1 Pierre 1:12 - Takarata pɛ Sɔ Mbombe Mbon

¹² Sɔ osa ha mbwa long nde, mɔ ndɔng bo hazu mbwa nɛ pɛ mbwa tɛ na, ma, yo hazu ɛnɛ. Nɛ sising, hio wan-bul *Dede Wen bulo wen mɔ ndɔng ha ɛnɛ fɛt kari. Mbwa tɔa wena nɛ wal ngatɛ pɛ Nzɔy-Sɔtɛ ka Sɔ tomsa ha ngɔn tɛnɛ. Nɛ hio *telenge fin nɛ hɛl mɛ mbari hio mɔ ndɔng.

1 Pierre 1:12 ပူးပေါင်းရင်းမြစ်များ

Matthieu 11:25

Ha ngimɔ ɛngi, Jésus tɔa: «Bafa mi, mɛ nê wan ngɔn nɛ nu. Mi lukisi mɛ hazu mɛ gbasa ha hio bebe wi mɔ ndɔng, ka mɛ wuso ha hio wan-mbarimɔ nɛ wan-ingmɔ.

Matthieu 11:27

«Bafa mi gdea mɔ fɛt ha kɔ mi. Yo nê Bafa mi sɔna ka ing mi, Bewei pɛa. Nɛ yo nê mi, Bewei pɛa sɔna ka ing Bafa mi. Nɛ wi ndang ndang, ka mi ngoy gbasi Bafa mi ha mbwa, mbwa being Bafa mi.

Matthieu 16:17

Mɛgi Jésus tɔa ha wɛnɛ: «Totɛ ha mɛ Simon bewei pɛ Jean, hazu yo bo nê wi ka gbasi yo ha mɛ na. Ma, yo nê Bafa mi ha zang ngɔn.

Marc 16:15

Nɛ wɛnɛ tɔa ha mbwa fin: «Ɛnɛ nɛ ha nzan fɛt, nɛ bul *Dede Wen ha hio wi fɛt.

Dede Wen hazu Jésus-Christ ka Luc ngɛraka 15:10

Mi tɔ ha ɛnɛ nde, gbesi tuka ɛngi, hio *telenge pɛ Sɔ de totɛ hazu ma *wan-de gdangamɔ ndang ka kiforo sila wa.»

Dede Wen hazu Jésus-Christ ka Luc ngɛraka 2:26

nɛ a gbasa ha Siméon nde, wɛnɛ lɛm fe na, kanɛ wɛnɛ zɔka *Mesi ka *Kongawan tomsa.

Dede Wen hazu Jésus-Christ ka Luc ngɛraka 9:6

Hio wan-nɛtom pena, mbwa nɛa gɔn hio le nɛnɛ. Ha bhandi fɛt mbwa bulo *Dede Wen nɛ mbwa kpasasa hio wan-zɛlɛ.

Jean 15:26

«Ka mi hɔa ha pɛ Bafa mi, mi betomsi *Nzɔy-Sɔtɛ ha ɛnɛ tuka wan-gbakiri ɛnɛ. A begutɛ ha pɛ Bafa mi, a begbasi tɛwen pɛ Sɔ ha ɛnɛ, nɛ a betɔ wen tɛ mi ha ɛnɛ.

Deamɔ 10:44

Ka Pierre boka ha bulo wen, Nzɔy-Sɔtɛ zilo ha zu wi ndɔng fɛt ka dungɔ ha zea wɛnɛ.

Deamɔ 16:10

Nɛhasa hapata ɛngi, ɔ kio wal mɛ pen ha Masedoane, hazu ɔ ingɔ nɛdedea nde, Sɔ saa ɔ mɛ nɛ nɛ bul *Dede Wen ha hio wi haki.

