1 Korente 9:18 - Takarata pɛ Sɔ Mbombe Mbon

¹⁸ Mɛgi, mɔ-kɛ mi nê nge tɛ mɔ ge? Mɔ-kɛ mi, yo nde, mi bul Dede Wen ha hio wi nɛgbelea, nɛ mi ani mɔ ha kɔ hio wi ka ze Dede Wen ɛngɛ na, ngase toma ha wal mɛ de mɛgi.

1 Korente 9:18 ပူးပေါင်းရင်းမြစ်များ

Jean 4:36

Wan-bhi kpalmɔ kpa kɛamɔ sising, nɛ wɛnɛ ha bhio mɔ hazu tunɔ kpoo. Mɛgi, wan-pɛ kpalmɔ nɛ wan-bhi waya, mbwa bede totɛ gbesi.

Deamɔ 18:3

nɛ a ɔa nɛ de tom hinɛ mbwa, hazu mbwa ha dea ndangtɛ tom fulo hio gasa la mɛ bɛ nɛ twa.

Rome 14:15

Ka mɛ ha ngɔtɛ ha ya mɛ nɛ wal yɔnga tili yɔngamɔ mɛgi, yo osi nde, mɛ bo fin ha ngoya wɛnɛ na. Christ fea gɔn zu ya mɛ, mɛgi dea nde, ka mɛ abhondisi wɛnɛ nɛ wal yɔngamɔ pɛ mɛ na.

1 Korente 10:33

Ɛnɛ de mɔ tuka mi ha dea. Mi ha kio wal tuka nde, hio deamɔ pɔm fɛt aha totɛ ha hio wi fɛt. Mi ki dedemɔ hazu mi na, ma, mi ki dedemɔ hazu hio wi fɛt tuka nde, mbwa akpasi.

1 Korente 3:8

Wi ka gun mɔ nɛ wi ka a li ang, mbwa pen may na. Sɔ bekɛ mbwa bwa fɛt lɛm nɛ tom ka mbwa dea.

1 Korente 7:31

Nɛ hio wi ndɔng ka kpa dedemɔ nzan ɛngɛ, lɛma nde, ka mbwa agde sila mbwa ha mɔ nzan ɛngɛ na. Hazu mɔ nzan fɛt bekari.

1 Korente 8:9

Ɛnɛ tɛ bo sɛɛ hazu de mɔ ka sila ɛnɛ ngoya. Ma, ɛnɛ pangay yu nde, hio deamɔ pɛ ɛnɛ betɛ dak hio mɔka wi ha wal mɔ Sɔ pi ha dea gdangamɔ.

1 Korente 9:12

Ka hio mbing wi lɛma mɛ kpa mɔ ha kɔ ɛnɛ, bo nê ɔ lɛma mɛ kpa yo pen mbwa, na nde? Ma, ɔ tɛ ani ma mɔ ha kɔ ɛnɛ na. Ɔ ha yɔnga yini ha zang hio yeksamɔ fɛt yu nde, ɔ betɛ de ma mɔ ka gdɔki wal ha *Dede Wen pɛ Christ.

1 Korente 9:15

Ma, pɔm, ngase ka mi lɛma mɛ kpa mɔ ha kɔ ɛnɛ, mi tɛ ani yo ndang na. Nɛ mi ngɛriki takarata ɛngɛ hazu ani nɛ mɔ ha kɔ ɛnɛ na. Hazu, ka mi fea, ɛngɛ nɛ dedea pen nde, hio wi agdangsi dede lingtɛ mi ka mi sutɛ ang.

1 Korente 9:17

Ka bo se nde, mi nɛ pɔm tɛ aweki mɛ de tom ɛngɛ, ki mi lɛma mɛ kpa mɔ-kɛ mi. Ma, yo bo nê mi ha weki mɛ de toma na. Mi de kanɛ tom ka Sɔ gdea ha kɔ mi.

2 Korente 4:5

Ey, ɔ bul wen tɛ ɔ ndang na, ma, ɔ bul wen tɛ Jésus-Christ, ka dung nê *Kongawan. Pɛ ɔ, ɔ nê hio wan-tom pɛ ɛnɛ hazu Jésus.

1 Tesalonike 2:6

Ɔ tɛ ki lukosomɔ ngase ha kɔ ɛnɛ, ngase ha kɔ ma mbing wi na.