1 Pierre 1:2 - Takarata pɛ Sɔ Mbombe Mbon

² Sɔ, Bafa ɔ, baweki ɛnɛ lɛm nɛ mɔ ka wɛnɛ babhɔngiri sɔngsi bhee. *Nzɔy-Sɔtɛ pɛa gdea ɛnɛ nɛtɛ tuka nde, ɛnɛ aze nu Jésus-Christ, nɛ nde, tɔktɛ wa asasisi ɛnɛ. Sɔ ade *dede sila ha tɛ ɛnɛ, nɛ wɛnɛ aha gaamɔ ha ɛnɛ nɛdɔka pentɛ pet.

1 Pierre 1:2 ပူးပေါင်းရင်းမြစ်များ

Matthieu 24:22

Nɛ ka bo se nde, Sɔ atikisi ma nu yala yeksamɔ ndɔng na, ki ma wi ndang lɛm mɛ kpasi na. Ma, a tikoso yo hazu wi ndɔng ka wɛnɛ weka mɛ dung hinɛ wɛnɛ.

Matthieu 24:24

Hazu hio wan-dalo ka tɔ nde, mbwa nê Mesi, nɛ hio wan-tɔkuliwen dalo behɔ. Nɛ mbwa bede gasa *mɔweka nɛ *mɔkifi, nɛ ka mbwa kpa wal, mbwa beosili nɛ hio wi ndɔng ka Sɔ weka.

Matthieu 24:31

Mi betomsi hio *telenge pɔm nɛ kɛnza gɛl mbia, hazu nɛ ha ngbili nu nar. Mbwa bewesiri hio wi ka mi weka, ha bhandi mɔ nzan fɛt.»

Marc 13:20

Nɛ ka bo se nde, *Kongawan atikisi ma nu yala yeksamɔ ndɔng na, ki ma wi ndang lɛm mɛ kpasi na. Ma, a tikoso yo hazu wi ndɔng ka wɛnɛ weka mɛ dung hinɛ wɛnɛ.

Marc 13:22

Hazu, ha ngimɔ ɛngi, hio wan-osili wi begbo nɛ mbwa betɔ: ‹Mi nê Mesi!› Mana mbwa betɔ: ‹Mi nê *wan-tɔkuliwen pɛ Sɔ.› Mbwa bede hio *mɔkifi nɛ hio *mɔweka, nɛ ka mbwa kpa wal, mbwa beosili nɛ hio wi ndɔng ka Sɔ weka.

Marc 13:27

Mɛgi, mi betomsi hio *telenge pɔm. Nɛ mi bewesiri hio wi ndɔng ka Sɔ weka ha wal fɛt, dam nɛ zu nu fɛt gbo ha ngɔn.

Dede Wen hazu Jésus-Christ ka Luc ngɛraka 18:7

Mɛgi, bo nê Sɔ bede nzengmɔ ha tɛ hio wi ka wɛnɛ weka, nɛ ka lokitɛ ha wɛnɛ swe nɛ zɛ, na nde? A bede yo nɛhasa, na nde?

Deamɔ 15:18

ka mi bagbasi sɔngsi bhee.›»

Deamɔ 2:23

Ɛ gdea Jésus ha kɔ ɛnɛ, nɛ ɛnɛ gbɛa wɛnɛ ha getakate nɛ wal kɔ wi ndɔng, ka mɛkiri Sɔ na. Mɔ hɔa mɛgi lɛm nɛ kpoa zuwen ka Sɔ babhɔngiri ha sila wa sɔngsi.

Deamɔ 20:32

«Nɛ sising, mi gde ɛnɛ ha kɔ Sɔ nɛ ha wen dede sila pɛa. Wen ɛngɛ lɛma ngasisi ɛnɛ nɛ ha ɛnɛ dede mɔ, ka Sɔ bhɔngara hazu hio wi pɛa.

Rome 1:5

Jésus-Christ dea *dede sila ha tɛ mi hazu a weka mi tuka wan-nɛtom pɛa nde, mi ade tom pɛa. A haa mi tom hazu nɛ nɛ bul wen pɛa ha hio kandɔ fɛt ka bo nê *zuife na, tuka nde, mbwa amɛkiri wɛnɛ, nɛ nde, mbwa aze nu wa.

Rome 1:7

Mi ha ngɛraka takarata ɛngɛ ha ɛnɛ fɛt ka dung ha Rome. Sɔ ngoya ɛnɛ, nɛ a saa ɛnɛ hazu dung nê nzɔy kandɔ pɛa. Sɔ, Bafa ɔ, hinɛ Kongawan pɛ ɔ, Jésus-Christ ade dede sila ha tɛ ɛnɛ, nɛ aha ɛnɛ gaamɔ.

