1 Pierre 1:11 - Takarata pɛ Sɔ Mbombe Mbon

¹¹ *Nzɔy-Sɔtɛ pɛ Christ ka dungɔ ha sila mbwa gbasa bingiri nde, Christ bekpa yimtɛ sɔngsi ing ki, a tɛ kpa lɛkɛ-lɛkɛmɔ. Mbwa dungɔ ha kio mɔ nɛngaya, hazu ing ngimɔ nɛ wal ka mɔ ndɔng behɔ nɛ.

1 Pierre 1:11 ပူးပေါင်းရင်းမြစ်များ

Matthieu 26:24

Mi, *Bewei pɛ Wi, befe gbesi tuka ɛ ngɛraka ha zang takarata pɛ Sɔ. Ma, ngɔtɛ ha wan-hakasatɛ Bewei pɛ Wi. Ɛ abhɛ se wɛnɛ na, ki dea se!»

Dede Wen hazu Jésus-Christ ka Luc ngɛraka 24:44

Hapata Jésus tɔa ha mbwa: «Ha ngimɔ ka mi bhɔna ka hinɛ ɛnɛ, mi tɔa ha ɛnɛ nde, lɛma nde, hio dɔka ngɛrakamɔ ha zu mi ha zang *mbonga pɛ Moïse, ha zang takarata pɛ hio *wan-tɔkuliwen, nɛ ha zang *takarata gima pɛ David fɛt alɛmsiri tɛ.»

Jean 12:41

Esaïe batɔ wen ki hazu Jésus, hazu a bazɔk *lɛkɛ-lɛkɛmɔ pɛ *Mesi ha zang zizimɔ.

Deamɔ 16:7

Ka mbwa hɔa hapɛtɛ kandɔnu Misi, mbwa kio wal mɛ le ha kandɔnu Bitini. Ma, Sɔtɛ pɛ Jésus kafa.

Rome 8:9

Ka bo nê pɛ ɛnɛ, ka ɛnɛ ade mɔ nɛ tɛ ɛnɛ na, ma, ɛnɛ de mɔ nɛ Nzɔy-Sɔtɛ pɛ Sɔ, hazu Sɔtɛ ɛngɛ ha dea le ha tɛ ɛnɛ. Ka Sɔtɛ pɛ Christ de le ha sila ma wi na, wia bo nê pɛ Christ na.

Galasi 4:6

Sɔ tomsa Sɔtɛ pɛ Bewei pɛa ha zang sila ɔ, hazu osi nde, ɔ nê hio bem pɛa nɛkpasa. Nɛ Sɔtɛ ɛngɛ ha gdɔra: «Abba» ka tɔ nde, Bafa mi!

2 Pierre 1:21

Hazu hio wan-tɔkuliwen tɛ wolmɔ nɛ wal mbaramɔ pɛ mbwa na. Ma, yo nê *Nzɔy-Sɔtɛ ka lea sila mbwa nde, mbwa atɔ wen ka gutɛ nɛ Sɔ.

Gbasamɔ 19:10

Nɛ mi teka ha si nanga wa hazu lukisi wɛnɛ. Ma, a tɔa ha mi: «Pangay! Ka mɛ ade mɛgi na. Mi fin, mi nê wan-tom gbesi tuka mɛ hinɛ hio ya mɛ fɛt, ka pam tɛwen ka Jésus kɛ wena. Mɛ alukisi nɛ Sɔ!» Yo nê tɛwen ka Jésus kɛ wena, ka ha ngatɛ ha hio wi mɛ tɔ kuliwen pɛ Sɔ.