1 Korente 7:31 - Takarata pɛ Sɔ Mbombe Mbon

³¹ Nɛ hio wi ndɔng ka kpa dedemɔ nzan ɛngɛ, lɛma nde, ka mbwa agde sila mbwa ha mɔ nzan ɛngɛ na. Hazu mɔ nzan fɛt bekari.

1 Korente 7:31 ပူးပေါင်းရင်းမြစ်များ

Dede Wen hazu Jésus-Christ ka Luc ngɛraka 21:34

«Ɛnɛ pangay! Ka ɛnɛ apengi nɛ totɛ mɔ nzan nɛ nɔa dɔkɔ na. Nɛ fin, ɛnɛ adung nɛ nɔzang ha zu mɔ nzan na. Yu nde, yala ka mi betɛ, betɛ wang ɛnɛ

1 Korente 7:29

Hio ya mi, goto wen ka mi ngoy mɛ tɔ ha ɛnɛ, yo nde, ngimɔ ngbɔla tikiring sɔna. Mɛgi, hio wei ndɔng ka sio bhoko, lɛma nde, wena ahɛl sila mbwa na.

1 Korente 7:30

Hio wi ka dung nɛ ngɔtɛ, lɛma nde, ngɔtɛ ɛngɛ ahɛl sila mbwa na. Hio wi ka de totɛ, lɛma nde, totɛ ɛngɛ ahɛl sila mbwa na. Hio wi ndɔng ka hɛa mɔ, lɛma nde, mɔ ndɔng ahɛl sila mbwa na.

1 Korente 9:18

Mɛgi, mɔ-kɛ mi nê nge tɛ mɔ ge? Mɔ-kɛ mi, yo nde, mi bul Dede Wen ha hio wi nɛgbelea, nɛ mi ani mɔ ha kɔ hio wi ka ze Dede Wen ɛngɛ na, ngase toma ha wal mɛ de mɛgi.

Hebro 12:27

Hio wen ndɔng, ka tɔ «Ze ndang fin», yo gbasa long nde, hio mɔ fɛt ka Sɔ dea, beyak nɛ yo beyɛmili. Mɛgi, hio mɔ ka bebhɔn, yo bedung sɔna nê hio mɔ ka ɛ lɛm mɛ fesi yo na.

Jacques 4:14

Ɛnɛ ingɔ mɔ ka behɔ nɛ bhisiri nde? Way, tunɔ pɛ ɛnɛ dung tuka kutu ka bhɔn pata yɛ na, hapata yo yɛmala fin.

1 Pierre 1:24

Yo gbesi tuka ɛ ngɛraka ha zang takarata pɛ Sɔ: «Hio wi fɛt dung tuka bɛlɛ. Lɛkɛ-lɛkɛmɔ pɛ mbwa dung tuka dote. Bɛlɛ bekoti, nɛ dote beyɔmbi.

1 Pierre 4:7

Sising, ngbɔla kanɛ bengimɔ tikiring nde, ka mɔ nzan fɛt akari. Hazu ɛngi, lɛma nde, ɛnɛ agan zu tɛ ɛnɛ, nɛ ɛnɛ adung ngɛlɛlɛ ha gɔa Sɔ.

1 Jean 2:17

Nzan nɛ hio mɔ fɛt ka wi gol ang bepen. Ma, wi ka de mɔ ka Sɔ ngoya, bebhɔn pɛa nɛ zutunɔ kpoo.