Rome 11:2

Kandɔ pɛa ka wɛnɛ baweki sɔngsi bhee, Sɔ tɛ mul mbwa pi na. Takarata pɛ Sɔ tɔa wen hazu *wan-tɔkuliwen *Elie, ka taatɛ ha Sɔ hazu gdanga deamɔ pɛ kandɔ Israel. Bo nê ɛnɛ ingɔ wen ɛngɛ na nde? A tɔa:

Rome 11:28

Hio zuife tɛ bo nê ngana pɛ Sɔ hazu mbwa kafa *Dede Wen. Mɔ hɔa mɛgi tuka nde, Sɔ akpasisi ɛnɛ ka bo nê zuife na. Ma, mbwa bhɔna nê hio ndɔngsila Sɔ, ka wɛnɛ weka gde tuka kandɔ pɛa, hazu a bagɔn nu mɛgi ha hio ngbabafa mbwa.

Rome 15:16

nɛ wal gdea mi wan-tom pɛ Jésus-Christ ha soko hio kandɔ ka bo nê *zuife na. Wɛnɛ weka mi gde nɛtɛ hazu bul *Dede Wen pɛ Sɔ. Mɛgi, hio kandɔ ndɔng lɛma mɛ dung tuka yefa sadaka, ka *Nzɔy-Sɔtɛ gdea nɛ nzɔya ha li Sɔ.

Rome 16:19

Ka bo nê pɛ ɛnɛ, hio wi fɛt ingɔ nde, ɛnɛ ha zea nu Kongawan. Mɛgi, mi nɛ totɛ hazu ɛnɛ. Nɛ mi ngoya fin nde, ɛnɛ adung nɛ mbaramɔ hazu de nɛ dedemɔ, nɛ nde, ɛnɛ adung nɛ saa hazu kafi dea gdangamɔ.

Rome 16:26

ma, sising, a gdea yo ha saamɔ nɛ wal takarata pɛ hio *wan-tɔkuliwen. Sɔ, Wan-kpo, baha nu mɛ gbasi yo ha hio kandɔ fɛt tuka nde, mbwa amɛkiri wɛnɛ nɛ ze nu wa.

Rome 8:13

Ka ɛnɛ de mɔ nɛ tɛ ɛnɛ, ɛnɛ befe. Ma, ka ɛnɛ gbɛ hio gdanga ndɔkitɛ ɛnɛ nɛ wal ngatɛ pɛ Nzɔy-Sɔtɛ, ɛnɛ bedung nɛ zutunɔ.

Rome 8:33

Ma wi ndang lɛm fundi wi ndɔng ka Sɔ weka na. Hazu, yo nê Sɔ ka gdea mbwa nzeng ha li wa.

1 Korente 1:30

Ma, yo nê Sɔ ha de nde, ɛnɛ ade sɔy hinɛ Jésus-Christ, ka tɛ bo nê mbaramɔ pɛ Sɔ hazu ɔ. Yo nê wɛnɛ ka gdea ɔ nzeng ha li Sɔ, ka gdea ɔ nɛtɛ hazu dung nê nzɔy kandɔ pɛ Sɔ, nɛ ka yanga ɔ ha si gdangamɔ.

1 Korente 6:11

Hio ma wi ha soko ɛnɛ bade tili gdangamɔ ndɔng sɔngsi. Ma, sising, Sɔ pɛ ɔ fala gdangamɔ pɛ ɛnɛ yunɛ fɛt kari, a dea ɛnɛ hio nzɔy wi pɛa, nɛ a gdea ɛnɛ nzeng ha li wa. Sɔ dea mɛgi nɛ wal ling *Kongawan, Jésus-Christ, nɛ fin nɛ wal *Nzɔy-Sɔtɛ pɛa.

2 Korente 10:5

Ɔ ha yangala hio wen fɛt ka hio wan-sutɛ tɔ hazu gdɔki wal mɛ ing Sɔ. Nɛ hio takaramɔ fɛt ka hio wi takiri ha sila mbwa, ɔ ha gana zua tuka nde, mbwa aze nu Christ.

Kolose 3:12

Sɔ ngoya ɛnɛ nɛ wɛnɛ weka ɛnɛ tuka nzɔy kandɔ pɛa. Mɛgi, dea nde, ɛnɛ ayol mbombe tɛ wi, ka de kobhe tɛ wi, ka de dedemɔ, ka hil nɛ mɛndi, ka dung nɛ gaa sila nɛ yikosila.

2 Tesalonike 2:13

Pɛ ɔ, lɛma nde, ɔ aha oeba ha Sɔ swe fɛt hazu ɛnɛ, hio ya ɔ, ka *Kongawan ngoya pentɛ. Hazu, sɔngsi bhee gde ka Sɔ tɛ de ka nzan na, a weka ɛnɛ hazu kpasisi ɛnɛ. A kpasasa ɛnɛ nɛ wal *Nzɔy-Sɔtɛ ka gde ɛnɛ nɛ nzɔya ha li wa, nɛ fin nɛ wal mɛkaramɔ ka ɛnɛ mɛkiri nɛ tɛwen.

2 Timothée 2:10

Hazu ɛngi, mi ha yɔnga yini ha mɔ fɛt tuka nde, hio wi ndɔng ka Sɔ weka, akpa *mɔkpasi ka Jésus-Christ bekpasisi nɛ mbwa. Mɛgi, mbwa fin bekpa *lɛkɛ-lɛkɛmɔ kpoo.

