1 Pierre 1:15 - Takarata pɛ Sɔ Mbombe Mbon

¹⁵ Ma, lɛma nde, ɛnɛ adung nɛ nzɔya ha deamɔ pɛ ɛnɛ fɛt, hazu Sɔ ka saa ɛnɛ, wɛnɛ nɛ nzɔya.

1 Pierre 1:15 ပူးပေါင်းရင်းမြစ်များ

Matthieu 5:48

Mɛgi, dea nde, deamɔ pɛ ɛnɛ alɛm wɛɛ, gbesi tuka deamɔ pɛ Bafa ɛnɛ ka dung ha zang ngɔn lɛma wɛɛ.»

Rome 9:24

Ɔ fɛt nê hio wi ka Sɔ saa. A tɛ sa sɔna nɛ hio *zuife na. Ma, a saa fin hio wi mɔ hio olo kandɔ.

2 Korente 7:1

Hio ndɔngsila mi, hio gɔnanu ndɔng pɛ Sɔ, yo nê hazu ɔ. Mɛgi ɔ asasisi tɛ ɔ nɛ sila ɔ ha nzing mɔ fɛt. Ɔ ayu Sɔ nɛ gbɛngsi tɛ ɔ mɛ dung nê hio nzɔy wi pɛa ka lɛma wɛɛ.

Filipe 1:27

Pen fɛt, ɛnɛ ade mɔ lɛm nɛ Dede Wen pɛ Christ, mana mi benɛ ha zɔka ɛnɛ, mana mi bhɔna nɛ yɛa. Lɛma nde, mi aze nde, ɛnɛ ha dea tom nɛ kɔ may nɛ ndangtɛ takaramɔ, nɛ nde, ɛnɛ ha bio bulo nɛ sila ndang tuka nde, mɛkaramɔ nɛ Dede Wen ayɛbhi.

Filipe 3:14

Mɛgi, mi ha gbɛngsa tɛ mi kanɛ kpogio hazu kpa kɛamɔ pɔm. Sɔ saa ɔ mɛ kpa kɛamɔ ɛngɛ ha ngɔn nɛ wal Jésus-Christ.

Filipe 3:20

Ma, pɛ ɔ, le pɛ ɔ ha zang ngɔn. Nɛ ɔ ha kera nde, *Wan-kpasisi ɔ, *Kongawan Jésus-Christ, begutɛ haki tɛnɛ.

1 Tesalonike 2:12

Ɔ dungɔ mɛ mbo ɛnɛ, mɛ ha da ha ɛnɛ, nɛ mɛ alnu ha ɛnɛ nde, ɛnɛ ade mɔ ka lɛma nɛ mɔ ka Sɔ ngoya. Wɛnɛ saa ɛnɛ mɛ le ha Kongakandɔ pɛa nɛ ha *lɛkɛ-lɛkɛmɔ pɛa.

1 Timothée 4:12

Ka ma wi abhɛsiri mɛ hazu mɛ bhɔna ka nê pɔlɔmbɔ wi na. Ma, dea nde, wolamɔ pɛ mɛ, deamɔ pɛ mɛ, ngoy pɛ mɛ, mɛkaramɔ pɛ mɛ, nɛ saa sila pɛ mɛ, adung nê wekamɔ hazu hio wi fɛt ka mɛkiri Christ.

2 Timothée 1:9

Yo nê Sɔ ka kpasasa ɔ, nɛ ka saa ɔ mɛ dung nê kandɔ pɛa. A dea mɛgi, bo hazu dede deamɔ pɛ ɔ na, ma, hazu a bheka yo nɛ *dede sila pɛa. A bheka mɛ de dede sila ha tɛ ɔ nɛ wal Jésus-Christ sɔngsi bhee gde ka wɛnɛ tɛ de ka nzan na.

Tite 3:14

Lɛma nde, hio wi pɛ ɔ fin ayambi mɛ gbɛngsi tɛ ha dea dedemɔ hazu gbakiri wi ndɔng ka mɔ kɔpi mbwa nɛkpasa. Mɛgi, hio wi pɛ ɔ beway nɛ dede waya.

Tite 3:8

Wen ndɔng ka mi tɔa, yo nê tɛwen. Mi ngoya nde, mɛ aputiri yo swe fɛt ha wi ndɔng ka mɛkara Sɔ, tuka nde, mbwa agbɛngsi tɛ nɛkpasa ha dea dedemɔ. Ɛngi nɛ dedea, nɛ yo ha gbakara hio wi.

Hebro 12:14

Ɛnɛ aki wal mɛ dung nɛ gaa hinɛ hio wi fɛt, nɛ ɛnɛ aki wal mɛ dung nɛ nzɔya ha li Sɔ. Hazu, wi ka de mɛgi na, lɛm zɔk *Kongawan na.

