dede mɔ pɛ *Kongakandɔ pɛ Sɔ, ka wɛnɛ bhɔngara bingiri hazu ɛnɛ ha ngimɔ ka wɛnɛ dea nɛ nzan.

Marc 10:17

Ka Jésus ha pena ha wal, ma wi sɔawi, tɛ ngbi zigolo ha li wa nɛ a ana wɛnɛ: «Dede wan-osimɔ, mi bede nɛ ge hazu kpa *tunɔ kpoo ge?»

Deamɔ 20:32

«Nɛ sising, mi gde ɛnɛ ha kɔ Sɔ nɛ ha wen dede sila pɛa. Wen ɛngɛ lɛma ngasisi ɛnɛ nɛ ha ɛnɛ dede mɔ, ka Sɔ bhɔngara hazu hio wi pɛa.

Deamɔ 26:18

Mi betomsi mɛ hazu gbosisi gbali mbwa nde, mbwa agbo ha tutum tɛ ha saamɔ, gbo ha si ziomɔ pɛ *Satan tɛ ha pɛ Sɔ. Ka mbwa mɛkara mi, mi bebisi *sɛmbɔ pɛ mbwa, nɛ mi begde mbwa ha soko hio nzɔy wi pɛ Sɔ.›»

Rome 8:17

Tuka ɔ tɛ bo nê hio bem pɛ Sɔ, ɔ tɛ bo fin nê hio wan-ba likɔ pɛa. A beha ɔ likɔ ɛngɛ hinɛ Christ gbesi, hazu ɔ ha kpaa yeksamɔ gbesi tuka wɛnɛ. Mɛgi, ɔ bedung fin hinɛ wɛnɛ ha lɛkɛ-lɛkɛ bhandi pɛa.

1 Korente 9:25

Hio wi fɛt ka de kpakpay, mbwa de mɔ fɛt hazu bhɔngiri tɛ mbwa nɛdedea tuka nde, mbwa agan ha dea kpakpay. Mbwa de yo hazu kpa kɛamɔ ka begdang nɛhasa. Ma, pɛ ɔ, ɔ de yo hazu kpa kɛamɔ ka bebhɔn kpoo.

Galasi 3:18

Ka bo se nde, hio wi akpa likɔ pɛ Sɔ nɛ wal deamɔ lɛm nɛ mbonga, ki gɔnanu ɛngɛ pɛ Sɔ tɛ bo nê gbelemɔ. Ma, yo nɛ wal gɔnanu ka Sɔ dea *dede sila ha tɛ Abraham.

Efeze 1:11

Tuka Sɔ babhɔngiri, a baweki ɔ sɔngsi bhee nde, ɔ atɛ hio wi pɛa nɛ wal dea sɔy hinɛ Christ. A de mɔ fɛt tuka sila wa ngoya, nɛ tuka wɛnɛ babheki yo.

Efeze 1:14

Nzɔy-Sɔtɛ ɛngɛ nê baa nanga mɔ ka osi ha ɔ nde, Sɔ beha ɔ dedemɔ fɛt ka wɛnɛ bagɔn nua, ha swe ka wɛnɛ beyangi ɔ ha si gdangamɔ fɛt. Mɛgi, ɔ alukisi lɛkɛ-lɛkɛmɔ pɛ Sɔ!

Efeze 1:18

Ey! Sɔ agbosisi sila ɛnɛ long tuka nde, ɛnɛ atakiri mɔ nɛ saa, nɛ ɛnɛ aing mɔ ka wɛnɛ saa ɛnɛ mɛ gde tazu ang. Dea nde, ɛnɛ aing lɛkɛ-lɛkɛ mɔ likɔ ka wɛnɛ pam keri nɛ hio wi pɛa.

Kolose 1:12

Ɛnɛ aha oeba nɛ totɛ ha Sɔ, Bafa ɔ, ka dea nde, ɛnɛ alɛm kpa mɔ likɔ ka wɛnɛ bhɔngara keri nɛ hio nzɔy wi pɛa ha zang saamɔ.

Kolose 1:5

Ɛnɛ de mɛgi hazu ɛnɛ bhɔna ka ha gdea tazu ɛnɛ ha hio dedemɔ ka Sɔ bhɔngara gde ha ɛnɛ ha zang ngɔn, tuka ɛnɛ baze yo ha zang *Dede Wen ka dung nê tɛwen.

Kolose 3:24

Ɛnɛ aing nde, Kongawan bekɛ ɛnɛ. A beha ɛnɛ mɔ ka wɛnɛ bhɔngara keri nɛ hio wi pɛa. Kpasa wan ka ɛnɛ de tom ha wɛnɛ, yo nê Christ.

2 Timothée 4:8

Mɔ sising, kɛamɔ pɛ wan-gan bulo ha kera mi hazu mi dea mɔ nzeng. Kongawan, nzeng wan-gɔn kita, beha mi kɛamɔ ɛngɛ ha swe ka wɛnɛ bepe nɛ. A lɛm ha yo sɔna ha mi gbatɛ na, ma, a beha yo fin ha hio wi ndɔng fɛt ka keri kiforo pɛa nɛ totɛ.

Hebro 10:34

Ɛnɛ bade sɔy ha ngɔtɛ pɛ hio wan-zɔbhɔ. Nɛ ka ɛ bakay toy pɛ ɛnɛ pen nɛnɛ, ɛnɛ badung nɛ totɛ hapata, hazu ɛnɛ ingɔ nde, ɛnɛ nɛ ma kpaamɔ ka dung nɛdedea pentɛ, nɛ ka bebhɔn kpoo.

Hebro 9:15

Hazu ɛngi, Christ nê wan-bhɔngiri mbombe mbon ha soko Sɔ hinɛ hio wi. Mɛgi, hio wi ndɔng ka Sɔ besa, mbwa bekpa hio dedemɔ, ka Sɔ gɔna nua mɛ ha tuka likɔ ka bebhɔn kpoo. Mɔ dung mɛgi, hazu Christ fea hazu yangi hio wi ha gdangamɔ ka mbwa dea ha si bosi mbon.

Jacques 1:11

Ka swe baa nɛ nga gbɛngamɔ, bɛlɛ bekoti, doa betek, nɛ lɔkatɛ pɛa bekari. Yo gbesi nɛ wan-kpamɔ, a bebhondi ha kio kpaamɔ pɛa.

1 Pierre 3:9

Ka ma wi dea gdangamɔ ha tɛ ɛnɛ, ka ɛnɛ akifiri fin de gdangamɔ ha tɛ wa na. Ka ma wi yaa ɛnɛ, ka ɛnɛ akifiri fin ya wɛnɛ na. Ma, dea nde, ɛnɛ agɔ Sɔ nde, wɛnɛ awol dede wen ha zu wia. Hazu, ha ngimɔ ka Sɔ saa nɛ ɛnɛ mɛ dung hio wi pɛa, a gɔna nu nde, a bewol dede wen ha zu ɛnɛ.

1 Pierre 5:4

Ka ɛnɛ de mɛgi, wan-zu hio zaoro sami bekɛ ɛnɛ ha ngimɔ ka wɛnɛ begbasi tɛ wa. Yo tɔ nde, a beha ɛnɛ lɛkɛ-lɛkɛmɔ pɛa ka bebhɔn kpoo.

Gbasamɔ 21:27

Ma, ma mɔ nzing ndang lɛm le ha zang lea na, hio wan-de mɔ nyɛl nɛ hio wan-tɔ dalo lɛm le ang na. Yo sɔna nê hio wi ndɔng ka Sɔ ngɛraka ling mbwa ha Takarata Tunɔ pɛ Besami ha bele ang.