Tite 1:1

Yo nê mi, Paul, wan-tom pɛ Sɔ nɛ *wan-nɛtom pɛ Jésus-Christ, ka ngɛriki takarata ɛngɛ. Sɔ tomsa mi mɛ bul wen pɛa ha wi ndɔng ka wɛnɛ weka bingiri, tuka nde, mbwa amɛkiri wɛnɛ, nɛ nde, mbwa aing tɛwen ka osi wal mɛ ndari Sɔ.

Hebro 10:22

Wɛnɛ sasasa sila ɔ kari, ingɔmɔ sila pɛ ɔ bo fin nɛ nzing na, nɛ a zosa tɛ ɔ nɛ ngɛnza li. Hazu ɛngi, ɔ tiki nɛ hapɛtɛ Sɔ nɛ kpasa sila, ka dona don nɛ mɛkaramɔ.

Hebro 11:28

Nɛ wal mɛkara Sɔ, Moïse osa wal dea yenga *Pake, nɛ a haa nu mɛ ngbanzili tɔk sami ha hio te nutwa yu nde, *telenge pɛ fio betɛ gbɛ hio kay bem mɔ kandɔ Israel.

Hebro 12:24

Ɛnɛ tiko nɛ hapɛtɛ Jésus, wan-bhɔngiri mbombe *mbon ha soko Sɔ hinɛ hio wi. Ɛnɛ tiko nɛ hapɛtɛ tɔktɛ Jésus ka sɛa hazu sasisi wi. Mɛgi tɔktɛ Jésus kuo ma dede kasi tɛnɛ, bo tuka pɛ Abel na.

Hebro 5:9

Ka wɛnɛ tɛa wi ka lɛma wɛɛ kari, a tɛ bo fin nê wan-ha *mɔkpasi kpoo ha hio wi ndɔng ka ze nu wa.

1 Pierre 1:14

Ɛnɛ ze nu Sɔ hazu ɛnɛ nê hio bem pɛa. Sɔngsi, ha ngimɔ ka ɛnɛ tɛ ze ka *Dede Wen na, ɛnɛ dungɔ ha gdea tɛ ɛnɛ ha gola hio gdangamɔ. Ma, sising, ka ɛnɛ ade mɔ mɛgi fin na.

1 Pierre 1:19

Ma, a hɛa ɛnɛ nɛ wal tɔktɛ Christ ka dung nɛ ngagɛnɛ pentɛ pet. Christ dungɔ tuka besami mɔ sadaka, ka gdangamɔ nɛ nzing bo ha tɛ wa na.

1 Pierre 1:20

Sɔngsi bhee gde Sɔ tɛ de ka nzan na, a baweki Christ hazu de tom ɛngɛ. Nɛ sising ha kpogio ngimɔ ɛngɛ, Sɔ tomsa wɛnɛ ha nzan hazu kpasisi ɛnɛ.

1 Pierre 1:22

Ɛnɛ sasasa tɛ ɛnɛ kari, hazu ɛnɛ ha dea mɔ lɛm nɛ tɛwen pɛ Sɔ. Tuka ɛngi, ɛnɛ ngoya hio ya ha Christ nɛkpasa. Ey, ɛnɛ angoy may nɛ sila ndang.

1 Pierre 2:9

Ma, pɛ ɛnɛ, ɛnɛ nê kandɔ ka Sɔ weka. Ɛnɛ nê hio konga wan-hasadaka. Ɛnɛ nê nzɔy kandɔ, ka Sɔ gdea nɛtɛ hazu wa nɛ pɛa tɛ. Wɛnɛ saa ɛnɛ gbo ha tutum hazu lesisi ɛnɛ ha zang gasa saamɔ pɛa tuka nde, ɛnɛ aba kasi hio gasa mɔ ka wɛnɛ dea.

2 Pierre 1:2

Sɔ ade *dede sila ha tɛ ɛnɛ, nɛ wɛnɛ aha gaamɔ ha ɛnɛ nɛdɔka pentɛ pet, hazu ɛnɛ ingɔ wɛnɛ hinɛ Jésus, *Kongawan pɛ ɔ.

2 Jean 1:1

Mi, kotowi mɔ eglize, mi ngɛriki takarata ɛngɛ ha mɛ, Kongabhoko ka Sɔ weka, nɛ ha hio bem pɛ mɛ, ka mi ngoya nɛ tɛwen. Yo bo sɔna nê mi gbatɛ ha ngoy ɛnɛ na, ma, yo nê hio wi fɛt ka ingɔ tɛwen.

2 Jean 1:13

Hio bem pɛ ya mɛ mɔ bhoko ka Sɔ weka, fana mɛ.

Jude 1:2

Sɔ ade kobhe tɛ ɛnɛ, wɛnɛ aha gaamɔ ha ɛnɛ, nɛ wɛnɛ angoy ɛnɛ nɛdɔka pentɛ pet.