Hebro 13:5

Ka wɔ mbɔli agan zu deamɔ pɛ ɛnɛ na, ma, ɛnɛ ade totɛ hazu mɔ ka dung ha kɔ ɛnɛ. Hazu Sɔ tɔa: «Mi lɛm mɛ ndekiri mɛ ndang na. Nɛ mi lɛm lak mɛ gde ndang na.»

Jacques 3:13

Ka ma wi ha soko ɛnɛ zɔk tɛ wa tuka wi ka dung nɛ mbaramɔ nɛ ingɔmɔ, lɛma nde, wɛnɛ agbasi yo nɛ wal dede mɔ, ka wɛnɛ de nɛ mɛndi nɛ mbaramɔ.

1 Pierre 2:12

Dea nde, ɛnɛ ade mɔ nɛdedea ha soko hio *bhilo. Hio ma wi ang ka betɔ gdanga lingtɛ ɛnɛ nde, ɛnɛ nê hio *wan-de gdangamɔ. Lɛma nde, mbwa azɔk nɛ dedemɔ ka ɛnɛ de. Ɛngɛ benɔsisi mbwa mɛ lukisi Sɔ ha swe kita pɛa.

1 Pierre 2:9

Ma, pɛ ɛnɛ, ɛnɛ nê kandɔ ka Sɔ weka. Ɛnɛ nê hio konga wan-hasadaka. Ɛnɛ nê nzɔy kandɔ, ka Sɔ gdea nɛtɛ hazu wa nɛ pɛa tɛ. Wɛnɛ saa ɛnɛ gbo ha tutum hazu lesisi ɛnɛ ha zang gasa saamɔ pɛa tuka nde, ɛnɛ aba kasi hio gasa mɔ ka wɛnɛ dea.

1 Pierre 3:16

Ɛnɛ atɔ yo nɛ mɔka sila, nɛ ɛnɛ aba hio wi ndɔng nɛ zioa. Dea nde, ingɔmɔ sila pɛ ɛnɛ adung nɛ saa. Tuka ɛngi, foy beba hio wi, ka tɔ gdanga lingtɛ ɛnɛ, nɛ ka ya ɛnɛ hazu ɛnɛ ha dea dedemɔ, ka Christ ngoya.

1 Pierre 5:10

Nɛ wal dede sila pɛa, Sɔ saa ɛnɛ mɛ dung ha zang lɛkɛ-lɛkɛmɔ hinɛ Christ kpoo nɛ kpoo. Ɛnɛ ha kpaa yeksamɔ ha ma bebe ngimɔ sising. Ma, hapata Sɔ nɛ pɛa tɛ belɛmsiri ɛnɛ wɛɛ, nɛ a bengasisi ɛnɛ nɛ ngatɛ mɛ zati.

1 Jean 3:3

Mɛgi, wi fɛt ka gde tazu ha tɛ Christ nde, mɔ behɔ mɛgi, lɛma nde, mbwa ade tɛ mbwa nɛ nzɔya tuka Christ nɛ nzɔya.

Gbasamɔ 3:7

«Mɛ ngɛriki ha *telenge pɛ giliwi mɔ eglize ha Filadelfi wen mɛgɛ: Ɛngɛ nê wen nu nzɔy wi ka tɔ tɛwen. Sɔtɛ nutwa pɛ *kongapora David ha kɔ wa. Ka wɛnɛ gbosasa nutwa, ma wi ndang mɛ gdɔki yo bo na. Nɛ ka wɛnɛ gdɔki nutwa, ma wi ndang mɛ gbosisi yo bo na.

Gbasamɔ 4:8

Hio tunɔ mɔ nar ndang ndang fɛt nɛ bhaka mɔrkɔ zanga ndang tuka bhaka nɔy. Hio dɔka gbali ha tɛ hio bhaka mbwa fɛt, hio ma ha wal zua, nɛ hio ma ha sia. Swe nɛ zɛ fɛt, mbwa ha bea gima tuka ɛngɛ: «*Kongawan Sɔ nɛ nzɔya, nɛ nzɔya, nɛ nzɔya. Wɛnɛ nê wan-zu mɔ fɛt, wɛnɛ badung ang, wɛnɛ ang, nɛ wɛnɛ betɛ.»

Gbasamɔ 6:10

Mbwa gdɔra nɛ ngagɛl: «Gasa wan, mɛ nɛ nzɔya, mɛ tɔ nɛ tɛwen sɔna. Ha nge swe ge ka mɛ begɔn kita nɛ mɛ bekundiki tɔktɛ ɔ ha zu hio wi mɔ zu nu, ge nde?»