Deamɔ 2:33

A gdea wɛnɛ ha bosi bhandi ha wal wekɔ wa. Wɛnɛ kpaa Nzɔy-Sɔtɛ tuka ka Sɔ, Bafa wa, bagɔn nua sɔngsi. Nɛ Jésus tomsa Nzɔy-Sɔtɛ ɛngɛ ha ɔ fin. Mɔ ka ɛnɛ ha zɔka nɛ zea sising, yo nê tom pɛa.

Deamɔ 4:31

Ka mbwa karsa gɔa Sɔ, nu yaka ha bhandi ka mbwa dungɔ ang. Mbwa fɛt dona nɛ Nzɔy-Sɔtɛ, nɛ mbwa bulo wen pɛ Sɔ nɛ da.

Deamɔ 4:8

Pierre dona nɛ *Nzɔy-Sɔtɛ, a tɔa ha mbwa: «Ɛnɛ hio wan-le nɛ hio kotowi mɛ kandɔ pɛ ɔ,

Deamɔ 8:25

Pierre nɛ Jean bhɔna ha Samari, nɛ mbwa bulo wen mɔ ka Kongawan batɔ nɛ bade ha li mbwa. Hapata mbwa kiforo tɛ si ha Jérusalem. Ha liwal, mbwa bulo fin Dede Wen ha zang hio dɔka le mɔ kandɔnu Samari.

Rome 1:15

Yo nê hazu ɛngi, ka mi ngoy mɛ nɛ nɛ bul Dede Wen ha soko ɛnɛ fin, hio wi mɛ Rome.

Rome 1:17

Kpasawen, Dede Wen gbasi wal ka Sɔ gde wi nzeng ha li wa. Hazu kpa wal ɛngɛ, lɛma ka lɛm sɔna nde, wia amɛkiri Jésus-Christ, nɛ mɛkaramɔ ɛngɛ belɛm nɛkpasa. Yo gbesi tuka ɛ ngɛraka ha takarata pɛ Sɔ nde, «Wi ka dung nzeng ha li Sɔ nɛ wal mɛkaramɔ, wia bedung nɛ tunɔ.»

Rome 10:15

Nɛ ɛ bebul wena mɛng, ka ɛ tɛ tomsi wan-bul wena na? Yo gbesi tuka ɛ ngɛraka ha takarata pɛ Sɔ: «Yo nê gasa totɛ mɛ zɔk wi ndɔng ka ku dede kasi tɛnɛ.»

Rome 15:19

nɛ wal hio *mɔweka nɛ hio *mɔbhana, nɛ wal ngatɛ pɛ Nzɔy-Sɔtɛ. Yo nê tuka ɛngi, ka mi dungɔ ha bulo Dede Wen tɛ Jésus-Christ fɛt nɛnɛ, angiri ha Jérusalem hɔ ha kandɔnu Iliri.

1 Korente 2:10

Ma, pɛ ɔ, Sɔ gbasa mɔ ndɔng ha ɔ long nɛ wal *Nzɔy-Sɔtɛ. Hazu Nzɔy-Sɔtɛ ingɔ goto mɔ fɛt, ngase zang gduko mɔ ka Sɔ takiri ang.

2 Korente 1:22

A gɔna dafu pɛa ha tɛ ɔ hazu osi nde, ɔ tɛ bo nê hio wi pɛa. A donsa sila ɔ nɛ *Nzɔy-Sɔtɛ hazu osi nde, a beha ɔ mɔ fɛt ka wɛnɛ gɔna nua.

2 Korente 6:6

Ma, sila ɔ nɛ saa, ɔ ingɔ tɛwen pɛ Sɔ, ɔ ha baa sila nɛ kɔ, ɔ ha dea ngay, sila ɔ dona nɛ *Nzɔy-Sɔtɛ, ɔ ha ngoya hio wi nɛ sila ndang,

Galasi 1:12

Ma wi ndang tɛ ha yo ha mi na, nɛ ma wi ndang tɛ osi yo ha mi na. Ma, yo nê Jésus-Christ nɛ tɛ wa ha gbasi yo ha mi.

