1 Korente 8:9 - Takarata pɛ Sɔ Mbombe Mbon

⁹ Ɛnɛ tɛ bo sɛɛ hazu de mɔ ka sila ɛnɛ ngoya. Ma, ɛnɛ pangay yu nde, hio deamɔ pɛ ɛnɛ betɛ dak hio mɔka wi ha wal mɔ Sɔ pi ha dea gdangamɔ.

1 Korente 8:9 ပူးပေါင်းရင်းမြစ်များ

Matthieu 18:10

«Pangay, ka ɛnɛ aba hio bebe wi ndɔng tuka tum wi na! Hazu mi tɔ ha ɛnɛ nde, hio *telenge pɛ mbwa ha ngɔn dung swe fɛt ha li Bafa mi ha zang ngɔn. [

Rome 15:1

Ɔ ka dung nê hio ngawi ha wal mɔ Sɔ, lɛma nde, ɔ agbakiri hio mɔka wi ha mɔ ka mbwa takiri tɛ ang. Ka ɔ ade nɛ mɔ ka ha totɛ ha tɛ ɔ nɛ pɛ ɔ tɛ na.

1 Korente 10:24

Ka ma wi aki dedemɔ hazu wa na, ma, wɛnɛ aki dedemɔ hazu hio olo wi.

1 Korente 10:28

Ma, ka ma wi tɔ ha ɛnɛ nde, ɛ haa sari ɛngɛ nɛ sadaka ha gbele sɔ, lɛma nde, ɛnɛ ayɔng fin na. Ɛnɛ ade mɛgi hazu wi ka tɔa wena, nɛ hazu wen ingɔmɔ sila.

1 Korente 10:29

Mi tɛ tɔ nɛ wen ingɔmɔ sila pɛ ɛnɛ na, ma, nɛ wen ingɔmɔ sila pɛ olo wi. Mi dung sɛɛ. Mɛgi, ingɔmɔ sila pɛ ma wi lɛma mɛ gɔn kita hazu deamɔ pɔm, mɛng?

1 Korente 10:32

Ka ɛnɛ adung nê mɔ-kɔ nanga ha li ma wi na, ngase ha li hio *zuife na, ngase ha li hio olo kandɔ na, ngase ha li hio wi mɔ eglize pɛ Sɔ na.

1 Korente 8:10

Pɛ mɛ, mɛ baa tɛ mɛ tuka wi ka dung nɛ ingɔmɔ, nɛ mɛ le twa gbele sɔ hazu yɔng mɔ ang. Ka ma mɔka wi ha wal mɔ Sɔ zɔka mɛ, bo nê wɛnɛ ba da hazu yɔng sari ka hio wi ha nɛ sadaka ha gbele sɔ, na nde? Ma, dea mɔ mɛgi besungiri ingɔmɔ sila pɛa.

1 Korente 8:12

Ka ɛnɛ de gdangamɔ mɛgi ha tɛ ya ɛnɛ, nɛ ɛnɛ ha ngɔtɛ ha mɔka ingɔmɔ sila pɛ mbwa, ɛnɛ dea gdangamɔ ha tɛ Christ nɛ pɛa tɛ.

1 Korente 9:22

Nɛ ka mi dung ha soko hio mɔka wi ha wal mɔ Sɔ, deamɔ pɔm ka fin tuka pɛ mbwa hazu nde, mbwa amɛkiri Christ. Ha soko hio wi fɛt, mi tɛ bo tuka mbwa ndang ndang fɛt nde, ka mi akpasisi hio ma ha soko mbwa.

2 Korente 11:21

Mi nɛ foy mɛ tɔ yo nde, ɔ tɛ de mɔ nɛ ngasila tuka mbwa na, ma, ɔ dea mɔ nɛ mɔka sila. Mi bewol fin mɔ tuka wan-bili ndɔng. Mbwa nɛ da mɛ lukisi tɛ, ma, mi fin, mi nɛ da mɛ lukisi tɛ gbesi.

2 Korente 11:29

Ka ma wi nɛ mɔkaa, mi fin dung tuka mɔka wi. Ka ma wi dak ma wa pi ha dea gdangamɔ, sila mi ha yimɔa pentɛ.

2 Korente 6:3

Ɔ ngoy nde, ma wi ndang afɛngsi tom pɛ ɔ na. Yo nê ɛngi, ka ɔ de mɔ fɛt tuka nde, ma wi ndang akɔ nanga wa ha tɛ ɔ ha wal mɔ Sɔ na.

Galasi 5:13

Ka bo nê pɛ ɛnɛ, hio ya mi, Sɔ saa ɛnɛ mɛ dung nê bele. Mɔ ndang sɔna, ɛnɛ ka dung nê bele sising, ka ɛnɛ atakiri nde, ɛnɛ lɛma de mɔ fɛt tuka sila ɛnɛ ngoya na. Ma, lɛma nde, ɛnɛ angoy may, nɛ ɛnɛ agbakiri may.

Kolose 2:8

Ɛnɛ pangay yu nde, hio wi betɛ osili ɛnɛ nɛ gombo mbaramɔ pɛ mbwa hazu ba ɛnɛ nɛ bala. Mbaramɔ ɛngɛ tɛ nɛ wal hio ngbabafa mbwa mana nɛ wal hio sɔtɛ mɔ nzan. Yo tɛ nɛ wal Christ na.

1 Pierre 2:16

Ɛnɛ tɛ bo nê hio wi ka dung sɛɛ. Ka ɛnɛ adung sɛɛ hazu de nɛ gdangamɔ na. Ma, ɛnɛ adung sɛɛ hazu de mɔ tuka wan-tom pɛ Sɔ.

2 Pierre 2:19

Hio wan-osimɔ dalo ndɔng ha gɔna nu ha mbwa nde, mbwa bedung sɛɛ. Ma, mbwa nɛ pɛ mbwa tɛ nê bala ha si wɔ dea mɔ ka begdangsi mbwa. Hazu wi ndang ndang fɛt nê bala ha si mɔ ka gan zu wa.

Gbasamɔ 2:14

Ma, mi nɛ bebe mɔ sungiri ɛnɛ nde, hio ma wi ha soko ɛnɛ ndara osamɔ pɛ Balaam. Wɛnɛ mboa Balak mɛ osili hio wi mɔ *Israel nde, mbwa ayɔng sari sadaka pɛ hio gbele sɔ, nɛ mbwa ade wanza.