Galasi 1:16

A gbasa Bewei pɛa ha mi tuka nde, mi abul Dede Wen tɛ wa ha hio kandɔ ndɔng ka bo nê zuife na. Ha ngimɔ ɛngi, mi tɛ nɛ ha pɛ ma wi nde, wɛnɛ ambo mi na.

Efeze 3:10

Mɛgi, angiri ha ngimɔ sising, hio sɔtɛ gan zu mɔ nɛ hio nga sɔtɛ ka dung ha ngɔn, lɛma ing dɔka mbaramɔ pɛ Sɔ nɛ wal *giliwi mɔ eglize.

1 Tesalonike 2:9

Hio ya ɔ, tazu ɛnɛ gbaa nɛ ngatom pɛ ɔ nɛ kata tɛ pɛ ɔ. Ha ngimɔ ka ɔ bulo Dede Wen pɛ Sɔ ha ɛnɛ, ɔ dungɔ ha dea tom swe nɛ zɛ yu nde, ɔ betɛ dung nê zio toy ha zu ma wi ha soko ɛnɛ.

1 Timothée 3:16

Wen mɛkaramɔ ka Sɔ gbasa, yo nê gasa mɔ pentɛ, siokafɛ bona. Wen ɛngɛ nde: Christ yola tɛ wi, nɛ *Nzɔy-Sɔtɛ gbasa nde, wɛnɛ nê *nzeng wi. Hio *telenge zɔka wɛnɛ, nɛ ɛ bulo wen tɛ wa ha hio kandɔ. Hio wi mɔ nzan mɛkara wɛnɛ, nɛ Sɔ guo wɛnɛ ha ngɔn gde ha lɛkɛ-lɛkɛ bhandi.

Hebro 11:13

Hio wi ndɔng fɛt badung ka ha mɛkara Sɔ tee kanɛ mbwa fea. Pɛ mbwa, mbwa tɛ kpa hio mɔ ka Sɔ bagɔn nua na. Ma, mbwa zɔka yo nɛ yɛa, nɛ mbwa dea totɛa. Mbwa batɔ se long nde, mbwa ka nê hio gɔn-gɛnɛ wi nɛ hio tombɔ ha zu nu ɛngɛ.

Hebro 2:4

Ha ndangtɛ ngimɔ, Sɔ fin osa nde, wen ɛngɛ nê tɛwen, nɛ wal hio *mɔweka, hio *mɔkifi, hio tili *mɔbhana nɛtɛ-nɛtɛ, nɛ fin nɛ wal hio ngatɛ pɛ *Nzɔy-Sɔtɛ, ka wɛnɛ haa ha hio wi tuka sila wa ngoya.

Hebro 4:2

Hazu ɔ zea *Dede Wen gbesi tuka hio ngbabafa ɔ baze. Ma, ngase mbwa zea wen ɛngi, yo tɛ gbakiri mbwa na, hazu mbwa zea ze sɔna, mbwa tɛ mɛkiri yo na.

1 Pierre 1:25

Ma, wen pɛ *Kongawan bhɔn pɛa kpoo nɛ kpoo.» Nɛ wen ɛngɛ, yo nê Dede Wen ka ɛ bulo ha ɛnɛ.

1 Pierre 4:6

Sɔ begɔn kita ha zu hio fiowi lɛm nɛ deamɔ pɛ mbwa ha zu nu. Yo nê hazu ɛngi, ka Christ bulo *Dede Wen ha mbwa tuka nde, nɛ wal *Nzɔy-Sɔtɛ mbwa fin akpa ndangtɛ tunɔ, ka Sɔ dung nɛ yo.

Gbasamɔ 5:11

Mi zɔka fin, nɛ mi zea gɛl hio dɔka telenge tomay tomay hebhe hebhe. Mbwa zikoro solowan, hio tunɔ mɔ ndɔng nɛ hio kotowi fɛt gde ha binsila.